Nwɔ̀ri bili Kirinŋ na ka juniɲa ka ciiru kì, nini finŋ tɔri bo-a niŋ finŋ kiri bataa ceeli ki jɛŋ kì. Nka, nwɔ̀ i ábɛɛ, ábɛɛ Tiŋ Kirinŋ ki i ábɛɛ makufinŋ kiri bataa tɔ-a.
Míŋ ńʼnumaanni-i ábɔɔ kili ki ru, míŋ ábɔɔ pɛli tanmaŋ kiri ja-i. Míŋ tenŋ ja-i, ǹʼsɛbɛ-i nwɔ̀ sun tu : ‹ Kirinŋ tɔbali tanmaŋ i. › Á ǹʼtɔ tu ábɛɛ niŋ Kirinŋ ki wɔ̀ ka-a, niŋ i faa á ǹʼtɔ-a kì, tu míŋ i na-a ninki wulu sunjo ábɛɛ tɛ.
Niŋ ki ra, Kirinŋ i kí tu arì sɔli jɛ ki ru, ninwɔ̀ i ɲaankwunŋ na bi i. Kɔ́ɔ́ mari kiri i arì kaan-ni arì bili arɔɔ shuru kiri wu, kí i bi mabali li ma-ni arìmaŋ faninmwuŋ.
Juniɲa nu konaŋ kiri fa arɔɔ bitɔbi ki sun, kí Kirinŋ wɔ bitɔbi ki mabi ki ja-i, nka kí so ǹʼtɔ-i kì. Sɛli ki ra, yibɛɛ i wulu wɔ̀ sunjo-a, niŋ i ji konaŋ kiri ɲaanna julu la wulu u, Kirinŋ niŋ ji-i mwu saa a, a ra bilinatɔnŋ kiri tɛ.
Finŋ woo finŋ i ábɔɔ ɲaninkulutɔnbi ki ru, nwɔ̀ i ka pwɔkulinŋ ka sun bi ri i, á niŋ bataa tɔnbo, miŋ tu nankulunbi, nɔɔkɔnɔbi, ciirujuubi, fyikatinbi, ninwɔ̀ fa pɛli tanmaanna i tenŋ i.
Ábɛɛ Kirinŋ tɔbali li mabi wɔ̀ri ma fwuude-i, miŋ tu nankulunbi ni fa sɔnjɛbi ki, niŋ fa lɔrutɛfɛbi ki, niŋ fa wulatinbi kwuru ki bataa, niŋ fa tanfinŋ tɔri ri tanmaanna ki, niŋ a ǹʼpo.