Tesalonikitɔnŋ kiri (1) 4:4 - Jɔ Biibili ki

⁴ Tu koŋ bataa tenŋ tenŋ a firi ki pa ɲaan shɔɔrinŋ tɛ, ntiŋ i ǹʼbo Kirinŋ wɔ bo ru, ntiŋ i Kirinŋ tɔ ki gbɛ.

Tesalonikitɔnŋ kiri (1) 4:4 ပူးပေါင်းရင်းမြစ်များ

Mabikiri 9:15

Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ.

Ɔrɔmutɔnŋ kiri 1:24

Niŋ ki ra, Kirinŋ i kí tu nɔɔkɔnɔbi ki ru, ŋì i kɛɲɛ kí dintɛ bi jɛ kiri wu, fɔ kí i bi ri ma-ni, nwɔ̀ri i kí firi kiri rufyɛ-a arìmaŋ kanfɛ.

Ɔrɔmutɔnŋ kiri 12:1

Míŋ tindaŋ ni, a Kirinŋ ji ka shɔɔrinŋ sinaŋ ka ma yibɛɛ tɛ ka ɲaan ka tɛ, míŋ i ábɛɛ rafɛ-a, ńʼtu á á firi ki wɔri Kirinŋ tɛ miŋ tu saraka ɲaninkulutɔnŋ, nwɔ̀ bo-i Kirinŋ wɔ bo ru, ŋì i di Kirinŋ tɛ. Ninki i ábɔɔ Kirinŋ gbɛka ɲaan shɔɔrinŋ ki i.

Ɔrɔmutɔnŋ kiri 6:19

Míŋ i ka wulu ka bi-a kwumaŋ miŋ tu koŋ pyɛ kiri, ŋí i ǹʼkɛɲɛ ábɔɔ konanminibi bi ɲaantɔka ɲaan ki wu. Miŋ tu ábɛɛ á firi ki mani kiri bo wuru nɔɔkɔnɔbi fa juubi ki wɔ jonbi ki ru ɲaan wɔ̀ tɛ, á i bijɛ ki ma-ni, mìŋ ɲaan tenŋ ki tɛ, dɔnsaŋ, á á firi ki mani kiri bo telibi ki wɔ jonbi ki ru, á i á yɛri bo Kirinŋ wɔ bo ru.

Korɛntitɔnŋ kiri (1) 6:15

Ábɛɛ ǹʼtɔ-a tu ábɛɛ firi kiri Kirisa firi ki mani kiri bɛɛ ri kì wa? Míŋ a so Kirisa firi ki mani ki bɛɛ shi-i, ŋí i ta niŋ ji nankulinŋ firi ki mani ki bɛɛ ɛ wa? Aayi dɛ, niŋ a so ma-i kì.

Korɛntitɔnŋ kiri (1) 7:2

Nka, nwɔma nankulunbi fa ma kì, shuru ki fɔn tenŋ tenŋ mari cɛn, mari ki fɔn tenŋ tenŋ i sɔɔ a shinŋ ŋununu.

Korɛntitɔnŋ kiri (1) 7:9

Nka a konwɔtiŋ ǹʼtɔ tu a ra so a yɛri rasɔɔ-ɔ kì, tu ntiŋ mari cɛn, sabu ŋi i cɛn tan, niŋ pari-i ŋi i nʼyɛri cɔɔri mari bi walima shuru bi tɔ ki wu nʼnu.

Korɛntitɔnŋ kiri (2) 4:7

Nka niŋ nafulu sinaŋ ki i yibɛɛ gbɛ, yibɛɛ wɔ̀ri baraka rakuru-i miŋ tu jɔduŋ, nwɔma konaŋ kiri i ǹʼtɔ tu niŋ sotinbi sinaŋ ki po-a yibɛɛ ru kì, nka tu ŋì po-a Kirinŋ gbɛ.

Filipitɔnŋ kiri 4:8

Niŋ bataa kɔɔtɛ, míŋ tindaŋ ni, finŋ woo finŋ i sɛli i, gbɛbi i finŋ woo finŋ nu, finŋ woo finŋ teli-i, finŋ woo finŋ fɔɔ-ɔ, finŋ woo finŋ di-i Kirinŋ tɛ, finŋ woo finŋ tɔ shɔɔrinŋ po-i, finŋ woo finŋ shɔ-i niŋ fa tɔ shɔɔrinŋ i kila-a finŋ woo finŋ nu, á á ɲakili tu niŋ finŋ kiri bataa ra.

Iburu kiri 13:4

Á bataa fwuru ki gbɛ, fwurushi ki tɔri tenŋ fa ǹʼyaba ki nɔɔ fyewu kì, sabu Kirinŋ a na kiti ki kwuru nankulinŋ kiri fa kakaali kiri sun.

Pyɛɛri (1) 3:7

Nwɔ̀ i ábɛɛ mari shinŋ kiri i, á áwɔ mari kiri paka shɔ ɲakilitinbi wu, á i ǹʼtɔ tu kí faan ki ábɔɔ ki po kì. Á kí gbɛ, sabu Kirinŋ ɲaninkulutɔnbi wɔ̀ wɔri-i yibɛɛ tɛ awɔ shɔɔrinŋ ki baraka ra, ábɛɛ fa kí bataa niŋ kila-i tenŋ. Á ǹʼma ninkunŋ, nwɔma finŋ tɔri tenŋ fa na a baanbili ábɔɔ rafɛ ki fa Kirinŋ faninmwuŋ kì.