Tesalonikitɔnŋ kiri (1) 3:6 - Jɔ Biibili ki

⁶ Nka dɔnsaŋ, Timote yiri-i ábɛɛ tɛ, ntiŋ i so yibɛɛ tɛ kwumaŋ. Ntiŋ na-i ábɔɔ bilinabi ki niŋ fa áwɔ bidintɛbi ki ru wulu shɔɔrinŋ bi yibɛɛ tɛ. Ntiŋ tu ábɛɛ ɲakili yibɛɛ ra kusɛbɛ, niŋ fa tu yibɛɛ fyii ábɛɛ ru, miŋ tu ábɛɛ fyii ki i yibɛɛ ru ɲaan wɔ̀ tɛ.

Tesalonikitɔnŋ kiri (1) 3:6 ပူးပေါင်းရင်းမြစ်များ

Mabikiri 16:1

Pooli fa Silasi i ta Dɛribi sɛbɛ. Kí po-i niŋ mani nu, kí i ta Lisitiri kili ki ra. Kí i bilinatɔnŋ ɲɔrɔkɔ bɛɛ kila niŋ mani nu. Niŋ ɲɔrɔkɔ ki tɔ wuru tu Timote, ntiŋ i ji Yawutumari bilinatɔnŋ bɛɛ fa Girɛkishuru bɛɛ danshuru.

Mabikiri 18:1

Niŋ kɔɔtɛ, Pooli i po Atɛni, ntiŋ i ta Korɛnti.

Mabikiri 18:5

Kabi Silasi fa Timote po-i Maseduwanɛ kɛniŋ ki ru, kí i na, Pooli cinŋ tɔri ma Kirinŋ wɔ Wulujii ki sunjo ki fan kili kì. Ntiŋ wuru ǹʼbi fɔɔ-ra Yawutu kiri tɛ, tu Yesu Kirinŋ Ɲaannakonshimaan ki i.

Korɛntitɔnŋ kiri (1) 11:2

Míŋ i ábɛɛ co-a, sabu ábɛɛ ɲakili i míŋ na á mabi kiri bataa ru, niŋ fa á i ji tagbɛ kiri pa miŋ tu míŋ yìrì kila wɔri-i ábɛɛ tɛ ɲaan wɔ̀ tɛ.

Korɛntitɔnŋ kiri (1) 13:13

Ka bataa ciiru, finŋ wɔ̀ri kɔ-a kì, nini i bilinabi ki fa gbɛbilimaŋ ki, niŋ fa bidintɛbi ki i. Nka finŋ byaŋ kari ru, yìrì ru sinaŋ ki i bidintɛbi ki i.

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Filipitɔnŋ kiri 1:8

Kirinŋ i míŋ shɛɛri ki i, tu ábɛɛ fyii ki míŋ wu dɔɔ, ŋì i kɛɲɛ Yesu Kirisa wɔ bidintɛbi ki wu.

Kɔlɔsitɔnŋ kiri 1:4

sabu ábɛɛ bili-i Yesu Kirisa ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, yibɛɛ niŋ bataa rama-i.

Kɔlɔsitɔnŋ kiri 4:18

Míŋ Pooli i ábɛɛ co-a, míŋ yɛri ki gbɛ ta i ka sɛbɛdaŋ kari dɔnsaŋ. Á á ɲakili tu ǹʼna, tu míŋ kɔlimaan a nkasu ru kwumaŋ. Kirinŋ shɔɔrinŋ ma á tɛ.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (1) 2:17

Ńʼtindaŋ ni, yibɛɛ yi san-i ábɛɛ ra waaci pyaanŋ nu, niŋ ji-i firi ki ra, nka yibɛɛ ɲakili ki san ábɛɛ bi sun kì. Yibɛɛ wuru ǹʼtɛ ɲaan ki bataa tɛ, yi i yi pwulu ta ábɛɛ ja sɛbɛ, sabu ábɛɛ fyii sinaŋ tu-i yibɛɛ ru.

Tesalonikitɔnŋ kiri (1) 2:9

Ńʼtindaŋ ni, yibɛɛ cinŋ ki ma-i sunfurubi wu ábɛɛ kanfɛ ɲaan wɔ̀ tɛ, ábɛɛ ɲakililafɔni-i niŋ tɛ wa? Yibɛɛ baara ki ma-i cii fa sunŋ, nwɔma yi fa ji koŋ tɔri tenŋ wɔ shii i, yɔɔ Kirinŋ wɔ Wulujii ki sunjomaŋ ki ru ábɛɛ tɛ kì.

Tesalonikitɔnŋ kiri (1) 3:7

Ńʼtindaŋ ni, niŋ wulu kiri bi-i yibɛɛ tɛ waarinŋ wɔ̀ ru, yibɛɛ tɔnfili-i ábɛɛ bira áwɔ bilinabi ki baraka ra, ŋì i yi tu yɔɔ makwulubi kiri fa yɔɔ ɲaanfɛkwulu bi kiri ru.

Tesalonikitɔnŋ kiri (2) 1:3

Ńʼtindaŋ ni, yibɛɛ i coolinŋ wɔri-ra Kirinŋ tɛ waarinŋ bataa ru ábɛɛ bira. Sɛli ki ra, niŋ fa ma kakan-i, sabu ábɔɔ bilinabi ki i ta-a jɛŋ, niŋ fa ǹʼbɛɛ i bo-ri á faninmwuŋ bidintɛbi ki sun jibi woo jibi.

Timote (1) 1:5

Ka cinŋ bimaan ka ŋuŋ ki i nwɔma bidintɛbi sɔbɛ i so kila-i, ninwɔ̀ i po-a ciiru fɔɔmaan fa ciiru shɔɔrinŋ nu, niŋ fa bilinabi sɔbɛ ru.

Timote (2) 1:3

Míŋ i coolinŋ wɔri-ra Kirinŋ tɛ, míŋ i cinŋ ki ma-a ninwɔ̀ tɛ fɔɔbi wu, miŋ tu míŋ tiŋ cɛɛnni kiri ǹʼma-i ɲaan wɔ̀ tɛ. Cii fa sunŋ, a míŋ ji Kirinŋ nafɛ-a, míŋ i ńʼɲakili tu-a miŋ na waarinŋ bataa ru.

Filimɔn 1:5

Sɛli ki ra, mɔɔn bilinabi ki Ŋuntiŋ Yesu ra, niŋ fa miŋ Kirinŋ wɔ konanbi ki bidi-i nʼtɛ ɲaan wɔ̀ tɛ, míŋ niŋ bataa rama-i.

Iburu kiri 13:3

Á á ɲakili tu nkasu ru tɔnŋ kiri ra, miŋ tu ábɛɛ yɛrima kiri ra ji nkasu ru. Á i á ɲakili tu koŋ cɔɔrimaan kiri ra, miŋ tu ábɛɛ yɛrima kiri ra ji niŋ cɔɔri ki ru kí fan.

Iburu kiri 13:7

Á á ɲakili tu á jɛnpatɔnŋ kiri ra, nini wɔ̀ri jɔnɔ ki Kirinŋ wɔ wulu ki sunjo-i ábɛɛ tɛ. Á á ɲakili tu nini wɔ ɲaninkulutɔnbi ki fa kí rakɔka ɲaan ki tɛ, á i kɔ́ɔ́ bilinabi ki maka ki raki.

Yuhana (1) 3:23

Ǹʼwɔ cinŋ bimaan ki i kaa tu, yi bili afinŋ Danshuru Yesu Kirisa tɔ ki ra, niŋ fa tu yi yimaŋ bidi yimaŋ tɛ, ŋì i kɛɲɛ niŋ cinŋ bimaan ki wu.