Tesalonikitɔnŋ kiri (1) 3:8 - Jɔ Biibili ki

⁸ Dɔnsaŋ, yibɛɛ ra so si-i, sabu yibɛɛ ǹʼtɔ-i tu ábɔɔ bilinabi ki a ɲaan ki tɛ Ŋuntiŋ ki ra.

Tesalonikitɔnŋ kiri (1) 3:8 ပူးပေါင်းရင်းမြစ်များ

Yuhana 15:4

Á á da tu míŋ na, miŋ tu míŋ tu-i ábɛɛ fan ɲaan wɔ̀ tɛ. Gbɛrinŋ wɔ̀ da jirinŋ ki ra kì, niŋ so-a daŋ pa-i kì, mìŋ ɲaan ki tɛ, ábɛɛ ra so daŋ pa-i, á da tubali míŋ na kì. »

Yuhana 15:7

A ábɛɛ á da tu míŋ na, niŋ fa á i mɔ́ɔ́n wulu kiri tu á ciiru, finŋ woo finŋ bi i ábɛɛ ra, á niŋ nafɛ, ábɛɛ ra niŋ bataa kila.

Yuhana 8:31

Yawutu wɔ̀ri bili-i Yesu ra, ntiŋ i ǹʼbi nini tɛ tu : « A ábɛɛ á kulu mɔ́ɔ́n wulu kiri tɛ, sɛli ki ra, ábɛɛ ra ji mɔ́ɔ́n kalindaŋ ni i.

Mabikiri 11:23

Barinabasi so-i nmaŋ waarinŋ wɔ̀ ru, ntiŋ i Kirinŋ wɔ baara mamaan ki ja bilinatɔnŋ kiri wu, niŋ i ntiŋ tɔnfili. Ntiŋ i bilinatɔnŋ kiri cunadi, tu kí ǹʼpa tu Ŋuntiŋ ki cɛfan tɔnnafurubi wu.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (1) 16:13

Á á ɲakili tu á yɛri ra waaci bataa ru, á i á cunadi bilinabi ki ra, á i á tɔnnafuru, á i á sunfuru.

Galasitɔnŋ kiri 5:1

Kirisa yibɛɛ mwu san-i jonbi ki wu, nwɔma yi fa ji joŋ ni i kili kì, niŋ na, á á cɛrukɔli, nwɔma á fa na pwulu de jonbi ki ru kili kì.

Efɛsitɔnŋ kiri 3:17

niŋ fa tu Yesu i so sɔɔ ábɛɛ ciiru tɔnŋ kiri ra bilinabi ki bira, nwɔma á banbamaan i tu bidintɛbi ki ra ɲaan bataa tɛ.

Filipitɔnŋ kiri 1:21

Sabu mɔ́ɔ́n ɲaninkulutɔnbi ki i ma-a Kirisa tɛ, ŋí i beeni ntiŋ bira, niŋ i ji pari ǹʼbataa wu.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 4:1

Niŋ ki ra, míŋ tindaŋ byii ri, ábɛɛ wɔ̀ri ja tɔ i míŋ nu, niŋ fa ábɛɛ wɔ̀ri i míŋ ciirudi ŋuŋ ki fa míŋ ŋununfɛshi ŋuŋ ki i, ńʼwɔ wɔshuru ri, á á cɛrukɔli tu ka ɲaan ka tɛ Ŋuntiŋ ki wɔ saa ki fan.

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Tesalonikitɔnŋ kiri (1) 3:7

Ńʼtindaŋ ni, niŋ wulu kiri bi-i yibɛɛ tɛ waarinŋ wɔ̀ ru, yibɛɛ tɔnfili-i ábɛɛ bira áwɔ bilinabi ki baraka ra, ŋì i yi tu yɔɔ makwulubi kiri fa yɔɔ ɲaanfɛkwulu bi kiri ru.

Iburu kiri 10:23

Yibɛɛ i ǹʼbi-a tu gbɛbilimaŋ wɔ̀ yi gbɛ, á ncusun yi yi banba tu niŋ sun, sabu Kirinŋ wɔ̀ a tɔnŋ wɔri-i, niŋ i dariwulutiŋ i.

Iburu kiri 3:14

A yibɛɛ yi banba tu yi gbɛbilimaŋ fɔɔmaan jɔnɔ ki sun, fɔ yi ta so ǹʼdaŋ ki ra, yibɛɛ ra ji Kirisa bi mashi ri i.

Iburu kiri 4:14

Yibɛɛ i bilinabi wɔ̀ sunjo-a, yi yi banba tu niŋ sun, sabu sarakawɔrɔtɔnŋ ŋununtiŋ sinaŋ bataa ru sinaŋ ki i yibɛɛ gbɛ, nwɔ̀ tunpa so-i Kirinŋ sun, niŋ i Yesu, Kirinŋ Danshuru ki.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Pyɛɛri (2) 3:17

Míŋ tindaŋ byii ri, míŋ ábɛɛ racin-i, á á yɛri paka tɔ. Á fa ncusun koŋ jɛ kiri i á curu san á gbɛbilimaŋ shɔɔrinŋ ki sun kì.

Jafinŋ ki 3:11

Míŋ a cin kì, míŋ a na. Niŋ ki ra, nwɔ̀ i miŋ gbɛ, niŋ paka shɔ, nwɔma koŋ tɔri fa na nʼwɔ masabunfila ki mwu san nʼwu kì.

Jafinŋ ki 3:3

Miŋ kali-i nwɔ̀ ra, niŋ fa miŋ ǹʼnama-i ɲaan wɔ̀ tɛ, nʼɲakili tu niŋ na, ŋi i tiri kɛɲɛ niŋ wu, ŋi i ntɔri bi nʼwɔ bijɛ kiri ra, ŋi i nʼmabi kiri rapwulu. A niŋ ma kì, míŋ a na bali miŋ na miŋ tu kwunŋ, miŋ a míŋ na waari tɔ kì.