Tesalonikitɔnŋ kiri (1) 2:3 - Jɔ Biibili ki

³ Yibɛɛ yɔɔ Kirinŋ wɔ wulu ki bi, nwɔma yi konaŋ ni fɔni kì, yi dumiŋ ǹʼbi ɲakilila jɛ walima wulu fuuli wu kì.

Tesalonikitɔnŋ kiri (1) 2:3 ပူးပေါင်းရင်းမြစ်များ

Mabikiri 13:15

Sariya kiri fa Kirinŋ wɔ cintɔnŋ kiri wɔ wulu kiri sɛbɛ ki kali kɔmaan ki kɔɔtɛ, kalinfu ki ŋununtiŋ kiri tu Pooli fa Barinabasi tɛ, tu wulu ji kí gbɛ, kí i ji-a konaŋ ki racin nwɔ̀ wu, tu wulu ki wɔri kí tɛ.

Mabikiri 4:36

Kí ru, koŋ bɛɛ tɔ wuru tu Yusufu. Lewi nupo wuru-i nwɔ̀ wuru po-a Sipirɛ. Cindaŋ kiri ninki tɔ ki ye wuru tu Barinabasi, niŋ kɔri ki i tu koŋ cunaditɔnŋ i.

Korɛntitɔnŋ kiri (2) 11:13

Cindaŋ purubitɔnŋ ni yɛ, baara matɔnŋ kɛrimaan ni yɛ, kí i konaŋ ki fɔni-ni, kí i arì yɛri ji-a miŋ tu Kirisa wɔ cindaŋ ni i.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 4:2

Konaŋ kiri i arì ɲaankwunbi wɔ̀ri fa arɔɔ bi kulinŋ wɔ̀ri radu-a, yibɛɛ nini bishi ri ma-a kì. Yibɛɛ koŋ sunnɛɛn kì. Yi dumiŋ Kirinŋ wɔ wulu ki rapwulu-la kì. Nka yibɛɛ i sɛli ki fɔɔ bi-a Kirinŋ ɲaanfɛ, nwɔma koŋ bataa i ǹʼtɔ tu yibɔɔ wulu ki sɛli i.

Korɛntitɔnŋ kiri (2) 4:5

Yibɛɛ yi yɛri sunjo-a kì, yibɛɛ i Ŋuntiŋ Yesu Kirisa wulu ki sunjo-a. Nwɔ̀ i yibɛɛ, yibɛɛ yɛrima kiri i ábɛɛ tɛ baara matiiri i Yesu bira.

Korɛntitɔnŋ kiri (2) 6:8

Konaŋ kiri bɛɛ ri i yibɛɛ gbɛ-a, ǹʼtɔri ri i yi rufyɛ-ri. Ǹʼbɛɛ ri i yi tɔ jɛ bi-a, ǹʼtɔri i yi tɔ shɔɔrinŋ bi-ri sɛbɛ, niŋ tɔri ǹʼtɔri san-a yibɛɛ ra kì. Ǹʼbɛɛ ri tu yibɛɛ konaŋ ni sunnɛɛn-na, nka yibɛɛ dumiŋ i ji sɛli ki sun.

Korɛntitɔnŋ kiri (2) 7:2

Á á ɲaanfɛjii po yi tɛ. Yibɛɛ bi kulinŋ ma koŋ tɔri tenŋ wu kì, yi koŋ tɔri tenŋ bo fɔni saa fan kì, yi dumiŋ koŋ tɔri wɔ finŋ daali mwu san ntiŋ wu kì.

Tesalonikitɔnŋ kiri (1) 2:11

Yibɛɛ ábɛɛ bataa tenŋ tenŋ pa-i, miŋ tu tiŋ i a daŋ pa-a ɲaan wɔ̀ tɛ.

Tesalonikitɔnŋ kiri (1) 4:7

Sabu, Kirinŋ yibɛɛ dɔri tu yi ji koŋ nɔɔmaan ni i kì, nka ŋì yibɛɛ dɔri-i, tu yi ji wɔlinŋ ni i.

Tesalonikitɔnŋ kiri (2) 2:11

Ninki a ncin Kirinŋ niŋ koŋ fɔni sotinbi ki bo na kí sun, nwɔma kí i bili puru ki ra.

Pyɛɛri (2) 1:16

Ŋì fa ji ábɛɛ cirasun, tu yibɛɛ tɛlinŋ ni namɔni bi ábɛɛ tɛ, yi i á kali yi Ŋuntiŋ Yesu Kirisa wɔ sotinbi ki fa ntiŋ pwulu na bi ki sun kì, yibɛɛ yɛrima kiri ɲaniŋ tu-i ntiŋ fa awɔ gbɛbi ki ra.