Tesalonikitɔnŋ kiri (1) 3:5 - Jɔ Biibili ki

⁵ Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Tesalonikitɔnŋ kiri (1) 3:5 ပူးပေါင်းရင်းမြစ်များ

Matiyu 4:3

Shitaanni koŋ kɔrɔbɔtɔnŋ ki i a kpari ntiŋ tɛ, ŋì i ǹʼbi tu : « A miŋ ji Kirinŋ Danshuru ki i, ǹʼbi tu kwɔ kari rapwulu ji nufinŋ i kɛ! »

Mabikiri 15:36

Kí na-i waaci ma arìmaŋ fan, niŋ kɔɔtɛ, Pooli i ǹʼbi Barinabasi tɛ tu : « Yibɛɛ ta-i Ŋuntiŋ ki wɔ wulu ki sunjo kili wɔ̀ri bataa ra, yi yi pwulu ta nini na, yi i ta yìrì ru bilinatɔnŋ kiri ɲaan shɛɛli. »

Korɛntitɔnŋ kiri (1) 7:5

Á fa á kaan ámaŋ tɛ bilifinŋ ki ru kì, fɔ á ji fu waaci sun tu á ra niŋ ji Kirinŋ nafɛ waaci i. Nka, a niŋ waaci ki fwuude, á á pwulu na ámaŋ tɛ, a niŋ ji-i kì ábɛɛ ra so á yɛri rasɔɔ-ɔ kì. Á fa saa wɔri shitaanni ki tɛ, ŋì i á sunnɛɛn bo bijɛ ma ki sun kì.

Korɛntitɔnŋ kiri (2) 2:11

Niŋ bataa ŋuŋ ki i nwɔma yi fa ncusun shitaanni ki i so kila yi sun kì, sabu yi i ǹʼwɔ fɛɛli kiri tɔ-a.

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 2:2

Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì.

Galasitɔnŋ kiri 4:11

Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.

Efɛsitɔnŋ kiri 4:14

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Filipitɔnŋ kiri 2:19

Míŋ i ǹʼceeli-la Ŋuntiŋ Yesu baraka ra, ńʼtu pyaanniŋ míŋ a Timote bo ta ábɛɛ tɛ nmaŋ, ntiŋ i ta á shɛɛli, ntiŋ i na á ɲaan ki bi míŋ tɛ, nwɔma míŋ ɲakili ki i so sɔɔ.

Tesalonikitɔnŋ kiri (1) 2:1

Ńʼtindaŋ ni, ábɛɛ yɛrima kiri ǹʼtɔ-i tu yibɛɛ tamaan ki ji ǹʼgbansanŋ i ábɛɛ tɛ kì.

Tesalonikitɔnŋ kiri (1) 3:6

Nka dɔnsaŋ, Timote yiri-i ábɛɛ tɛ, ntiŋ i so yibɛɛ tɛ kwumaŋ. Ntiŋ na-i ábɔɔ bilinabi ki niŋ fa áwɔ bidintɛbi ki ru wulu shɔɔrinŋ bi yibɛɛ tɛ. Ntiŋ tu ábɛɛ ɲakili yibɛɛ ra kusɛbɛ, niŋ fa tu yibɛɛ fyii ábɛɛ ru, miŋ tu ábɛɛ fyii ki i yibɛɛ ru ɲaan wɔ̀ tɛ.