Tesalonikitɔnŋ kiri (1) 4:6 - Jɔ Biibili ki

⁶ Koŋ fa a kaashi bilinatɔnŋ daali niŋ bi bishi ki ru kì, sabu miŋ tu yibɛɛ dali-i yi i ǹʼbi furu ábɛɛ tɛ ɲaan wɔ̀ tɛ, Ŋuntiŋ ki a ǹʼtɔri kɔni salibali tu kì.

Tesalonikitɔnŋ kiri (1) 4:6 ပူးပေါင်းရင်းမြစ်များ

Maraka 10:19

Miŋ i Kirinŋ wɔ sariya bimaan kiri tɔ-a, ǹʼtu : ‹ Fa koŋ kilɛn kì, fa nankulunbi ma kì, fa kwunŋ tan kì, fa puru ye koŋ wu kì, fa fɛɛn koŋ sun kì, nʼtiŋ ki fa nʼɲiŋ ki gbɛ. › »

Luki 12:5

Ábɛɛ kakan-i á i kɛni nwɔ̀ jɛŋ, niŋ i kaa : So i Kirinŋ wɔ̀ gbɛ, ŋì i ábɛɛ kilɛn, niŋ kɔɔtɛ, ŋì i á ɲini ki kee bo jaanama ki ru sɛbɛ, sɛli ki ra, á kɛni niŋ jɛŋ. »

Luki 16:28

sabu míŋ tindaŋ koŋ taanŋ i nmaŋ, wú i ta kí racin, nwɔma kí fa na ka ɲaniŋ ka ru sɛbɛ kì. ›

Ɔrɔmutɔnŋ kiri 1:18

Sɛli ki ra, koŋ wɔ̀ri Kirinŋ gbɛ-a kì, kí i arɔɔ telibalibi kiri sɔɔ-ri, kí i ǹʼwɔ sɛli ki radu-ri, Kirinŋ awɔ tɔnkwulu ki ji-i nini bataa wu, ŋì i po kirinpɔli ki ra.

Ɔrɔmutɔnŋ kiri 12:19

Míŋ tindaŋ byii ri, á fa áwɔ shɛsan koŋ wu kì, á niŋ tu Kirinŋ sun, sabu ǹʼsɛbɛ-i Kirinŋ wɔ wulu sɛbɛ ki ru tu : « Míŋ a shɛ ki san, mínki a kɔni ki sali. » Ŋuntiŋ ki tu ninkunŋ.

Ɔrɔmutɔnŋ kiri 13:4

Faantiŋ kiri i Kirinŋ tɛ baara matiiri i, ábɔɔ ɲaanfɛfili ki bira. Nka, a miŋ ji bi kulinŋ ma-a, kɛni faantiŋ kiri jɛŋ dɛ! Sabu kí sɔɔ faan ki sun, kari tanfinŋ kiri wɔri kí tɛ ŋuŋ bali kì. Kirinŋ wɔ baara matiiri yɛ, nwɔma Kirinŋ wɔ tɔnkwulu ki i ji, bi kulinŋ matɔnŋ kiri wɔ bi kulinŋ kiri kɔni ki i sali kí wu.

Korɛntitɔnŋ kiri (2) 7:11

Sɛli yɛ, ábɛɛ ɲaannuŋunubi kila-i. Niŋ ji-i Kirinŋ dintɛ bi i. Á ǹʼshɛɛli, niŋ ábɛɛ rapwulu-i ɲaan wɔ̀ tɛ! Bi wɔ̀ ma-i ábɛɛ kanfɛ, ábɛɛ ǹʼshi-i á gbɛ fuuli la, á i á yɛri rafɛ-ri. Ábɛɛ ǹʼji-i tu bijɛ mamaan ki fu ábɛɛ sun kì, tu ábɛɛ tɔnkwulu á yɛri cɛfan niŋ bi ki bira, kɛmi sinaŋ i de á ru míŋ jɛŋ. Dɔnsaŋ, míŋ fyii i ábɛɛ ru, á i ji ǹʼtɛ á i Kirinŋ dintɛ bi ki ma sɛbɛ, á i niŋ bijɛmatɔnŋ ki kulu. Niŋ na, ábɛɛ ǹʼji-i ɲaan bataa tɛ, tu ábɛɛ kanŋ wuru bi ka ru kì.

Galasitɔnŋ kiri 5:21

ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Efɛsitɔnŋ kiri 4:28

A koŋ wɔ̀ri ji wuru kwunŋ tan-a, tu nini fa kwunŋ tan kili kì, nka tu kí baara shɔɔrinŋ ma arì gbɛ kiri wu, nwɔma kí i ye finŋ bali kiri tɛ.

Efɛsitɔnŋ kiri 5:6

Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.

Tesalonikitɔnŋ kiri (1) 2:11

Yibɛɛ ábɛɛ bataa tenŋ tenŋ pa-i, miŋ tu tiŋ i a daŋ pa-a ɲaan wɔ̀ tɛ.

Tesalonikitɔnŋ kiri (2) 1:8

Ntiŋ a na tuucu faninmwuŋ, nwɔ̀ri Kirinŋ tɔ-a kì, niŋ fa kí i ji arì kaan yibɛɛ Ŋuntiŋ Yesu Kirisa Wulujii ki tɛ, ntiŋ i na kiti ki kwuru nini sun.

Iburu kiri 13:4

Á bataa fwuru ki gbɛ, fwurushi ki tɔri tenŋ fa ǹʼyaba ki nɔɔ fyewu kì, sabu Kirinŋ a na kiti ki kwuru nankulinŋ kiri fa kakaali kiri sun.

Iburu kiri 2:6

Nka ǹʼbi-i Kirinŋ wɔ wulu ki mani ki bɛɛ ru tu : « Kirinŋ, konanmini nfɛnŋ finŋ, fɔ miŋ ɲakili tu-ri ǹʼna? Koŋ Danshuru ki nfɛnŋ finŋ, fɔ miŋ i ǹʼgbɛrinpa-ri?

Yakuba 2:6

Nka ábɛɛ kɔniŋ i gbɛwɔ kiri rufyɛ-a dɛ! Nwɔ̀ri i ábɛɛ ɲaanfɛkwulu-la, kí i ta-ri á wu kitikwurutɔnŋ kiri ɲaanfɛ, nafulutiŋ kiri i kì wa?

Yakuba 5:4

Baara matɔnŋ wɔ̀ri i ábɔɔ cinŋ kiri ma-a, ábɛɛ i á kaan-na nini wɔ sali kiri bataa wɔri nini tɛ. Nini i yaalinpo-a niŋ sali kiri bira, fɔ niŋ yaalinpo wulu ki i so-ri Sobataatiŋ Kirinŋ sun.