Tesalonikitɔnŋ kiri (1) 5:5 - Jɔ Biibili ki

⁵ Sabu ábɛɛ bataa i manisarinŋ daŋ ni i, niŋ fa suntɔnŋ daŋ ni i, yibɛɛ cii fa mancinŋ daŋ ni i kì.

Tesalonikitɔnŋ kiri (1) 5:5 ပူးပေါင်းရင်းမြစ်များ

Luki 16:8

Yesu tu nafulutiŋ ki niŋ nama-i waarinŋ wɔ̀ ru, ntiŋ i ka koŋ daalintiŋ ka tɔjii bi awɔ kɛrɛbi bi mamaan ki bira. Yesu tu sɛbɛ : « Sɛli ki ra, nwɔ̀ri ɲaniŋ i po-a ka juniɲa ka tɛ, nini i arìmaŋ faninmwuŋ bi kiri ma-a kɛrɛbi wu, ŋì i fwuu manisarinŋ nu tɔnŋ kiri sun. »

Yuhana 12:36

Manisarinŋ ki i faa ábɛɛ faninmwuŋ, á bili ǹʼna, nwɔma á i ji manisarinŋ ki daŋ ni i. » Yesu niŋ wulu kiri bi kɔ-i kí tɛ waarinŋ wɔ̀ ru, ntiŋ i a san niŋ mani nu, ntiŋ i ta a radu konaŋ ki sun.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Tesalonikitɔnŋ kiri (1) 5:8

Nka yibɛɛ wɔ̀ri i suntɔnŋ sarinŋ ki nu, yi i yi ɲakili ki sɔɔ tenŋ sun. Bilinabi ki fa bidintɛbi ki ja yi ra, miŋ tu peejɛrɛbi. Yibɛɛ yi gbɛ bili-i mwubi wɔ̀ sun, niŋ i ji yɔɔ peebunfila ki i.

Yuhana (1) 2:8

Niŋ fa a fɔn na, cinŋ ŋunaŋ yɛ, míŋ i nwɔ̀ sɛbɛ wɔri tiri-ra ábɛɛ tɛ. Ǹʼŋunanbi ki ja-i Yesu ra, ŋì i ji ja ábɛɛ ra sɛbɛ, sabu mancinŋ ki i tiri-ra, manisarinŋ ki i ji cucu-a kɔ.