Tesalonikitɔnŋ kiri (1) 3:2 - Jɔ Biibili ki

² yi i Timote bo tiri ábɛɛ tɛ. Kirinŋ wɔ baara ki ru, ninwɔ̀ i Kirisa Wulujii ki sunjorama ki i, yibɛɛ tindaŋ fa yi baara mashi yɛ. Yibɛɛ i ntiŋ cin ta-a ye ábɛɛ tɛ. Ntiŋ a ta ye ábɛɛ tɛ, á i tɔnnafurubi kila áwɔ bilinabi ki ru,

Tesalonikitɔnŋ kiri (1) 3:2 ပူးပေါင်းရင်းမြစ်များ

Mabikiri 16:1

Pooli fa Silasi i ta Dɛribi sɛbɛ. Kí po-i niŋ mani nu, kí i ta Lisitiri kili ki ra. Kí i bilinatɔnŋ ɲɔrɔkɔ bɛɛ kila niŋ mani nu. Niŋ ɲɔrɔkɔ ki tɔ wuru tu Timote, ntiŋ i ji Yawutumari bilinatɔnŋ bɛɛ fa Girɛkishuru bɛɛ danshuru.

Mabikiri 16:5

Bilinatɔnŋ kiri wuru so kila ta-a bilinabi ki ru, kí ŋuniŋ kpaa ki i mwɔ-ni si woo si.

Mabikiri 18:5

Kabi Silasi fa Timote po-i Maseduwanɛ kɛniŋ ki ru, kí i na, Pooli cinŋ tɔri ma Kirinŋ wɔ Wulujii ki sunjo ki fan kili kì. Ntiŋ wuru ǹʼbi fɔɔ-ra Yawutu kiri tɛ, tu Yesu Kirinŋ Ɲaannakonshimaan ki i.

Ɔrɔmutɔnŋ kiri 16:21

Míŋ baara mashi Timote i á co-a niŋ fa Lusiyusi fa Jaasɔnŋ, ŋì i bo Sosipatɛri sun, ninwɔ̀ fa míŋ i kanindaŋ tenŋ i.

Korɛntitɔnŋ kiri (1) 3:10

Míŋ fu ki cɛ ki sɔɔ-ɔ, ŋì i kɛɲɛ míŋ kafinŋ ki wu Kirinŋ gbɛ miŋ tu fu tantɔnŋ ɲakilitiŋ, niŋ kɔɔtɛ, koŋ tɔri i na fu ki tan tunpa niŋ fu cɛ sɔɔmaan ki sun. Nka koŋ finŋ woo finŋ i fu ki tan tunpa-a niŋ fu cɛ sɔɔmaan ki sun, tu koŋ fɔn tenŋ tenŋ awɔ tanka ki cɔye.

Korɛntitɔnŋ kiri (1) 4:17

Ninki ncin-i, míŋ i Timote cin tiri-ri ábɛɛ tɛ, ninwɔ̀ i míŋ dintɛ daŋ i, niŋ fa koŋ kulumaan i ji-i Kirisa bilinabi ki ru. Ntiŋ a ta ábɛɛ ɲakilila bo míŋ tirika ɲaan ki tɛ Kirisa bilinabi ki ru, miŋ tu míŋ i Yesu Kirisa wɔ konanbi ki kali-la ɲaan wɔ̀ tɛ mani bataa ru.

Korɛntitɔnŋ kiri (2) 1:1

Míŋ, Pooli wɔ̀ i Yesu Kirisa wɔ cindaŋ i Kirinŋ baraka ra, míŋ fa yi tindaŋ Timote i ka sɛbɛ ka wɔri ta-a Korɛnti Kirinŋ wɔ konanbi ki tɛ, yi i ǹʼwɔri ta-ri Kirinŋ wɔ wɔlinŋ kiri bataa tɛ, nini wɔ̀ri i Akayi sɔɔta ki ru.

Korɛntitɔnŋ kiri (2) 1:19

Sabu míŋ fa Silasi fa Timote, Yesu Kirisa, Kirinŋ danshuru wɔ̀ bi sunjo-i ábɛɛ tɛ, niŋ « aawe » bi-a bi ru, ŋì i pwulu, ŋì i « aawoo » bi mìŋ bi tenŋ ki ru kì. Niŋ wɔ ki i « aawe » e waarinŋ bataa ru.

Korɛntitɔnŋ kiri (2) 2:12

Míŋ so-i Torohasi kili ki ra Kirisa wɔ Wulujii ki sunjorama ki wu waarinŋ wɔ̀ ru, míŋ i ǹʼja-i ńʼtu Ŋuntiŋ ki saa rawwulu míŋ jɛŋ niŋ cinŋ ki bira.

Korɛntitɔnŋ kiri (2) 2:13

Nka míŋ ciirufɔnimaan wuru-i kusɛbɛ, sabu míŋ ńʼtindaŋ Tite ja-ri kì. Niŋ ki ra, míŋ i saarafɛ kí gbɛ, ŋí i tiri Maseduwanɛ sɔɔta ki ru.

Korɛntitɔnŋ kiri (2) 8:23

Nwɔ̀ i Tite, niŋ i míŋ tirishi niŋ fa míŋ baara mashi i ábɛɛ kanfɛ. Tindaŋ fuuli kari i ji bilinatɔnŋ kwuru kiri wɔ cintɔnŋ ni i, nwɔ̀ri Kirisa tɔ ki gbɛ-i arɔɔ baara maka ɲaan ki wu.

Filipitɔnŋ kiri 1:25

Míŋ fani bili-i ǹʼna tu míŋ a tu juniɲa ka ru ábɛɛ fan sɛbɛ, nwɔma ábɛɛ i so baraka kila-i, á i ta jɛŋ, á i á ciirudi bilinabi ki ru.

Kɔlɔsitɔnŋ kiri 1:1

Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ Kirinŋ dintɛ bi ki wu, míŋ fa yi tindaŋ Timote i ábɛɛ co-a,

Kɔlɔsitɔnŋ kiri 1:7

Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Kɔlɔsitɔnŋ kiri 4:9

Míŋ i Onensimu bo ta-a ntiŋ fan, yibɛɛ gbɛ faa-a ntiŋ nu, ntiŋ i ji yibɛɛ tindaŋ byii i, nwɔ̀ po-i ábɛɛ ru. Bi finŋ woo finŋ i kwumaŋ, kí a ta niŋ bataa ɲaanbi ábɛɛ tɛ.

Tesalonikitɔnŋ kiri (1) 3:13

Ŋì baraka de á ru, á i ji koŋ shɔɔrinŋ pɔlibali li i, yibɛɛ Tiŋ Kirinŋ ɲaanfɛ, yi Ŋuntiŋ Yesu Kirisa pwulu na waaci ki ru, awɔ konanbi wɔlinŋ ki bataa wu. Amiina!

Tesalonikitɔnŋ kiri (1) 3:5

Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Tesalonikitɔnŋ kiri (2) 2:17

tu nini cunadibi wɔri á tɛ, á i baraka kila, á i bi shɔɔrinŋ ma-ni waarinŋ bataa ru, á mabi kiri fa á bi wulu kiri ra.