Tesalonikitɔnŋ kiri (1) 4:3 - Jɔ Biibili ki

³ Kirinŋ dintɛ bi ki i tu ábɛɛ á yɛri bo afɔɔn bo ru, á fa nankulunbi ma kì.

Tesalonikitɔnŋ kiri (1) 4:3 ပူးပေါင်းရင်းမြစ်များ

Matiyu 12:50

Míŋ Tiŋ wɔ̀ i kirinpɔli ki ra, koŋ finŋ woo finŋ i niŋ dintɛ bi ki ma-a, nintiŋ i míŋ ɲiŋ ki fa ńʼpwanmari ki fa ǹʼshuru ki i. »

Matiyu 15:19

Sabu, ɲakilila jɛ wɔ̀ri i koŋ po bo-a koŋ kilɛn ki sun, niŋ fa nankulunbi ki sun, fa kakaalibi ki sun, niŋ fa kwunbi ki sun, niŋ fa puru bi ki fa puru yemaanna ki wu koŋ wu, niŋ fa kiilinŋ tan ki sun, nini bataa i yiri-ra koŋ cii ki ru.

Matiyu 5:32

Nka míŋ a ǹʼbi ábɛɛ tɛ, ńʼtu shuru woo shuru i awɔ mari pani-na, niŋ i faa ǹʼsababu ki nankulunbi kì, ńʼtu nintiŋ awɔ mari ki po bo nankulunbi ma sun. Shuru wɔ̀ mari fwuru bamaan cɛn-i, nintiŋ i nankulunbi ma-ni sɛbɛ.

Matiyu 7:21

Yesu tu sɛbɛ : « Nwɔ̀ri bataa i ǹʼbi-a míŋ tɛ tu : ‹ Ŋuntiŋ, Ŋuntiŋ ›, nini bataa ra de kirinpɔlila Masabi ki ru kì dɛ! Míŋ Tiŋ wɔ̀ i kirinpɔli ki ra, nwɔ̀ri i niŋ dintɛ bi ki ma-a, niŋ kiri a de ǹʼnu.

Maraka 3:35

Míŋ ɲiŋ ki fa ńʼpwanmari kiri fa ǹʼshuru kiri i kpeeri i, nwɔ̀ri i Kirinŋ dintɛ bi ki ma-a. »

Yuhana 4:34

Yesu tu : « Nufinŋ wɔ̀ i míŋ pyii-ra, niŋ i ŋí i ńʼcintɔnŋ ki dintɛ bi ki ma, niŋ fa ŋì míŋ bo-i cinŋ wɔ̀ ra, ŋí i niŋ nafaa.

Yuhana 7:17

Konwɔtiŋ i ǹʼtɛ a i Kirinŋ dintɛ bi ki ma, ntiŋ a ǹʼtɔ mɔ́ɔ́n kalinŋ ki ru wulu kiri ra, a yìrì ji po-a Kirinŋ nu walima a yìrì ji po-a míŋ yɛrima ki ru.

Mabikiri 15:20

Nka yi sɛbɛ tan wɔri ta kí tɛ, yi i ǹʼbi kí tɛ tu kí fa pɛlilashɛn taa kí i arì yɛri nɔɔ kì. Kí i nankulunbi ki tu nmaŋ. Finŋ fɔɔn-ɔ finŋ wɔ̀ yɛ sun, ŋì i kilɛn, tu kí fa niŋ shɛn walima niŋ cunŋ nu kì.

Mabikiri 15:29

Á fa pɛlilashɛn taa kì, á fa cunŋ nu kì, niŋ fa finŋ fɔɔn finŋ wɔ̀ yɛ sun, ŋì i kilɛn, á fa niŋ shɛn taa kì. A ábɛɛ so á yɛri pa-i niŋ finŋ kiri kɛlina, ninki shɔ-i. Yi a ji faa. »

Mabikiri 20:32

Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Ɔrɔmutɔnŋ kiri 1:29

Kí ciiru kiri faa-a telibalibi kwuru ki bataa ra. Kí i bi kulinŋ ma-a, kí i ji koŋ juumaan fyikatiŋ ni i, kí ɲaanna i juu-u. Koŋ kilɛn ki di-i kí tɛ, niŋ fa kari ki, fa daalinŋ ki. Kí sɔŋ i juu-u, kí i puru ye-ri arìmaŋ wu.

Ɔrɔmutɔnŋ kiri 12:2

Á fa áwɔ bi kiri ma-ni juniɲa nu tɔnŋ kiri sali kì, nka ábɛɛ ɲakili ŋunaŋ wɔ̀ kila-i, á ncusun niŋ i á rapwulu, nwɔma Kirinŋ dintɛ bi shɔɔrinŋ nafaamaan ki i nwɔ̀, á i so niŋ tɔ-i.

Ɔrɔmutɔnŋ kiri 6:22

Nka dɔnsaŋ, ábɛɛ po san-i bijɛ ki wɔ jonbi ki ru, á i ji Kirinŋ wɔ joŋ ni i. Nafan wɔ̀ i kila-a niŋ nu, niŋ i wɔlɔnbi i, ninwɔ̀ i rakɔ-a ɲaninkulutɔnbi kɔbali ki wu.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 7:2

Nka, nwɔma nankulunbi fa ma kì, shuru ki fɔn tenŋ tenŋ mari cɛn, mari ki fɔn tenŋ tenŋ i sɔɔ a shinŋ ŋununu.

Korɛntitɔnŋ kiri (2) 12:21

Míŋ i kɛni-na, ńʼtu míŋ na ta ábɛɛ tɛ, ńʼtu míŋ a ta ɲaankwun Kirinŋ ɲaanfɛ sɛbɛ ábɛɛ bira. Koŋ mwɔɔnna wɔ̀ri bijɛ ma-i kɔ, a kí ji ntɔri bi niŋ bijɛ kiri ra kì, kí i arɔɔ bi nɔɔmaan kiri fa nankulunbi ki fa arɔɔ bijɛ kwuru ki bataa tɔnbo kì, ńʼtu míŋ a ta ɲaannaju po nini bira sɛbɛ.

Galasitɔnŋ kiri 5:19

Firi ki mabi kiri tɔ-i, nini i kari i : nankulunbi, nɔɔkɔnɔbi, ɲaankwunŋ pabalibi,

Efɛsitɔnŋ kiri 5:17

Niŋ ki ra, á fa ji koŋ ɲakili bali li i kì, nka á á banba, á i á tɔɔnye, nwɔma á i Ŋuntiŋ ki dintɛ bi ki tɔ.

Efɛsitɔnŋ kiri 6:6

Á fa baara ki ma kí ɲaanna, miŋ tu ábɛɛ ǹʼtɛ, á i á yɛri bidi bantenŋ tan kí tɛ kì, nka á baara ki ma á ciiru ki bataa wu, nwɔ̀ di-i Kirinŋ tɛ, miŋ tu Kirisa wɔ joŋ ni i.

Kɔlɔsitɔnŋ kiri 1:9

Niŋ ki ra, kabi yibɛɛ ábɛɛ mabi kiri wulu ki rama-i, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ábɛɛ i so ǹʼdintɛ bi ki bataa tɔ-i, ŋì i ɲakilitinbi fa bitɔbi sɔbɛ wɔri á tɛ, ŋì i po Ɲiniwɔlinŋ ki gbɛ.

Kɔlɔsitɔnŋ kiri 3:5

Finŋ woo finŋ i ábɔɔ ɲaninkulutɔnbi ki ru, nwɔ̀ i ka pwɔkulinŋ ka sun bi ri i, á niŋ bataa tɔnbo, miŋ tu nankulunbi, nɔɔkɔnɔbi, ciirujuubi, fyikatinbi, ninwɔ̀ fa pɛli tanmaanna i tenŋ i.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Tesalonikitɔnŋ kiri (1) 4:2

Yibɛɛ ábɛɛ kali-i bi wɔ̀ri ra, yibɛɛ Ŋuntiŋ Yesu bi ki sun, ábɛɛ nini tɔ-i.

Tesalonikitɔnŋ kiri (1) 4:4

Tu koŋ bataa tenŋ tenŋ a firi ki pa ɲaan shɔɔrinŋ tɛ, ntiŋ i ǹʼbo Kirinŋ wɔ bo ru, ntiŋ i Kirinŋ tɔ ki gbɛ.

Tesalonikitɔnŋ kiri (1) 5:18

Á baraka bi-ri Kirinŋ tɛ bi bataa ra, sabu ninki i Kirinŋ dintɛ bi ki i ábɛɛ gbɛ, ábɛɛ wɔ̀ri bili-i Yesu Kirisa ra.

Tesalonikitɔnŋ kiri (1) 5:23

Dɔnsaŋ, ɲaanfɛfili ki i po-a Kirinŋ wɔ̀ gbɛ, tu niŋ yɛrima ki tu á fan áwɔ ɲaninkulutɔnbi ki bataa ru, ŋì i á mani ki bataa wu fɔɔ, á i ji ǹʼwɔ ri. Á ɲakili ki fa ɲini ki bataa fa á firi ki bataa pɔlibali i tu, fɔ ŋì i ta so yibɛɛ Ŋuntiŋ Yesu Kirisa pwulu na shikaŋ ki sun.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Iburu kiri 10:36

Hali jiŋ, ábɛɛ kakan-i á i cɔɔri ki pa á ra, nwɔma ábɛɛ na Kirinŋ dintɛ bi ki ma kɔ waarinŋ wɔ̀ ru, ŋì a tɔnŋ wɔri-i nwɔ̀ ra, á i niŋ kila.

Iburu kiri 12:16

Á á yɛri paka shɔ, nankulinŋ walima Kirinŋ wɔ finŋ shɔɔrinŋ kiri rufyɛtɔnŋ fa kila á faninmwuŋ, miŋ tu Insawu kì, ninwɔ̀ awɔ bwuubi ki rucini-i waarinŋ tenŋ nu nufinŋ na.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Iburu kiri 13:4

Á bataa fwuru ki gbɛ, fwurushi ki tɔri tenŋ fa ǹʼyaba ki nɔɔ fyewu kì, sabu Kirinŋ a na kiti ki kwuru nankulinŋ kiri fa kakaali kiri sun.

Pyɛɛri (1) 1:2

Tiŋ Kirinŋ ábɛɛ ɲaannashi-i kabi fɔlɔfɔlɔ, ŋì i kɛɲɛ awɔ bi gbɛbilika ɲaan ki wu, ŋì i á ji koŋ wu fɔɔmaan ni i Ɲiniwɔlinŋ ki baraka ra, nwɔma ábɛɛ i Yesu Kirisa wulu pa, ǹʼcunŋ kɔnkɔlimaan ki i á wu. Kirinŋ shɔɔrinŋ ma á tɛ, ŋì i ɲaanfɛfili wɔri á tɛ ǹʼmwɔɔnna!

Pyɛɛri (1) 4:2

Tu ntiŋ a awɔ ɲaninkulutɔnbi pyɛ ki ma-a, ntiŋ i ǹʼkɛɲɛ a yɛri firi ki dintɛ bi wu kili kì, nka tu ntiŋ ǹʼma kɛɲɛ-a Kirinŋ dintɛ bi ki wu.

Yuhana (1) 2:17

Juniɲa ki a fwuude, ǹʼciiru ɲaninpontɛfinŋ kiri bataa i kɔ, nka konwɔtiŋ i Kirinŋ dintɛ bi ki ma-a, nintiŋ i tu-a Kirinŋ fan waaci bataa ru.

Jafinŋ ki 21:8

Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »

Jafinŋ ki 22:15

Nka, kwuu kiri, fa baatɔnŋ kiri, fa nankulinŋ kiri, fa koŋ kilɛntɔnŋ kiri, fa pɛli tantɔnŋ kiri, fa purubitɔnŋ kiri, fa puru ki di-i koŋ finŋ woo finŋ tɛ, nini bataa ra tu taanna.