Tesalonikitɔnŋ kiri (1) 3:3 - Jɔ Biibili ki

³ nwɔma ka waaci ka ru cɔɔri ki fa na ji ábɛɛ firi kilɛn ŋuŋ i kì. Á ǹʼtɔ tu niŋ cɔɔri kiri kakan yìrì i yibɛɛ bilinatɔnŋ kiri kila.

Tesalonikitɔnŋ kiri (1) 3:3 ပူးပေါင်းရင်းမြစ်များ

Luki 21:12

Nka niŋ jɛŋ, kí a na ábɛɛ pa, kí i á makwulujuu kusɛbɛ. Kí i á de kitikwurutɔnŋ kiri gbɛfɛ Yawutu kiri wɔ kalinfu ki ru, kí i á bo nkasu ru, kí i kila, kí i tiri á wu masa ri fa faantiŋ ni tɛ, míŋ tɔ ki bira.

Yuhana 16:2

Kí a na ábɛɛ kwɔ po san Yawutu kiri wɔ kalinfu kiri ru. Waaci ki bɛɛ ra na so, nwɔ̀ri a na ábɛɛ kilɛn-ni, ŋì a na ji nini cirasun, tu arìbɛɛ i Kirinŋ gbɛ-a.

Yuhana 16:33

Míŋ niŋ bi-i ábɛɛ tɛ, nwɔma ábɛɛ i ɲaanfɛfili kila míŋ gbɛ. Ábɛɛ ɲaanfɛkwulu-i ka juniɲa ka ru, nka á á cunadi, sabu míŋ so kila-i juniɲa ki sun kɔ. »

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Mabikiri 2:25

Masa Dawuda nwɔ̀ bi-i ntiŋ bi ki sun, niŋ i kaa : ‹ Míŋ wuru Ŋuntiŋ ki ja-a ńʼɲaanfɛ waarinŋ bataa ru. Ntiŋ i míŋ tɔntɛ, nwɔma finŋ tɔri fa míŋ san ńʼɲakili sun kì.

Mabikiri 21:11

Niŋ koŋ ki i na yibɛɛ tɛ, ntiŋ i Pooli wɔ nukɔlɔfinŋ ki shi, ntiŋ i a yɛri ki kanŋ kiri fa a gbɛ kiri kɔli, ntiŋ i ǹʼbi : «  Ɲiniwɔlinŋ ki i nwɔ̀ bi-a niŋ i kaa : ‹  Yawutu kiri ra ta nukɔlɔfinŋ ka tiŋ ki ma ka ɲaan ka tɛ kɔɔn Yerusalɛmu, kí i ntiŋ de shiya tɔri konaŋ ni gbɛfɛ dɛ! › »

Mabikiri 21:13

Nka Pooli tu yibɛɛ tɛ : « Nfɛnŋ na, ábɛɛ ŋuntan-ni kɔɔn, á i jurubi de-ri míŋ nu? Míŋ a ńʼtu ŋí i beeni Ŋuntiŋ Yesu bira, kí i ta ǹʼbi tu míŋ kɔlilama bantenŋ Yerusalɛmu wa? »

Mabikiri 9:16

Ntiŋ kakan-i ntiŋ i ɲaanfɛkwulu bi wɔ̀ri pa a ra míŋ bira, míŋ a na nini ji ntiŋ wu. »

Ɔrɔmutɔnŋ kiri 5:3

Niŋ bantenŋ i kì, yi i yi ciirudi-a yi cɔɔri bi kiri bira sɛbɛ, sabu yibɛɛ ǹʼtɔ-i, tu cɔɔri ki cɛrukɔlibi wɔri-ra konanmini tɛ.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (1) 4:9

Ǹʼyɔ míŋ ɲaanna, ńʼtu Kirinŋ a ji yibɛɛ, Yesu wɔ cindaŋ kiri bo konaŋ bataa kɔɔtɛ, yibɛɛ i miŋ tu koŋ wɔ̀ri bo-i kilɛnmaanna tɛ, sabu yibɛɛ ji-i shɛɛlifinŋ ni i juniɲa gbɛ, mɛlɛkɛn kiri gbɛ, niŋ fa konaŋ kiri gbɛ.

Efɛsitɔnŋ kiri 3:13

Niŋ ki ra, ńʼtindaŋ ni, cɔɔri wɔ̀ i míŋ kila-a ábɛɛ bira, niŋ fa á firi kilɛn kì, ninki i ábɛɛ ŋununfɛshi ŋuŋ ki i.

Filipitɔnŋ kiri 1:28

Á fa ncusun ábɛɛ ɲa kiri i kɛmi de á ru ɲaan dantenŋ tɛ kì. Kíbɛɛ tirika ɲaan ki i ǹʼji-a, tu kí a haliki, nka ábɛɛ tirika ɲaan ki i ǹʼbi-ri, tu ábɛɛ mwu saa ki sun, tu niŋ i ji po-a Kirinŋ nu.

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Tesalonikitɔnŋ kiri (1) 5:9

Kirinŋ dintɛ bi i tu awɔ tɔnkwulu ki so yibɛɛ sun kì, duu awɔ mwubi ki yibɛɛ Ŋuntiŋ Yesu Kirisa bira.

Tesalonikitɔnŋ kiri (2) 1:4

Ninki ncin-i, yibɛɛ i ábɛɛ wulu bi-ri Kirinŋ wɔ konanbi kwuru ki tɛ, fɔ yi i yɛri ragbɛ-ri ábɛɛ wu áwɔ bilinabi ki fa áwɔ cɛrukɔli ki bira. Sabu hali ábɛɛ ji ɲaanfɛkwulu fa tɔnfɔɔ kwuru ki bataa ru, ábɛɛ niŋ bataa pa-i á ra.

Timote (2) 1:8

Yibɛɛ Ŋuntiŋ ki wulu ki sunjorama ki fa nʼɲaankwun kì. Nʼdumiŋ fa ɲaankwun míŋ wu kì, mínwɔ̀ i nkasudaŋ i, Ŋuntiŋ ki bira. Nka nʼtu, ŋi i cɔɔri míŋ sali Kirinŋ wɔ Wulujii ki bira, ŋi i nʼgbɛ bili Kirinŋ wɔ sotinbi ki sun.

Pyɛɛri (1) 2:21

Ábɛɛ dɔri ŋuŋ ki i ninki i Kirinŋ gbɛ, sabu Kirisa yɛrima ki cɔɔri-i ábɛɛ bira. Ntiŋ i ji ábɛɛ gbɛ ɲaanjitɔnŋ i, nwɔma ábɛɛ i á kanŋ tu afinŋ kanta ru.

Jafinŋ ki 2:10

Cɔɔri wɔ̀ri ra na miŋ kila, fa kɛni nini jɛŋ kì. Shitaanni a na ncusun kí i ábɛɛ bɛɛ ri pa bo nkasu ru, nwɔma a i á kɔrɔbɔ. Ábɛɛ ra na cɔɔri sunŋ byinŋ ciiru. Á tu bilinabi ki ru, fɔ ŋì i ta so á beŋ ki sun. A niŋ ma, míŋ a na ɲaninkulutɔnbi masabunfila ki wɔri ábɛɛ tɛ.

Jafinŋ ki 2:13

Miŋ sɔɔ mani wɔ̀ ru, míŋ niŋ tɔ-i. Niŋ i shitaanni wɔ masawaalinŋ i. Nka, hali kí míŋ shɛɛri telimaan Antipasi kilɛn-i ábɛɛ kanfɛ jibi wɔ̀, shitaanni sɔɔmaŋ ki ru, ábɛɛ á da tu-i míŋ na, á á kaan míŋ tɛ kì.