Tesalonikitɔnŋ kiri (1) 4:1 - Jɔ Biibili ki

¹ Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 4:1 ပူးပေါင်းရင်းမြစ်များ

Yuhana 15:2

Gbɛrinŋ finŋ woo finŋ i míŋ na, nwɔ̀ daŋ pa-a kì, kí i niŋ kwuru-ra, nka nwɔ̀ i daŋ pa-a, kí i niŋ gbɛrinŋ ki rakwuru-ra, nwɔma ŋì i pa fwuu a jɔnɔ ki sun.

Mabikiri 20:27

sabu Kirinŋ i ǹʼtɛ a i nwɔ̀ ma, míŋ niŋ bataa bi-i ábɛɛ tɛ, míŋ finŋ tɔri tenŋ nadu ábɛɛ sun kì.

Ɔrɔmutɔnŋ kiri 8:8

Niŋ ki ra, nwɔ̀ri i tiri kɛɲɛ-a arì yɛri dintɛ bi kiri wu, nini a so Kirinŋ dintɛ bi ma-i kì.

Korɛntitɔnŋ kiri (1) 11:23

Míŋ ladaŋ wɔ̀ kila-i Ŋuntiŋ ki gbɛ, ŋí i ji ábɛɛ kali ǹʼwu, niŋ i kaa : cii wɔ̀ ru kí Ŋuntiŋ Yesu de-i koŋ jɛ kiri gbɛfɛ, ntiŋ bwuru ki shi-i,

Korɛntitɔnŋ kiri (1) 15:1

Ńʼtindaŋ ni, míŋ i ǹʼtɛ ŋí i ábɛɛ ɲakilila bo Kirinŋ wɔ Wulujii ki tɛ, míŋ ninwɔ̀ bi-i ábɛɛ tɛ, ábɛɛ i ji nwɔ̀ tɛ, á i ji á sɔbɛ de ninwɔ̀ ru kusɛbɛ.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Korɛntitɔnŋ kiri (2) 5:9

Niŋ ki ra, yibɛɛ pwɔkulinŋ sun woo, yibɛɛ Ŋuntiŋ ki fan woo, yibɛɛ i yi banba-a, yi i yi yɛri bidi Ŋuntiŋ ki tɛ.

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 6:1

Ńʼtindaŋ ni, a ǹʼbɛɛ ja ji pa bi kulinŋ ki bɛɛ ra, Ɲiniwɔlinŋ ki i ábɛɛ wɔ̀ri gbɛ, á ntiŋ bo saa shɔɔrinŋ sun, tɔnsunfili wu. Nka á fɔn tenŋ tenŋ á yɛri cɔye, nwɔma ábɛɛ yɛri kiri fa na ji bi kulinŋ matɔnŋ ni i kì.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 4:20

Yesu Kirisa yibɛɛ kini-i bi wɔ̀ ra, nini niŋ i kì dɛ!

Efɛsitɔnŋ kiri 5:17

Niŋ ki ra, á fa ji koŋ ɲakili bali li i kì, nka á á banba, á i á tɔɔnye, nwɔma á i Ŋuntiŋ ki dintɛ bi ki tɔ.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:9

Míŋ i Kirinŋ nafɛ-a, ńʼtu ŋì ǹʼbɛɛ bo ábɔɔ bidintɛbi ki sun, á i ta-ri jɛŋ áwɔ tɔbi shɔɔrinŋ ki fa áwɔ ɲakilitinbi shɔɔrinŋ ki ru,

Filipitɔnŋ kiri 3:14

Míŋ i niŋ bili ki tan-a ńʼɲaniŋ i ji ńʼbili ŋuŋ ki ra, nwɔma ŋí i jali kila, Kirinŋ yibɛɛ dɔri-i ninwɔ̀ bira kirinpɔli ki ra Kirisa sababu ra.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 2:6

Ábɛɛ ji-i Ŋuntiŋ Yesu Kirisa tɛ ɲaan wɔ̀ tɛ, á tiri kɛɲɛ niŋ wu.

Tesalonikitɔnŋ kiri (1) 3:12

Bidintɛbi wɔ̀ i ábɛɛ faninmwuŋ niŋ fa koŋ tɔri kiri kɛlintɛ, Ŋuntiŋ ki mwɔɔnna bo niŋ sun á gbɛ, miŋ tu yibɛɛ ábɛɛ bidi-i yi tɛ ɲaan tɛ.

Tesalonikitɔnŋ kiri (1) 4:2

Yibɛɛ ábɛɛ kali-i bi wɔ̀ri ra, yibɛɛ Ŋuntiŋ Yesu bi ki sun, ábɛɛ nini tɔ-i.

Tesalonikitɔnŋ kiri (1) 5:12

Ńʼtindaŋ ni, míŋ ǹʼceeli-la ábɛɛ gbɛ, ńʼtu nwɔ̀ri i arì yɛri yɛli-la, kí i ábɛɛ bo-ri Ŋuntiŋ ki wɔ saa ki tirika ɲaan shɔɔrinŋ ki fan, niŋ fa kí i á racin-ni, ńʼtu á baraka de nini nu.

Tesalonikitɔnŋ kiri (2) 1:3

Ńʼtindaŋ ni, yibɛɛ i coolinŋ wɔri-ra Kirinŋ tɛ waarinŋ bataa ru ábɛɛ bira. Sɛli ki ra, niŋ fa ma kakan-i, sabu ábɔɔ bilinabi ki i ta-a jɛŋ, niŋ fa ǹʼbɛɛ i bo-ri á faninmwuŋ bidintɛbi ki sun jibi woo jibi.

Tesalonikitɔnŋ kiri (2) 2:1

Ńʼtindaŋ ni, nwɔ̀ i Ŋuntiŋ Yesu Kirisa pwulu na bi ki fa yi bataa rakɔli bi ki i ntiŋ ɲaanfɛ,

Tesalonikitɔnŋ kiri (2) 3:1

Niŋ bataa kɔɔtɛ, ńʼtindaŋ ni, á Kirinŋ nafɛ-ri yibɛɛ yɛrima kiri tɛ, nwɔma Ŋuntiŋ ki wɔ wulu ki i so jeɲe ta-i jɛŋ, niŋ fa konaŋ kiri i ǹʼpa baraka ra, miŋ tu ǹʼma-i ábɛɛ kanfɛ ɲaan wɔ̀ tɛ.

Tesalonikitɔnŋ kiri (2) 3:13

Ńʼtindaŋ ni, ábɛɛ kɔniŋ fa yɛli bi shɔɔrinŋ ma ki ra kì.

Timote (1) 5:21

Míŋ i ǹʼceeli-la miŋ gbɛ, ŋí i ǹʼfuru, Kirinŋ fa Yesu Kirisa fa Mɛlɛkɛn wɔlinŋ kiri ɲaniŋ i yibɛɛ ra, ńʼtu a cinŋ bimaan kari bataa po arì saa tɛ telibi wu, fa koŋ san koŋ nu kì.

Timote (2) 4:1

Míŋ a ǹʼbi furu miŋ tɛ Kirinŋ fa Yesu Kirisa ɲaanfɛ, ninwɔ̀ a kiti ki kwuru ɲaninkulutɔnŋ kiri fa konkwuu kiri sun, ńʼtu a ǹʼma Kirisa na ki fa ǹʼwɔ masabi ki bira,

Iburu kiri 11:6

A bilinabi ki sababu ji-i kì, koŋ tɔri tenŋ bi a so di-i Kirinŋ tɛ kì, sabu nwɔ̀tiŋ i a kpari-ra Kirinŋ tɛ, nintiŋ kakan-i ntiŋ i bili ǹʼna, tu Kirinŋ i nmaŋ, ŋì i a ceelitɔnŋ kiri sali-li.

Iburu kiri 13:16

Niŋ fa, á fa á ɲakili fɔni shɔɔrinŋ ma ki fa yemantɛrama ki tɛ kì, sabu niŋ kafinŋ kwuru kiri bidi-i Kirinŋ tɛ.

Iburu kiri 13:22

Ńʼtindaŋ ni, míŋ i ábɛɛ rafɛ-a, ńʼtu míŋ cunadi wulu pyaanŋ wɔ̀ri bi-i ábɛɛ tɛ, ńʼtu á á tɔnsunfili, á i yìrì kwun á ru.

Pyɛɛri (2) 3:18

Nka, á á banba, á i ǹʼbɛɛ bo-ri yibɛɛ Ŋuntiŋ fa yi Mwutɔnŋ Yesu Kirisa tɔbi ki fa ntiŋ wɔ shɔɔrinŋ ki sun. Nɔɔri ji ntiŋ wɔ dɔnsaŋ, niŋ fa waarinŋ bataa ru! Amiina!

Yuhana (1) 3:22

A yi ǹʼnafɛ finŋ woo finŋ na, ŋì a niŋ wɔri yibɛɛ tɛ, sabu yibɛɛ ǹʼwɔ cinŋ bimaan kiri tu-i yi ciiru, yi fani i ji ǹʼdintɛ bi kiri ma-a.