Tesalonikitɔnŋ kiri (1) 2:7 - Jɔ Biibili ki

⁷ Yibɛɛ wuru-ra so faan bo-i ábɛɛ sun, sabu tu yibɛɛ Kirisa wɔ cindaŋ ni, nka yibɛɛ niŋ ma kì. Yibɛɛ ábɛɛ pa-i sunjɛribi wu, miŋ tu daŋ ɲiŋ a ɲakili tu-a a daŋ ni na ɲaan wɔ̀ tɛ.

Tesalonikitɔnŋ kiri (1) 2:7 ပူးပေါင်းရင်းမြစ်များ

Mabikiri 13:18

Ŋì i kɔ́ɔ́ bi kiri bataa kwun a ru, fɔ jiri yaafuuli.

Korɛntitɔnŋ kiri (1) 2:3

Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 9:22

Nwɔ̀ri faan ki kuru-i bilinabi ki ru, míŋ ńʼyɛri ji-i miŋ tu mɔ́ɔ́n bilinabi ki faan ki a ji kuru nini sali, nwɔma ŋí i kí kila. Niŋ ɲaan ki tɛ, míŋ ńʼyɛri ji-i finŋ bataa a koŋ bataa gbɛ, nwɔma ŋí i ǹʼbɛɛ ri mwu san arɔɔ bijɛ kiri wu ɲaan bataa tɛ.

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 13:4

Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Galasitɔnŋ kiri 4:19

Ńʼdaŋ ni, míŋ cɔɔrimaan i faa ábɛɛ bira miŋ tu mari ra ji awɔ daŋ ji ciiyaa ra, fɔ ŋì i ta so waaci wɔ̀ ru, míŋ na ǹʼja tu ábɛɛ ji Yesu Kirisa bilinatɔnŋ sɔbɛ ri i.

Tesalonikitɔnŋ kiri (1) 2:11

Yibɛɛ ábɛɛ bataa tenŋ tenŋ pa-i, miŋ tu tiŋ i a daŋ pa-a ɲaan wɔ̀ tɛ.

Yakuba 3:17

Nka ɲakilitinbi wɔ̀ i po-a kirinpɔlila, ǹʼjɔnɔ ki, niŋ fɔɔmaan yɛ, niŋ kɔɔtɛ, ǹʼyɔ na-a ɲaanfɛfili wu, ǹʼtɔnsunfilimaan yɛ, sunmakwulupatɔnŋ sinaŋ i. Ǹʼmabi kiri bataa shɔ-i, ŋì i koŋ san-a koŋ nu kì, ǹʼdumiŋ wulu fuuli bi-a kì.