Tesalonikitɔnŋ kiri (1) 4:11 - Jɔ Biibili ki

¹¹ Á ncusun ɲaanfɛfili i ji á faninmwuŋ. Á i á yɛri ŋununubi kiri ramɔni-ni. Á i baara ma á gbɛ kiri wu, miŋ tu yibɛɛ ǹʼbi wuru ábɛɛ tɛ ɲaan wɔ̀ tɛ.

Tesalonikitɔnŋ kiri (1) 4:11 ပူးပေါင်းရင်းမြစ်များ

Maraka 13:34

Ŋì a na ji miŋ tu shuru bɛɛ, ntiŋ i ji-a tiri wɔru, ntiŋ i awɔ kaniŋ ki sun finŋ kiri biye awɔ joŋ kiri sun, ntiŋ i koŋ fɔn bataa ma baara wɔri ntiŋ tɛ. Ntiŋ i ǹʼbi faatɔnŋ ki ɲaannasuutɔnŋ ki tɛ, tu niŋ mani ki ɲaannasuuka shɔ.

Mabikiri 18:3

Ntiŋ i sɔɔ kí fan, ntiŋ fa kí i cinŋ ki ma-ni arìmaŋ fan, sabu kí fɔn wuru juulinfu ramɔnitiiri i.

Mabikiri 20:35

Niŋ ɲaan ki tɛ, míŋ ǹʼji-i ábɛɛ wu tu yi kakan yi i baara ma, nwɔma yi i so ye-i gbɛwɔ kiri tɛ, yi i yi ɲakili tu Ŋuntiŋ ki yɛri ki wɔ wulu bimaan ki ra tu : ‹ Gbɛ wɔ̀ i wɔri ki tan-a, baraka i niŋ nu, ŋì i fwuu gbɛ wɔ̀ i ǹʼmwu-a. › »

Ɔrɔmutɔnŋ kiri 12:11

Á ji cinŋ matiiri i, á fa ji jurubitiŋ ni i kì. Á i cinŋ ki ma Ŋuntiŋ ki tɛ, á ciiru ki bataa wu.

Ɔrɔmutɔnŋ kiri 15:20

Kirisa tɔ ki bi-ri mani wɔ̀ri ru sun kì, míŋ wuru ǹʼtɛ, ŋí i ta Kirinŋ wɔ Wulujii ki sunjo mani tɔri ru, niŋ mani kiri ciniŋ kì, nwɔma míŋ fa na ta baara ma koŋ tɔri wɔ cɛ sɔɔmaan sun kì.

Korɛntitɔnŋ kiri (1) 4:12

Yibɛɛ yɛrima kiri i baara ma-a yi gbɛ kiri ra, yi i yɛli-li. Konaŋ kiri i yi ki-ri, yi i juba san-ni kí tɛ, kí i yi cɔɔri-ri, yi i ǹʼpa-ri yi ra.

Korɛntitɔnŋ kiri (2) 5:9

Niŋ ki ra, yibɛɛ pwɔkulinŋ sun woo, yibɛɛ Ŋuntiŋ ki fan woo, yibɛɛ i yi banba-a, yi i yi yɛri bidi Ŋuntiŋ ki tɛ.

Efɛsitɔnŋ kiri 4:28

A koŋ wɔ̀ri ji wuru kwunŋ tan-a, tu nini fa kwunŋ tan kili kì, nka tu kí baara shɔɔrinŋ ma arì gbɛ kiri wu, nwɔma kí i ye finŋ bali kiri tɛ.

Timote (1) 2:2

Á Kirinŋ nafɛ masa kiri fa kɛniŋ jɛntɔnŋ kiri bataa tɛ, nwɔma yi ɲaanfɛfilimaan fa yi ɲakili sɔɔmaan i tu, yi i tirika shɔ Kirinŋ jɛŋ kɛmi wu.

Timote (1) 5:13

A niŋ ma, kí a ji jurubitiŋ ni i, kí a baara ma kì, duu kí i de-ri arì maanni fan kaniŋ kiri sun. Kí a na ńʼtu niŋ bantenŋ sun kì, kí a na ji wulu mwɔɔnna tiŋ ni i, kí i arì tɔnŋ de-ri konaŋ kiri wɔ wulu kiri ru, nwɔ̀ri kɔ́ɔ́ saa sun kì.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Pyɛɛri (1) 3:4

nka á á ciiru tɔnŋ kiri sunye sunyefinŋ nadumaan ni wu, ninwɔ̀ i tɔnsunfili i, niŋ fa ɲaanfɛfili bi i, nwɔ̀ri kɔ-a kì, tumaŋ sinaŋ i ji yìrì ra Kirinŋ ɲaanfɛ.

Pyɛɛri (1) 4:15

Ábɛɛ cɔɔri ŋuŋ ki fa ji tu, ábɛɛ koŋ kilɛn, walima á kwunŋ tan, walima á bi kulinŋ ki bɛɛ ma, walima tu ábɛɛ á kanŋ de koŋ tɔri wɔ bi ru kì.