Tesalonikitɔnŋ kiri (1) 2:4 - Jɔ Biibili ki

⁴ Yibɛɛ i Kirinŋ wɔ Wulujii ki bi-a, ŋì i kɛɲɛ Kirinŋ dintɛ bi ki wu, sabu Kirinŋ yibɛɛ sunsunu-i, ŋì i bili yi ra, ŋì i awɔ Wulujii ki biye yi gbɛsun. Niŋ ɲaan ki tɛ, yibɛɛ i ǹʼbi-a, nwɔma yi bi i di konaŋ ni tɛ kì, nka yibɛɛ i ǹʼbi-a, yi i yi yɛri bidi Kirinŋ tɛ, ninwɔ̀ ki i konaŋ ciiru ki rufɔɔ-ra.

Tesalonikitɔnŋ kiri (1) 2:4 ပူးပေါင်းရင်းမြစ်များ

Luki 12:42

Ŋuntiŋ Yesu i Pyɛɛri rupwulu : « A joŋ ɲakilitiŋ wɔ̀ kulumaan ji-i a ŋununtiŋ ki tɛ, ŋununtiŋ ki a ninki sɔɔ awɔ kaniŋ sun bi ki bataa ŋununu, nwɔma ntiŋ i nufinŋ ki wɔri joŋ pyɛ kiri tɛ a wɔri waaci ki ru.

Luki 16:11

Ka juniɲa ka ru nafulu wɔ̀ i koŋ fɔni-na, a koŋ bili ábɛɛ ra niŋ bi ru kì, nkɛnŋ a jɛɛn ntiŋ i bili ábɛɛ ra, ntiŋ i nafulu sɔbɛ bi ye ábɛɛ gbɛsun?

Yuhana 21:17

Yesu i ntiŋ nanɔri kaan byantɔnŋ tan tu : « Yuhana danshuru Simɔŋ, míŋ bidi-i miŋ tɛ wa? » Yesu Pyɛɛri ranɔri wɔ̀ tan wuru-i, fɔ ŋì i ta so kaan byaŋ sun, niŋ i Pyɛɛri yɛli a ciiru, niŋ tu : « Ŋuntiŋ ki, ábɛɛ i finŋ bataa tɔ-a, ábɛɛ i ǹʼtɔ-a tu ábɛɛ bidi míŋ tɛ. » Yesu tu ntiŋ tɛ : « Nufinŋ wɔri ńʼwɔ saa kiri tɛ. »

Ɔrɔmutɔnŋ kiri 8:27

Kirinŋ wɔ̀ ki i konanmini ciiru ki tɔ-a, ninki i Ɲiniwɔlinŋ ki dintɛ bi ki tɔ-a, sabu Ɲiniwɔlinŋ ki i nafɛ ki tan-a Kirinŋ wɔ wɔlinŋ kiri tɛ, ŋì i kɛɲɛ Kirinŋ dintɛ bi ki wu.

Korɛntitɔnŋ kiri (1) 7:25

Ábɛɛ wɔ̀ri cɛn-i sun kì, niŋ fa ábɛɛ wɔ̀ri cɛn tan-i sun kì, Ŋuntiŋ ki wɔ wulu míŋ gbɛ ŋí i ǹʼbi ábɛɛ tɛ kì, nka míŋ a ńʼciiru ɲakili bi ábɛɛ tɛ, sabu Ŋuntiŋ ki wɔ shɔɔrinŋ ki baraka ra, ábɛɛ gbɛ faa míŋ nu.

Korɛntitɔnŋ kiri (1) 9:17

A ǹʼji wuru tu míŋ baara ka ɲaannashi-ri ńʼdintɛ bi ra, míŋ wuru-ra sali ceeli-li ǹʼnu. Nka baara ki biye-i míŋ gbɛsun, ǹʼma ki i faan a.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 4:2

Konaŋ kiri i arì ɲaankwunbi wɔ̀ri fa arɔɔ bi kulinŋ wɔ̀ri radu-a, yibɛɛ nini bishi ri ma-a kì. Yibɛɛ koŋ sunnɛɛn kì. Yi dumiŋ Kirinŋ wɔ wulu ki rapwulu-la kì. Nka yibɛɛ i sɛli ki fɔɔ bi-a Kirinŋ ɲaanfɛ, nwɔma koŋ bataa i ǹʼtɔ tu yibɔɔ wulu ki sɛli i.

Korɛntitɔnŋ kiri (2) 5:11

Yibɛɛ i kɛni-na Ŋuntiŋ ki jɛŋ, niŋ ki ra, yibɛɛ konaŋ ki racin-ni ɲaan ki fɔn tɛ, nwɔma kí i ji Kirinŋ wɔ wulu ki tɛ. Kirinŋ i yibɛɛ ɲaan ki bataa tɔ-a, míŋ fani ɲakilila tu ábɛɛ yɛrima kiri yibɛɛ tɔ-a á ciiru nmaŋ, mìŋ ɲaan ki tɛ sɛbɛ.

Korɛntitɔnŋ kiri (2) 5:16

Niŋ ki ra, yibɛɛ koŋ tɔri tenŋ shɛɛli-la konanmini wɔ shɛɛlika ɲaan tɛ kili kì. Niŋ kɔri ki i tu, yibɛɛ konanmini kɔɔsun ki shɛɛli-la kili kì duu ntiŋ ciiru ki. Hali yibɛɛ ji wuru Kirisa bi ki shɛɛli-la kɔɔsun bi kiri ra fɔlɔ, dɔnsaŋ yibɛɛ ǹʼshɛɛli-la ninkunŋ kili kì.

Galasitɔnŋ kiri 1:10

Niŋ na, míŋ i ǹʼtɛ ŋí i ńʼyɛri bidi konaŋ ni tɛ daa Kirinŋ tɛ? Walima míŋ ǹʼtɛ ŋí i konaŋ ni dintɛ bi ma daa Kirinŋ dintɛ bi? Á míŋ ji wuru konaŋ ni dintɛ bi ma-a, míŋ wuru-ra ji faa Kirisa tɛ baara matɔnŋ i kili kì.

Galasitɔnŋ kiri 2:7

Kí yɛrima kiri ǹʼja-i tu Kirinŋ míŋ cin awɔ Wulujii ki sunjo shiya tɔri kiri tɛ, miŋ tu ŋì Pyɛɛri cin-i Yawutu kiri tɛ ɲaan wɔ̀ tɛ.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Efɛsitɔnŋ kiri 6:6

Á fa baara ki ma kí ɲaanna, miŋ tu ábɛɛ ǹʼtɛ, á i á yɛri bidi bantenŋ tan kí tɛ kì, nka á baara ki ma á ciiru ki bataa wu, nwɔ̀ di-i Kirinŋ tɛ, miŋ tu Kirisa wɔ joŋ ni i.

Kɔlɔsitɔnŋ kiri 3:22

Ábɛɛ joŋ kiri, á á pwɔkulinŋ ka sun ŋununtiŋ kiri wulu pa bi bataa ra. Niŋ fa ji kí ɲaanna bi bantenŋ, nwɔma tu á bi i di kí tɛ kì, nka á niŋ ma á ciiru fɔɔmaan wu, Ŋuntiŋ ki yɛri ki jɛŋ kɛmi bira.

Timote (1) 6:20

Timote, Kirinŋ bi wɔ̀ biye-i miŋ gbɛsun, niŋ paka shɔ nʼgbɛ fuuli la, ŋi i nʼyɛri cɔye konaŋ kiri wɔ wulu ŋuŋ bali kiri ra, nwɔ̀ri fa bilinabi saa ki fu-a kì. Ŋi i nʼyɛri cɔye kɔ́ɔ́ sɔsɔɔlinŋ gbansanŋ kiri ra sɛbɛ, kí i nini wɔ̀ri ji-a bitɔbi i.

Timote (2) 1:14

Finŋ shɔɔrinŋ wɔ̀ biye-i miŋ gbɛsun, niŋ paka shɔ Ɲiniwɔlinŋ ki wɔ sotinbi ki baraka ra, ninwɔ̀ sɔɔ yibɛɛ ciiru.

Timote (2) 2:2

Miŋ wulu wɔ̀ri sunjorama rama-i míŋ tɔnŋ na shɛɛri mwɔɔnna ɲaanna, nini biye bilinakpeeri gbɛsun, nwɔ̀ri ra so koŋ tɔri ri kini-i yìrì ra sɛbɛ.

Tite 1:3

Ǹʼɲaanna waaci ki na-i so, ŋì i awɔ wulu ki ji konaŋ kiri wu awɔ Wulujii ki sunjomaanna ki wu, ŋì ninwɔ̀ biye-i míŋ gbɛsun, ŋì i kɛɲɛ yibɛɛ mwutɔnŋ Kirinŋ yɛrima ki wɔ cinŋ bimaan ki wu.

Iburu kiri 4:13

Kirinŋ wɔ finŋ pomaan ki tɔri tenŋ nadumaan a ǹʼsun kì. Finŋ bataa i taanna ǹʼɲaanna, yi bataa i ji-a ta yi mabi kiri ɲaanbi mìnki tɛ.

Pyɛɛri (1) 4:11

A konwɔtiŋ ji wulubitɔnŋ i, niŋ wulu ki bi ŋì i kɛɲɛ Kirinŋ wɔ wulu ki wu. Nwɔ̀tiŋ ji baara ma-a koŋ tɔri tɛ, ntiŋ niŋ ma ŋì i kɛɲɛ Kirinŋ wɔ faan wɔrimaan ki wu a tɛ, nwɔma gbɛbi i bili Kirinŋ sun, Yesu Kirisa baraka ra bi bataa ra. Nɔɔri fa sotinbi i mìnki wɔ waaci bataa ru. Amiina!

Jafinŋ ki 2:23

Míŋ a nmari wɔ kalindaŋ kiri kilɛn sɛbɛ, a niŋ ma, bilinatɔnŋ kwuru kiri bataa ra na ǹʼtɔ, tu mínki konaŋ kiri ɲakilila bi kiri, fa kí ciiru bi kiri tɔtɔnŋ ki i. Míŋ a na ábɛɛ bataa tenŋ tenŋ sali, ŋì i kɛɲɛ á mabi kiri wu.