Tesalonikitɔnŋ kiri (1) 5:7 - Jɔ Biibili ki

⁷ Cii ki i ɲinintantɔnŋ kiri ɲinintan waari ki i, niŋ fa lɔ mwunutɔnŋ kiri kari waari ki i lɔ ki gbɛ

Tesalonikitɔnŋ kiri (1) 5:7 ပူးပေါင်းရင်းမြစ်များ

Yuhana 2:10

ŋi i na ǹʼbi niŋ tɛ tu : « Koŋ bataa i dali-la kí i dunfɛnŋ ki bataa ru jii ki wɔri konaŋ kiri tɛ ǹʼjɔnɔ, a kí niŋ mwɔɔnna mwunu waarinŋ wɔ̀ ru, dunfɛnŋ wɔ̀ di po kì, niŋ i kila niŋ i wɔri kí tɛ. Nka miŋ dunfɛnŋ ki bataa ru jii ki tu-i nmaŋ fɔ dɔɔ! »

Mabikiri 2:15

Ka koŋ kari pyii dunfɛnŋ na kì, miŋ tu ábɛɛ i ǹʼmiiri-ra ɲaan wɔ̀ tɛ, si ki sɔli-i faa!

Ɔrɔmutɔnŋ kiri 13:13

Yi tiri tirika ɲaan shɔɔrinŋ tɛ, miŋ tu koŋ i tiri-ra suunna ɲaan wɔ̀ tɛ. Yi fa ji wulatiŋ ni fa lɔrutɛfɛ ri i kì. Yi yi yɛri paka tɔ nankulunbi kwuru ki bataa kɛlina. Yi fa ji kari kwurutiiri fa ɲaannajuutɔnŋ ni i kì.

Korɛntitɔnŋ kiri (1) 15:34

Á ɲakili kila, á i bijɛ ki tɔnbo. Sabu ábɛɛ ru, ǹʼbɛɛ ri Kirinŋ tɔ-a kì. Míŋ i niŋ bi-a, nwɔma ábɛɛ i ɲaankwun.

Efɛsitɔnŋ kiri 5:14

Niŋ ki ra, ŋì i bi tu : « Minwɔ̀ i ɲinintan-a, ŋmɛni! Ŋmɛni po san konkwuu kiri kanfɛ, nwɔma Kirisa i manisarinŋ po nʼtɛ. »

Efɛsitɔnŋ kiri 5:18

Á fa á yɛri ɲaannafini lɔ wu kì, niŋ i koŋ ɲini ki li-a, nka á faa Ɲiniwɔlinŋ ki ra.

Pyɛɛri (2) 2:13

Kí i bi kulinŋ wɔ̀ri ma-a, mìŋ bi kulinŋ kiri bishi ri a na ji kí sali ki i. Kí suunna nankulunbi ki ji-i arì dintɛ bi i. Kí bataa i koŋ nɔɔmaan ni i. Ŋì i kí tu niŋ ɲaan ki tɛ, kí i arì tɔɔn-na, kí i ta-ri arì bo-ri ábɛɛ sun áwɔ ɲaannabyɛ kiri ru, kí i ɲaankwunŋ bo-ri á sun.