Tesalonikitɔnŋ kiri (1) 5:12 - Jɔ Biibili ki

¹² Ńʼtindaŋ ni, míŋ ǹʼceeli-la ábɛɛ gbɛ, ńʼtu nwɔ̀ri i arì yɛri yɛli-la, kí i ábɛɛ bo-ri Ŋuntiŋ ki wɔ saa ki tirika ɲaan shɔɔrinŋ ki fan, niŋ fa kí i á racin-ni, ńʼtu á baraka de nini nu.

Tesalonikitɔnŋ kiri (1) 5:12 ပူးပေါင်းရင်းမြစ်များ

Luki 10:7

A ábɛɛ jɛri kaniŋ wɔ̀ sun, á tu niŋ kaniŋ ki sun nmaŋ. Kí finŋ woo finŋ wɔri á tɛ, á niŋ nu, sabu cinŋ matɔnŋ bataa kakan-i ŋì i awɔ sali kila. Á fa á jɛrimaŋ ki rapwulu pwulu de-ri kì.

Yuhana 4:38

Míŋ ábɛɛ bo ta-i bilaŋ tɛri, ábɛɛ yɛlinŋ dantenŋ tan nwɔ̀ bi ru kì. Koŋ tɔri ri ǹʼyɛlinŋ ki tan-i, ábɛɛ i po-ri nini dona. »

Mabikiri 20:28

Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu.

Mabikiri 20:35

Niŋ ɲaan ki tɛ, míŋ ǹʼji-i ábɛɛ wu tu yi kakan yi i baara ma, nwɔma yi i so ye-i gbɛwɔ kiri tɛ, yi i yi ɲakili tu Ŋuntiŋ ki yɛri ki wɔ wulu bimaan ki ra tu : ‹ Gbɛ wɔ̀ i wɔri ki tan-a, baraka i niŋ nu, ŋì i fwuu gbɛ wɔ̀ i ǹʼmwu-a. › »

Ɔrɔmutɔnŋ kiri 16:12

Ńʼwɔ coolinŋ i Tirifɛni fa Tirifosi tɛ, niŋ mari fuuli ki wɔ̀ri i Ŋuntiŋ ki tɛ baara ki ma-a arì sɔbɛ ra. Á i ńʼwɔ coolinŋ wɔri míŋ narinŋ byii Perisidi tɛ, ninwɔ̀ i Ŋuntiŋ ki tɛ baara ki ma-a a sɔbɛ ra sɛbɛ.

Ɔrɔmutɔnŋ kiri 16:6

Á i ńʼwɔ coolinŋ wɔri Mariyamu tɛ, ninwɔ̀ baara mwɔɔnna ma-i ábɛɛ tɛ.

Korɛntitɔnŋ kiri (1) 12:28

Niŋ ɲaan ki tɛ, Kirinŋ koŋ wɔ̀ri sɔɔ-ɔ awɔ bilinatɔnŋ kwuru kiri ŋununu, nini i kari i : ǹʼjɔnɔ ki, Yesu wɔ cindaŋ kiri, ǹʼfuluntɔnŋ ki, cintɔnŋ kiri, ǹʼbyantɔnŋ ki, kalimɔɔ kiri, niŋ kɔɔtɛ kabakobi kiri ma ki so wɔri-i nwɔ̀ri tɛ, niŋ fa so wɔri-i nwɔ̀ri tɛ kí i kiratɔnŋ kiri kene, niŋ fa yentɛtiiri, niŋ fa jɛntiiri, niŋ fa so wɔri-i nwɔ̀ri tɛ kí i wulu kwuru tɔri ri bi-ri.

Korɛntitɔnŋ kiri (1) 15:10

Míŋ i nwɔ̀ jiŋ, míŋ i niŋ i, Kirinŋ wɔ shɔɔrinŋ ki baraka ra. Kirinŋ shɔɔrinŋ wɔ̀ ma-i míŋ tɛ, niŋ ji bi tawɔ ɔ kì, sabu míŋ baara ma-i ŋí i fwuu cindaŋ pyɛ kiri bataa sun. Nka míŋ yɛrima ki niŋ ma ńʼyɛri ki faan wu kì dɛ! Kirinŋ shɔɔrinŋ wɔ̀ ki ma-i míŋ tɛ, niŋ faan ki ǹʼma-i.

Korɛntitɔnŋ kiri (1) 16:16

míŋ ǹʼceeli-la ábɛɛ gbɛ, tu á á kulu niŋ koŋ ki fa a bishi baara matɔnŋ kiri tɛ.

Korɛntitɔnŋ kiri (1) 16:18

Kí míŋ ɲakili ki sɔɔ tenŋ sun, miŋ tu kí ábɛɛ ɲakili ki sɔɔ tenŋ sun ɲaan wɔ̀ tɛ. Á niŋ konaŋ bishi kiri wɔ shɔɔrinŋ ki tɔ kí tɛ.

Korɛntitɔnŋ kiri (1) 3:9

Sabu yibɛɛ fɔn bataa i baara mashi ri i Kirinŋ gbɛ. Ábɛɛ i miŋ tu Kirinŋ wɔ ji ki, niŋ fa á i ji miŋ tu ǹʼwɔ fu, ǹʼyɔ nwɔ̀ tan-a.

Korɛntitɔnŋ kiri (2) 11:23

A kí ǹʼbi tu arìbɛɛ Kirisa tɛ baara matiiri i, míŋ a niŋ julu la wulu bi, míŋ i niŋ bɛɛ i ŋí i fwuu kí sun pewu. Sabu míŋ yɛlinŋ tan-i ŋí i fwuu kí sun, ŋí i bo nkasu ru ŋì i fwuu kí sun, ŋí i bwɔ mwɔɔnna kwun ǹʼnu kí wu, niŋ fa beŋ ki i a kɔri de ńʼna kaan mwɔɔnna.

Korɛntitɔnŋ kiri (2) 5:9

Niŋ ki ra, yibɛɛ pwɔkulinŋ sun woo, yibɛɛ Ŋuntiŋ ki fan woo, yibɛɛ i yi banba-a, yi i yi yɛri bidi Ŋuntiŋ ki tɛ.

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 4:11

Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Filipitɔnŋ kiri 2:19

Míŋ i ǹʼceeli-la Ŋuntiŋ Yesu baraka ra, ńʼtu pyaanniŋ míŋ a Timote bo ta ábɛɛ tɛ nmaŋ, ntiŋ i ta á shɛɛli, ntiŋ i na á ɲaan ki bi míŋ tɛ, nwɔma míŋ ɲakili ki i so sɔɔ.

Kɔlɔsitɔnŋ kiri 1:29

Niŋ ki ra, míŋ baara ki ma-a, ŋí i kari ki tan-ni Kirisa wɔ sotinbi ki wu, ninwɔ̀ i baara ki ma-a míŋ ciiru.

Tesalonikitɔnŋ kiri (1) 2:9

Ńʼtindaŋ ni, yibɛɛ cinŋ ki ma-i sunfurubi wu ábɛɛ kanfɛ ɲaan wɔ̀ tɛ, ábɛɛ ɲakililafɔni-i niŋ tɛ wa? Yibɛɛ baara ki ma-i cii fa sunŋ, nwɔma yi fa ji koŋ tɔri tenŋ wɔ shii i, yɔɔ Kirinŋ wɔ Wulujii ki sunjomaŋ ki ru ábɛɛ tɛ kì.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 5:14

Yi tindaŋ ni, yibɛɛ i ǹʼceeli-la ábɛɛ gbɛ, tu koŋ wɔ̀ri tirika shɔ-a ŋì i kɛɲɛ Kirinŋ wɔ saa ki wu kì, tu á nini nacin, á i kí bo saa shɔɔrinŋ sun. Daŋ kɔ-i nwɔ̀ri sun, á i nini siratu, á i ye baraka bali kiri tɛ, á i á tɔnsunfili koŋ bataa tɛ.

Timote (1) 5:1

A miŋ ji bosomaan racin-a, fa wulu sunfuru bi ntiŋ tɛ kì, nka ntiŋ nacin miŋ tu nʼtiŋ. Ŋi i ɲɔrɔkɔ kiri pa miŋ tu nʼnarinshuru ri.

Timote (1) 5:20

A ǹʼbɛɛ ja ji bi pɔlimaan ma, jɛbi nintiŋ gbɛ konaŋ pyɛ kiri ɲaanna, nwɔma kɛmi i de nini nu.

Timote (2) 2:6

Ji kaantɔnŋ wɔ̀ cɛrukɔli-i baara ki ra, ninki i awɔ bilaŋ ki tɛri-ra ǹʼjɔnɔ.

Tite 1:3

Ǹʼɲaanna waaci ki na-i so, ŋì i awɔ wulu ki ji konaŋ kiri wu awɔ Wulujii ki sunjomaanna ki wu, ŋì ninwɔ̀ biye-i míŋ gbɛsun, ŋì i kɛɲɛ yibɛɛ mwutɔnŋ Kirinŋ yɛrima ki wɔ cinŋ bimaan ki wu.

Tite 1:5

Míŋ miŋ tu-i Kɛrɛti sɔɔta ki ru, nwɔma bi wɔ̀ri ɲaanpobali tu-i, ŋi i nini ɲaanpo ǹʼshɔɔrinŋ i, ŋi i egilisi ki cɛɛnni kiri bɛɛ ri sɔɔ kili ki fɔn bataa tenŋ tenŋ ciiru, miŋ tu míŋ ǹʼbi-i ɲaan wɔ̀ tɛ.

Tite 2:15

Miŋ kakan-i ŋi i konaŋ ki kali-li ka ɲaan ka tɛ, ŋi i kí racin, ŋi i kí siratu, ŋi i kí fɔnimaŋ kiri bi kí tɛ, ŋununtinbi wu, koŋ tɔri tenŋ fa miŋ nufyɛ kì.

Iburu kiri 13:17

Á á jɛnpatɔnŋ kiri gbɛ, á i á kulu kí tɛ. Kíbɛɛ kiri i arì ɲakili tu-a ábɔɔ ɲaninkulutɔnbi ki ra, sabu kí a ta arì kwuran Kirinŋ tɛ. Á ncusun kí ciirudimaan ni i arɔɔ baara ki ma, ŋì fa ji ɲaannuŋunu wu kì. A niŋ ji-i kì, ábɛɛ ra tɔnɔ kila ǹʼnu kì.

Iburu kiri 13:7

Á á ɲakili tu á jɛnpatɔnŋ kiri ra, nini wɔ̀ri jɔnɔ ki Kirinŋ wɔ wulu ki sunjo-i ábɛɛ tɛ. Á á ɲakili tu nini wɔ ɲaninkulutɔnbi ki fa kí rakɔka ɲaan ki tɛ, á i kɔ́ɔ́ bilinabi ki maka ki raki.

Jafinŋ ki 1:20

Miŋ sɔriniŋ jɔnpɔni wɔ̀ri ja-i míŋ panŋ gbɛ ki ru, ŋi i sifilɛnduŋ sɛninamaŋ jɔnpɔni wɔ̀ri ja, nini gonto kiri i kari i : sɔriniŋ jɔnpɔni ki i bilinatɔnŋ kwuru jɔnpɔni kiri wɔ mɛlɛkɛn kiri i, sifilɛnduŋ jɔnpɔni ki i ji bilinatɔnŋ kwuru jɔnpɔni ki i. »

Jafinŋ ki 2:12

Ntiŋ tu : « Sɛbɛ wɔri ta Pɛrigamu bilinatɔnŋ kwuru ki wɔ mɛlɛkɛn ki tɛ tu : ‹ Baamwuru tɔnŋ fuuli tɔnŋ jii ki i nwɔ̀tiŋ gbɛfɛ, niŋ tu :

Jafinŋ ki 2:18

Ntiŋ tu : « Sɛbɛ wɔri ta Tiyatiri bilinatɔnŋ kwuru ki wɔ mɛlɛkɛn ki tɛ tu : ‹  Kirinŋ Danshuru ki, ninwɔ̀ ɲaninaŋ kiri i miŋ tu tuunɛninɛŋ, ǹʼkanŋ kiri i ji miŋ tu daɲa sun cirikimaan ni, niŋ tu :

Jafinŋ ki 2:3

Miŋ cunadi-i kusɛbɛ, sabu miŋ cɔɔri-i míŋ tɔ ki bira, nka miŋ nʼfiri kilɛn kì.

Jafinŋ ki 2:8

Ntiŋ tu : « Sɛbɛ wɔri ta Simirini bilinatɔnŋ kwuru ki wɔ mɛlɛkɛn ki tɛ tu : ‹ Nwɔ̀ i ǹʼjɔnɔ ki fa ǹʼnakɔɔra ki i, nwɔ̀ beeni wuru-i, ŋì i ŋmɛni, niŋ tu :

Jafinŋ ki 3:1

Ntiŋ tu : « Sɛbɛ wɔri ta Saridisi bilinatɔnŋ kwuru ki wɔ mɛlɛkɛn ki tɛ tu : ‹ Kirinŋ ɲini jɔnpɔni ki fa sɔriniŋ jɔnpɔni ki i nwɔ̀tiŋ gbɛfɛ, niŋ i nwɔ̀ bi-a, niŋ i kaa : Míŋ i miŋ mabi kiri tɔ-a. Tɔ i ǹʼna tu miŋ ɲaninkulutɔnŋ i, niŋ i faa miŋ beenimaan i ji-i.

Jafinŋ ki 3:14

Ntiŋ tu : « Sɛbɛ wɔri ta Lawodise bilinatɔnŋ kwuru ki wɔ mɛlɛkɛn ki tɛ tu : ‹ Nwɔ̀tiŋ tɔ ki i tu Amiina, ninwɔ̀ i shɛɛri telimaan fa dariwulutiŋ i, Kirinŋ wɔ finŋ pomaan kiri bataa cɛtutɔnŋ ki, niŋ tu :

Jafinŋ ki 3:7

Ntiŋ tu : « Sɛbɛ wɔri ta Filadɛlifi bilinatɔnŋ kwuru ki wɔ mɛlɛkɛn ki tɛ tu : ‹  Masa Dawuda wɔ bunaŋ ki i nwɔ̀ gbɛ, wɔlinŋ ki, ninwɔ̀ i dariwulutiŋ i, a nwɔ̀ fu ki rawwulu, koŋ tɔri tenŋ so-a ǹʼnala-i kì, a ŋì ǹʼnala, koŋ tɔri tenŋ so-a ǹʼnawwulu-i kì.