Tesalonikitɔnŋ kiri (1) 5:6 - Jɔ Biibili ki

⁶ Niŋ ki ra, yi fa ɲinintan-ni miŋ tu koŋ pyɛ kiri kì. Yi tu yi ɲaanna, yi i yi ɲakili tu yi yɛri ra, yi ɲakili ki sɔɔmaan i ji-i waarinŋ bataa ru.

Tesalonikitɔnŋ kiri (1) 5:6 ပူးပေါင်းရင်းမြစ်များ

Yonasi 1:6

Kwurinŋ ki kapitɛni ki i a kpari Yonasi tɛ, ntiŋ i ǹʼbi ntiŋ tɛ tu : « Miŋ nfɛnŋ ma-a kwumaŋ, miŋ i ɲinintan-a wa? Jɔrɔkɔ, ŋi i nʼwɔ kirinŋ ki rafɛ, niŋ i a na yi sunmakwulupa, ŋì i yi mwu beŋ ki wu woo, koŋ ǹʼtɔ kì. »

Matiyu 13:25

Cii ki ru, ŋì i konaŋ kiri tu ɲinintan-a, niŋ koŋ ki ɲa bɛɛ i ta ɲiŋ jɛ daŋ ɲɛɛn ntiŋ wɔ ji ki ru sɛbɛ, ntiŋ i tiri.

Matiyu 24:42

Niŋ ki ra, á tu á ɲaanna waarinŋ bataa ru, sabu ábɛɛ Ŋuntiŋ ki na jibi ki tɔ-a kì.

Matiyu 25:13

Niŋ ki ra, Yesu tu awɔ kalindaŋ kiri tɛ tu : « Á tu á ɲaanna, sabu ábɛɛ Kirinŋ Danshuru ki na jibi ki tɔ-a kì, á fani ǹʼwaaci ki tɔ-a kì. »

Matiyu 25:5

Marishinŋ ki na-i cin ntiŋ i na-a kì, ɲini i kwulu maannaanŋ kiri ra, kí bataa i ɲinintan.

Matiyu 26:38

Ntiŋ i ǹʼbi kí tɛ tu : « Tɔnfɔɔ ki a míŋ kilɛn. Á tu á ɲaanna míŋ fan kwumaŋ, á fa ɲinintan kì. »

Maraka 13:37

Míŋ i nwɔ̀ bi-a ábɛɛ tɛ kaa, míŋ i ǹʼbi-a koŋ bataa tɛ. Á tu á ɲaanna. »

Luki 12:37

Niŋ na, a ŋununtiŋ ki na, ntiŋ i na fa baaradaŋ wɔ̀ri wu arì ɲaanna, nini a ji koŋ fɛrɛmaan ni i. Míŋ a ǹʼbi ábɛɛ tɛ ńʼtu, sɛli ki ra, ŋununtiŋ ki yɛri ki a na a rukɔli, ntiŋ i awɔ baaradaŋ kiri dɔri tu kí na sɔɔ kí i nufinŋ ki nu, ntiŋ yɛri ki gbɛ ki a na ninwɔ̀ sɔɔ kí tɛ.

Luki 12:39

Á ǹʼtɔ tu futiŋ ki ji wuru kwunŋ ki na waari ki tɔ-a, ntiŋ wuru-ra kwunŋ ki suu de ki sun awɔ fu ki ru.

Luki 21:36

Niŋ ki ra, á tu á ɲaanna, á i Kirinŋ nafɛ-ri waarinŋ bataa ru, nwɔma á i cunadibi kila. A niŋ ma, bi wɔ̀ri yirira i nmaŋ, ábɛɛ ra á mwu nini wu, niŋ fa ábɛɛ ra na so tu-i Koŋ Danshuru ki ɲaanfɛ. »

Luki 22:46

Ntiŋ tu kí tɛ : « Hɛɛn! Ábɛɛ i ɲinintan-a wa? Á jɔrɔkɔ, á i Kirinŋ nafɛ, nwɔma shitaanni wɔ faan ki fa so á fɛ kì. »

Mabikiri 20:31

Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.

Korɛntitɔnŋ kiri (1) 15:34

Á ɲakili kila, á i bijɛ ki tɔnbo. Sabu ábɛɛ ru, ǹʼbɛɛ ri Kirinŋ tɔ-a kì. Míŋ i niŋ bi-a, nwɔma ábɛɛ i ɲaankwun.

Korɛntitɔnŋ kiri (1) 16:13

Á á ɲakili tu á yɛri ra waaci bataa ru, á i á cunadi bilinabi ki ra, á i á tɔnnafuru, á i á sunfuru.

Efɛsitɔnŋ kiri 2:3

Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.

Efɛsitɔnŋ kiri 5:14

Niŋ ki ra, ŋì i bi tu : « Minwɔ̀ i ɲinintan-a, ŋmɛni! Ŋmɛni po san konkwuu kiri kanfɛ, nwɔma Kirisa i manisarinŋ po nʼtɛ. »

Efɛsitɔnŋ kiri 6:18

Á Kirinŋ nafɛ waarinŋ bataa ru Ɲiniwɔlinŋ ki wɔ sotinbi ki wu. Á fa yɛli niŋ na kì, á tu Kirinŋ nafɛ ki ra waarinŋ bataa ru, á i Kirinŋ nafɛ-ri Kirinŋ wɔ wɔlinŋ kiri bataa tɛ,

Filipitɔnŋ kiri 4:5

Á ncusun konaŋ kiri bataa i áwɔ tɔnsunfili ki tɔ, sabu Ŋuntiŋ ki myɛ-ɛ.

Kɔlɔsitɔnŋ kiri 4:2

Á á cɛrukɔli tu Kirinŋ nafɛ ki ra, á i baraka bi-ri ǹʼtɛ kusɛbɛ.

Tesalonikitɔnŋ kiri (1) 4:13

Ńʼtindaŋ ni, a bilinatɔnŋ ki beeni, bi wɔ̀ i ma-a ntiŋ wu, míŋ ǹʼtɛ ábɛɛ i tu niŋ tɔbali kì, nwɔma ábɛɛ fa na á gbɛɛratɛɛ-ɛ miŋ tu koŋ pyɛ kiri kì. Gbɛbilimaŋ nini na kì.

Tesalonikitɔnŋ kiri (1) 5:10

Ŋuntiŋ ki beeni-i yibɛɛ bira, nwɔma tu yibɛɛ ɲaninkulutɔnŋ kiri, walima yi beenimaan kiri i de a fan ɲaninkulutɔnbi ki ru, yi tu yimaŋ fan waarinŋ bataa ru.

Tesalonikitɔnŋ kiri (1) 5:8

Nka yibɛɛ wɔ̀ri i suntɔnŋ sarinŋ ki nu, yi i yi ɲakili ki sɔɔ tenŋ sun. Bilinabi ki fa bidintɛbi ki ja yi ra, miŋ tu peejɛrɛbi. Yibɛɛ yi gbɛ bili-i mwubi wɔ̀ sun, niŋ i ji yɔɔ peebunfila ki i.

Timote (1) 2:15

Mari wɔ daŋ ji bi nmari mwu ba-a kì, nwɔ̀ furu-i, nmari tu bilinabi ki ru, niŋ fa bidintɛbi ki sun, nmari i a yɛri pa, nmari i ji wɔlinŋ i, Kirinŋ ɲaanfɛ.

Timote (1) 2:9

Mìŋ ɲaan tenŋ ki tɛ sɛbɛ, míŋ i ǹʼbi-a mari kiri tɛ, ńʼtu kí arì sunye sunyefinŋ kpaajii ri wu, nwɔ̀ri ra kí pa. Kí fa ŋuniŋ kpaafuru tan-ni kì, kí dumiŋ fa sɛniŋ fa kuruɲɛ kpaafuru ri ye-ri kì. Kí fa juulinŋ tɔtiŋ ni bo-ri kì.

Timote (1) 3:11

Mari wɔ̀ri i jɛntɔnŋ ni i, mìŋ ɲaan tenŋ ki tɛ, nini kakan-i kí i ji mari sɔbɛ ri i, kí fa ji koŋ tɔ bitɔnŋ ni i kì. Kí i arì yɛri paka tɔ-ri, kí i ji kpeeri i, koŋ i bili-la nwɔ̀ri ra bi bataa ra.

Timote (1) 3:2

Niŋ ki ra, egilisi jɛntɔnŋ ki kakan-i ntiŋ i ji koŋ pɔlibali i, shuru wɔ̀ a teli-i awɔ mari ki tɛ, ntiŋ fa a ɲaniŋ bo mari tɔri ru kì, yɛri rasɔɔtɔnŋ i, koŋ ɲakilitiŋ i, ntiŋ i ji koŋ sɔbɛ ɛ, ntiŋ i ji jɛshi shɔɔrinŋ i, ntiŋ i so konaŋ ni kali-i.

Timote (2) 4:5

Nka, miŋ kɔniŋ, nʼyɛri paka tɔ bi bataa ra. Cɔɔri kiri pa nʼna, ŋi i nʼwɔ cinŋ ki maka shɔ, ninwɔ̀ i Kirinŋ wɔ Wulujii ki sunjorama ki i.

Tite 2:12

Ǹʼyɔ yibɛɛ kali-la tu yi Kirinŋ jɛŋ kɛnibali bi kiri tɔnbo, yi i yi kɔɔye ka juniɲa ka dintɛ bi jɛ kiri ra, nwɔma yibɛɛ i so tirika shɔ-i ka jiŋ sunŋ ka ru, ɲakilitinbi fa fɔɔbi fa Kirinŋ jɛŋ kɛmi wu,

Tite 2:6

Ɲɔrɔkɔ kiri racin, tu kí ji ɲakilitiŋ ni i, bi bataa ru sɛbɛ.

Pyɛɛri (1) 1:13

Niŋ ki ra, á á cɛrukɔli, á i ji ɲakilitiŋ ni i, Kirinŋ a na shɔɔrinŋ wɔ̀ ma ábɛɛ tɛ, Yesu Kirisa na shikaŋ ki ru, á á gbɛbilimaŋ ki bataa ji niŋ i.

Pyɛɛri (1) 4:7

Finŋ fɔn bataa rakɔ ki waari myɛ kɔ, niŋ ki ra, á tirika shɔ, á i tu á i á ɲakili tu á yɛri ra, nwɔma á i tu Kirinŋ nafɛ ki ra.

Pyɛɛri (1) 5:8

Á i á ɲakili tu á yɛri ra, á i á yɛri paka shɔ, sabu ábɛɛ ɲa shitaanni ki i a maanni de-a miŋ tu jari bɛɛkɔni, nwɔ̀ i a kwɔɔn-na, ŋì i koŋ ceeli-li, ŋì a nwɔ̀ nu.

Jafinŋ ki 16:15

Niŋ na, Ŋuntiŋ ki tu : « Ǹʼshɛɛli, míŋ a na miŋ tu kwunŋ! Konwɔtiŋ i tu-a a ɲaanna, ntiŋ i awɔ juulinŋ kiri tu a sun, nwɔma a sunwɔ fa na po tiri, a i ɲaankwunŋ kila kì, nintiŋ wɔ shɔ-i. »

Jafinŋ ki 3:2

Nʼɲakili tu nʼyɛri ra, nwɔma faan pyɛaŋ wɔ̀ i ǹʼtɛ a i beeni, ŋi i niŋ nasuu. Sabu míŋ ǹʼja-i ńʼtu miŋ mabi kiri mɔ́ɔ́n Kirinŋ ki ɲaninpyii kì.