Tesalonikitɔnŋ kiri (1) 4:16 - Jɔ Biibili ki

¹⁶ Sabu Ŋuntiŋ ki yɛrima ki a na jɛri po yiri kirinpɔli ki ra, fali wulu sinaŋ fa mɛlɛkɛn kiri ŋununtiŋ ki wulu sinaŋ wu, niŋ fa Kirinŋ wɔ bwuru shinwulu wu. A niŋ ma, nwɔ̀ri beeni-i, ŋì i kí tu Yesu wɔ bilinabi ki ru, nini a ŋmɛni ǹʼjɔnɔ.

Tesalonikitɔnŋ kiri (1) 4:16 ပူးပေါင်းရင်းမြစ်များ

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 16:28

Sɛli ki ra, míŋ a ǹʼbi ábɛɛ tɛ, ńʼtu nwɔ̀ri fɔn i kwumaŋ, ńʼtu nini bɛɛ ri ra beeni Koŋ Danshuru ki naanna ki jabali awɔ Masabi ki ru kì. »

Matiyu 25:31

Yesu tu : « Waarinŋ wɔ̀ ru, a Koŋ Danshuru ki na na awɔ nɔɔri ki ru, ntiŋ fa awɔ mɛlɛkɛn kiri bataa, ntiŋ a na sɔɔ awɔ masawaalinŋ nɔɔritiŋ ki sun.

Matiyu 26:64

Yesu i ntiŋ nupwulu tu : « Miŋ yɛrima ki i ǹʼbi-a kaa dɛ! Ŋì i bo niŋ bataa sun, ŋì i shi dɔnsaŋ, ábɛɛ ra na Koŋ Danshuru ki sɔɔmaan ki ja Sobataatiŋ ki pantɛ. Niŋ kɔɔtɛ, á i ǹʼyirira ja kirinpɔli la loŋ kiri faninmwuŋ. »

Mabikiri 1:11

Niŋ shuru kiri tu : « Galiletiiri, nfɛnŋ na ábɛɛ tu-i ji faa kwumaŋ, á i kirinpɔlila shɛɛli-li? Yesu wɔ̀ fɛshi san-i ábɛɛ ra kaa, ntiŋ a a pwulu na jibi bɛɛ mìŋ ɲaan tenŋ ki tɛ, miŋ tu ábɛɛ ntiŋ tirira ki ja-i kirinpɔli ki ra ɲaan wɔ̀ tɛ. »

Korɛntitɔnŋ kiri (1) 15:18

Bilinatɔnŋ wɔ̀ri beeni-i, nini tɔri a arì mwu kì.

Korɛntitɔnŋ kiri (1) 15:20

Nka sɛli ki ra, Kirisa ŋmɛni po san-i konkwuu kiri kanfɛ. Nwɔ̀ri beeni-i, Kirinŋ ntiŋ ŋmɛni ji-i nini wɔ koŋ jɔnɔ ki i, ŋì i ǹʼfɔɔ ji tu konkwuu kiri bataa ra ŋmɛni.

Korɛntitɔnŋ kiri (1) 15:23

Nka niŋ firi kiri ŋmɛnibi ki a na ji san amaŋ jɛŋ ka ɲaan ka tɛ : Kirisa ji-i ǹʼjɔnɔ ki i, ntiŋ pwulu na waaci ki ru, nwɔ̀ri ji-i ntiŋ wɔ konanbi ki i, nini a ŋmɛni gban ntiŋ na.

Tesalonikitɔnŋ kiri (1) 1:10

Niŋ fa tu ábɛɛ Kirinŋ Danshuru Yesu na ki sunsuu-ra, ŋì i po kirinpɔli ki ra, Kirinŋ ninwɔ̀ ŋmɛni po san-i konkwuu kiri kanfɛ, ŋì i yibɛɛ mwu-ni Kirinŋ wɔ tɔnkwulu naanna ki wu.

Tesalonikitɔnŋ kiri (1) 3:11

Yibɛɛ Tiŋ ki, ninwɔ̀ i Kirinŋ yɛrima ki i, niŋ fa yi Ŋuntiŋ Yesu saa ki rawwulu, nwɔma yibɛɛ i so ta-i po ábɛɛ tɛ.

Tesalonikitɔnŋ kiri (2) 1:7

Niŋ ɲaan ki tɛ, ábɛɛ wɔ̀ri i cɔɔri ki ru, ŋì a na nufaan wɔri yibɛɛ fa ábɛɛ tɛ. Niŋ a na ma, yibɛɛ Ŋuntiŋ Yesu Kirisa pwulu na shikaŋ ki ru, waarinŋ wɔ̀ ru ntiŋ a na, ntiŋ i po kirinpɔli ki ra, ntiŋ fa awɔ mɛlɛkɛn sotiŋ kiri.

Tesalonikitɔnŋ kiri (2) 2:1

Ńʼtindaŋ ni, nwɔ̀ i Ŋuntiŋ Yesu Kirisa pwulu na bi ki fa yi bataa rakɔli bi ki i ntiŋ ɲaanfɛ,

Pyɛɛri (2) 3:10

Nka, Ŋuntiŋ ki wɔ jibi ki ra na bali konaŋ kiri ra, miŋ tu kwunŋ i bali-la koŋ na ɲaan wɔ̀ tɛ. Niŋ shikaŋ, kirinpɔli ki ra na juu-u shinwulu sinaŋ nu. Tuu sinaŋ i ǹʼciiru finŋ kiri jɛɛli, pwɔkulinŋ ki fa a sun finŋ kiri i bilituru kɔ.

Yodasi 1:9

Hali mɛlɛkɛn kiri ŋununtiŋ Mikayulu a tu ŋì i ninwɔ̀ ma kì. Waarinŋ wɔ̀ ru, ǹʼfa shitaanni wuru sɔsɔɔlinŋ ki tan-a Musa kwuu ki bira, ŋì a yɛri pa-i, ŋì shitaanni ki ki kì. Nka ŋì ǹʼbi bantenŋ tan-i tu : « Kirinŋ nʼsali. »

Jafinŋ ki 1:10

Ŋuntiŋ ki wɔ jibi ki sun, Ɲiniwɔlinŋ ki i míŋ shi, míŋ wulu sinaŋ bɛɛ rama ńʼkɔɔtɛ, miŋ tu bwuru fyɛ wulu.

Jafinŋ ki 1:7

Á ǹʼshɛɛli! Ntiŋ a yiri loŋ kiri kanfɛ, konaŋ kiri bataa ra na ntiŋ ja, haali nwɔ̀ri ntiŋ bu-i tama ki ra, pwɔkulinŋ sun konaŋ ki bataa ra na ŋuntan ntiŋ bira. Aawe, ŋì i ji ninkunŋ! Amiina!

Jafinŋ ki 14:13

Niŋ kɔɔtɛ, míŋ i wulu tɔri rama, ŋì i po kirinpɔli ki ra, tu : « Ǹʼsɛbɛ tu : ‹ Koŋ wɔ̀ri i beeni-a, ŋì i kí tu Ŋuntiŋ ki wɔ bilinabi ki ru, ŋì i shi dɔɔ, nini wɔ shɔ-i. › » Ɲiniwɔlinŋ ki tu : « Aawe, niŋ i sɛli i, kí a arì rufaan arɔɔ baara ki ra, sabu kí mabi shɔɔrinŋ kiri i kí cɛfan. »

Jafinŋ ki 8:13

Niŋ kɔɔtɛ, míŋ i kɔniŋ bɛɛ mini deera ja ńʼŋununu kirinpɔli ki ra. Ŋì i fali-li, ŋì i ǹʼbi-ri tu : « Bɔni, bɔni, bɔni a pwɔkulinŋ sun konaŋ ki kila, waarinŋ wɔ̀ ru mɛlɛkɛn byaŋ pyɛ kiri na arɔɔ bwuru kiri fyɛ. »

Jafinŋ ki 8:2

Mɛlɛkɛn jɔnpɔni wɔ̀ri tu wuru Kirinŋ ɲaanfɛ, míŋ i nini ja, bwuru fyɛ wɔ jɔnpɔni i wɔri nini tɛ.