Tesalonikitɔnŋ kiri (1) 2:9 - Jɔ Biibili ki

⁹ Ńʼtindaŋ ni, yibɛɛ cinŋ ki ma-i sunfurubi wu ábɛɛ kanfɛ ɲaan wɔ̀ tɛ, ábɛɛ ɲakililafɔni-i niŋ tɛ wa? Yibɛɛ baara ki ma-i cii fa sunŋ, nwɔma yi fa ji koŋ tɔri tenŋ wɔ shii i, yɔɔ Kirinŋ wɔ Wulujii ki sunjomaŋ ki ru ábɛɛ tɛ kì.

Tesalonikitɔnŋ kiri (1) 2:9 ပူးပေါင်းရင်းမြစ်များ

Luki 18:7

Niŋ na, Kirinŋ nwɔ̀ri ɲaannashi-i, ŋì i kí ji awɔ ri, a nini ji ǹʼnafɛ-a cii fa sunŋ, ŋì a ye kí tɛ nukwululula kì wa?

Luki 2:37

Nmari i tu shuru shibali, fɔ nmari shi ki i na so jiri yaapyiiraŋ fa pyiiraŋ (84) sun. Nmari wuru cin-a Kirinfusinaŋ ki ra kì. Nmari wuru Kirinŋ gbɛ-a cii fa sunŋ, nmari i sunŋ de-ri, nmari i Kirinŋ nafɛ-ri.

Mabikiri 18:3

Ntiŋ i sɔɔ kí fan, ntiŋ fa kí i cinŋ ki ma-ni arìmaŋ fan, sabu kí fɔn wuru juulinfu ramɔnitiiri i.

Mabikiri 20:24

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Mabikiri 20:31

Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.

Ɔrɔmutɔnŋ kiri 1:1

Míŋ Pooli wɔ̀ i Yesu Kirisa tɛ baara matɔnŋ i, Kirinŋ i ji míŋ dɔri ji cindaŋ i, tu ŋí awɔ Wulujii ki sunjo, mínki i ka sɛbɛ ka wɔri ta-a ábɛɛ tɛ.

Ɔrɔmutɔnŋ kiri 15:16

Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.

Ɔrɔmutɔnŋ kiri 15:19

niŋ fa awɔ taanmashɛ kiri fa awɔ kabakobi kiri wɔ sotinbi ki wu, Ɲiniwɔlinŋ ki wɔ sotinbi ki i nini wɔ̀ri wɔri-ra. Niŋ ɲaan ki tɛ, míŋ so-i Kirisa Wulujii ki sunjo-i mani bataa ru, ŋì i shi Yerusalɛmu fa a tonfan sɔɔta kiri bataa ra, ŋì i ta so fɔ Iliri kɛniŋ ki ru.

Korɛntitɔnŋ kiri (1) 4:12

Yibɛɛ yɛrima kiri i baara ma-a yi gbɛ kiri ra, yi i yɛli-li. Konaŋ kiri i yi ki-ri, yi i juba san-ni kí tɛ, kí i yi cɔɔri-ri, yi i ǹʼpa-ri yi ra.

Korɛntitɔnŋ kiri (1) 9:15

Nka míŋ cɛɛn niŋ finŋ kiri tɔri dantenŋ cɛfan kì. Hali míŋ ji yìrì wulu bi-a kwumaŋ, míŋ ǹʼtɛ ńʼtu koŋ i yìrì ma míŋ tɛ kì dɛ! Míŋ yɛri ragbɛ bi ki i ninwɔ̀, míŋ ǹʼtɛ koŋ i niŋ mwu san míŋ wu kì. Beŋ pari-i míŋ tɛ niŋ wu.

Korɛntitɔnŋ kiri (1) 9:18

Míŋ sali ki ǹʼdanwɔ? Niŋ i ciirudibi i, míŋ i ninwɔ̀ kila-a Wulujii ki sunjomaanna ki ru ǹʼgbansanŋ, niŋ fa míŋ wuru-ra so nafan wɔ̀ ceeli-i ńʼyɛri tɛ, ŋí i ńʼkaan niŋ tɛ.

Korɛntitɔnŋ kiri (1) 9:4

Ábɛɛ cirasun tu yibɛɛ kakan yi i nufinŋ fa mwunu ju kila yɔɔ baara ki ru kì wa?

Korɛntitɔnŋ kiri (2) 11:27

Míŋ baara furu mwɔɔnna ma-i, ŋí yɛlinŋ mwɔɔnna pa ńʼna. Míŋ sanɲaanna mwɔɔnna tan-i, bɛɛ ki fa jumwunu ki i ji ńʼpa, waaci mwɔɔnna míŋ nufinŋ kila kì, ŋí i tu nuŋ nubali waaci mwɔɔnna, shii ki fa juulinŋ bali bi ki i ji ńʼyɛli.

Korɛntitɔnŋ kiri (2) 11:9

Sabu tindaŋ wɔ̀ri po-i Maseduwanɛ, nini na-i míŋ maku shɔfinŋ kiri bataa wɔri ńʼtɛ. Míŋ i ńʼtu ɲaan tɔri tenŋ tɛ, ŋí ńʼwɔ fɔɔn ka shii ki sɔɔ ábɛɛ tɔri tenŋ sun kì. Míŋ a ǹʼji mìŋ ɲaan tenŋ ki tɛ hali siri.

Korɛntitɔnŋ kiri (2) 6:5

Kí i yi bwɔ-a, kí i yi bo-ri nkasu ru, kí i kpeeri rusu bo-ri yi sun, kí i yi yɛli-li, kí i yi san-ni yi ɲaanna, yi bɛɛkɔni ki i tu-ri,

Filipitɔnŋ kiri 4:16

Ŋì i míŋ tu Tesaloniki kili ki ru, ábɛɛ yentɛfinŋ ni wɔri ta-i míŋ tɛ, fɔ kaan fuuli.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (1) 2:2

Ábɛɛ ǹʼtɔ-i tu kí yibɛɛ ki, niŋ fa kí i yi paka jɛ tan Filipi kili ki ru, nka niŋ fa a fɔn na, yibɛɛ yi gbɛ bili-i yɔɔ Kirinŋ ki sun, yi i ta Wulujii ki bi ábɛɛ tɛ kari mwɔɔnna faninmwuŋ.

Tesalonikitɔnŋ kiri (1) 2:6

Yibɛɛ ǹʼceeli koŋ i yi gbɛ kì, yi ǹʼceeli ábɛɛ gbɛ kì, yi fani dumiŋ ǹʼceeli koŋ tɔri gbɛ kì.

Tesalonikitɔnŋ kiri (1) 3:10

Yibɛɛ i Kirinŋ nafɛ-a cii fa sunŋ, yi i yi makwuluye-ri ǹʼtɛ, tu ŋì ncusun yi i yi pwulu tiri ábɛɛ tɛ, nwɔma yi i ta yi ɲaniŋ bili ábɛɛ sun sɛbɛ. A niŋ ma, nwɔ̀ cin-i ábɔɔ bilinabi ki ra, yi i ta á kini niŋ na.

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.

Timote (1) 4:10

Niŋ ki ra, yibɛɛ i yɛlinŋ ki fɔn kwuru tan-ni, yi i yi sunfuru-ri, sabu yibɛɛ yi gbɛ bili-i Kirinŋ ɲaninkulutɔnŋ ki sun, ninwɔ̀ i konanmini bataa mwutɔnŋ ki i, nwɔ̀ri bili-i Kirisa ra, ŋì i nini mwu-a.

Timote (1) 5:5

Kanimari wɔ̀ tu-i a cinancinŋ, niŋ i a gbɛ bili-la Kirinŋ sun, nmari i a cɛrukɔli Kirinŋ nafɛ ki ra, cii fa sunŋ.

Timote (2) 1:3

Míŋ i coolinŋ wɔri-ra Kirinŋ tɛ, míŋ i cinŋ ki ma-a ninwɔ̀ tɛ fɔɔbi wu, miŋ tu míŋ tiŋ cɛɛnni kiri ǹʼma-i ɲaan wɔ̀ tɛ. Cii fa sunŋ, a míŋ ji Kirinŋ nafɛ-a, míŋ i ńʼɲakili tu-a miŋ na waarinŋ bataa ru.