Tesalonikitɔnŋ kiri (1) 2:8 - Jɔ Biibili ki

⁸ Ábɛɛ bidi wuru yibɛɛ tɛ kusɛbɛ, niŋ ki ra, yibɛɛ i yi tu yi i Kirinŋ wɔ Wulujii ki bi ábɛɛ tɛ, niŋ fa yi ji wuru-ra yi tu yi i yi ɲini ki wɔri ábɛɛ bira, sabu ábɛɛ bi ki gbɛ wuru yibɛɛ gbɛ kusɛbɛ.

Tesalonikitɔnŋ kiri (1) 2:8 ပူးပေါင်းရင်းမြစ်များ

Luki 7:2

Ɔrɔmu masa ki wɔ surudashi jalitiŋ sinaŋ bɛɛ wuru nmaŋ, joŋ bɛɛ wuru niŋ gbɛ. Niŋ joŋ ki bidi wuru ntiŋ tɛ kusɛbɛ. Joŋ ki i na kira, kira ki i juu, fɔ ŋì i myɛ beŋ tɛ.

Ɔrɔmutɔnŋ kiri 1:1

Míŋ Pooli wɔ̀ i Yesu Kirisa tɛ baara matɔnŋ i, Kirinŋ i ji míŋ dɔri ji cindaŋ i, tu ŋí awɔ Wulujii ki sunjo, mínki i ka sɛbɛ ka wɔri ta-a ábɛɛ tɛ.

Ɔrɔmutɔnŋ kiri 10:1

Ńʼtindaŋ ni, nwɔ̀ i míŋ tɔnnabi ki i, niŋ fa míŋ i nwɔ̀ rafɛ-a Kirinŋ gbɛ, niŋ i kaa tu, Isirayɛli a a mwu.

Ɔrɔmutɔnŋ kiri 15:29

Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.

Korɛntitɔnŋ kiri (2) 12:15

Finŋ woo finŋ kɔniŋ i míŋ gbɛ, míŋ a ńʼtu ŋí i niŋ bataa wɔri ábɛɛ bira, fɔ ŋì i ta bo ńʼyɛri ŋuniŋ ki sun. Á míŋ ábɛɛ bidi ńʼtɛ niŋ ɲaan ki tɛ, ninki i ǹʼbɛɛ san-a míŋ bidintɛka ki ra ábɛɛ tɛ wa?

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 4:19

Ńʼdaŋ ni, míŋ cɔɔrimaan i faa ábɛɛ bira miŋ tu mari ra ji awɔ daŋ ji ciiyaa ra, fɔ ŋì i ta so waaci wɔ̀ ru, míŋ na ǹʼja tu ábɛɛ ji Yesu Kirisa bilinatɔnŋ sɔbɛ ri i.

Filipitɔnŋ kiri 1:8

Kirinŋ i míŋ shɛɛri ki i, tu ábɛɛ fyii ki míŋ wu dɔɔ, ŋì i kɛɲɛ Yesu Kirisa wɔ bidintɛbi ki wu.

Filipitɔnŋ kiri 2:17

Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan.

Filipitɔnŋ kiri 2:20

Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.

Filipitɔnŋ kiri 4:1

Niŋ ki ra, míŋ tindaŋ byii ri, ábɛɛ wɔ̀ri ja tɔ i míŋ nu, niŋ fa ábɛɛ wɔ̀ri i míŋ ciirudi ŋuŋ ki fa míŋ ŋununfɛshi ŋuŋ ki i, ńʼwɔ wɔshuru ri, á á cɛrukɔli tu ka ɲaan ka tɛ Ŋuntiŋ ki wɔ saa ki fan.

Kɔlɔsitɔnŋ kiri 1:28

Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.

Kɔlɔsitɔnŋ kiri 1:7

Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Filimɔn 1:1

Míŋ Pooli wɔ̀ bo-i nkasu ru Yesu Kirisa tɛ baara ki bira, míŋ fa ńʼtindaŋ Timote, yibɛɛ i ka sɛbɛ ka wɔri ta-a miŋ Filimɔn tɛ, minwɔ̀ i yibɔɔ wɔshuru byii i, niŋ fa yi baara mashi i,

Iburu kiri 13:17

Á á jɛnpatɔnŋ kiri gbɛ, á i á kulu kí tɛ. Kíbɛɛ kiri i arì ɲakili tu-a ábɔɔ ɲaninkulutɔnbi ki ra, sabu kí a ta arì kwuran Kirinŋ tɛ. Á ncusun kí ciirudimaan ni i arɔɔ baara ki ma, ŋì fa ji ɲaannuŋunu wu kì. A niŋ ji-i kì, ábɛɛ ra tɔnɔ kila ǹʼnu kì.

Yuhana (1) 3:16

Yibɛɛ i bidintɛbi ki tɔ-a nwɔ̀ ra, niŋ i kaa tu : Kirisa a ɲini ki wɔri-i yibɛɛ bira, mìŋ ɲaan tenŋ ki tɛ, yibɛɛ yɛrima kiri kakan-i yi i yi ɲini kiri wɔri yi tindaŋ kiri bira.