Tesalonikitɔnŋ kiri (1) 2:2 - Jɔ Biibili ki

² Ábɛɛ ǹʼtɔ-i tu kí yibɛɛ ki, niŋ fa kí i yi paka jɛ tan Filipi kili ki ru, nka niŋ fa a fɔn na, yibɛɛ yi gbɛ bili-i yɔɔ Kirinŋ ki sun, yi i ta Wulujii ki bi ábɛɛ tɛ kari mwɔɔnna faninmwuŋ.

Tesalonikitɔnŋ kiri (1) 2:2 ပူးပေါင်းရင်းမြစ်များ

Mabikiri 14:3

Niŋ fa a fɔn na, Pooli fa Barinabasi i tu Ikoniyɔmu nmaŋ, kí i waaci ŋmani ma. Kí wuru Ŋuntiŋ ki wɔ shɔɔrinŋ ki wulu bi-a konaŋ ki tɛ, kí wuru kɛni-na koŋ jɛŋ kì. Ŋuntiŋ ki sotinbi wɔri wuru kí tɛ, kí i kabakobi ri fa taanmashɛ ri ma-ni, nwɔ̀ri wuru kɔ́ɔ́ wulu ki ji-a sɛli i.

Mabikiri 14:5

Yawutu kiri fa shiya tɔri kiri fa arì ŋununtiŋ kiri i bi jɛ mamaŋ ceeli-li Pooli fa Barinabasi wu. Kí wuru ǹʼtɛ arì i kí jɛri kwɔ ra, arì i kí kilɛn.

Mabikiri 16:12

Yibɛɛ po-i niŋ mani nu, yi i ta Filipi, niŋ i Maseduwanɛ sɔɔta ki ru kili sinaŋ ki bɛɛ ɛ. Niŋ mani ki i Ɔrɔmu faantiŋ ki wɔ sɔɔta ki ru. Yi i sunŋ dama ma niŋ kili ki ra.

Mabikiri 16:19

Jonmari ki ŋununtiŋ kiri ǹʼja-i waarinŋ wɔ̀ ru tu arìbɔɔ wari kila saa ki rala, kí i Pooli fa Silasi pa cɛɛn ta kili ki ru kitikwurutɔnŋ kiri tɛ.

Mabikiri 16:37

Nka Pooli tu niŋ koŋ kiri tɛ : « Ɔrɔmu danjibi sɛbɛ i yibɛɛ wɔ̀ri gbɛ, kí yibɛɛ bwɔ-i konaŋ ki bataa ɲaanna, fɔ kí i yi bo nkasu ru kitikwurubali. Dɔɔ, kí i ji ǹʼtɛ arì i yibɛɛ pani du ru wa? Aayi, niŋ a so ma-i kì dɛ! Tu kí yɛrima kiri na yi po. »

Mabikiri 17:1

Pooli fa Silasi fwuude-i Anfipolisi fa Apoloni kili kiri ra, kí i ta so Tesaloniki kili ki ru. Yawutu kiri wɔ kalinfu ki bɛɛ wuru niŋ kili ki ra.

Mabikiri 17:17

Niŋ na, a ntiŋ de-ri kalinfu ki ru, ntiŋ wuru wulubi-a Yawutu kiri fa shiya tɔri ru Kirinŋ jɛŋ kɛnitɔnŋ kiri tɛ niŋ bi ki sun, niŋ fa jibi woo jibi, a ntiŋ ta-ri maŋ ŋununfumaŋ ki ru, a ntiŋ koŋ woo koŋ kila-ri niŋ mani nu, ntiŋ wuru bari ki ma-a nintiŋ tɛ, mìŋ bi tenŋ ki bi sun.

Mabikiri 19:8

Pooli i ɲɛ byaŋ ma niŋ kili ki ra, ntiŋ i ta-ri Kirinŋ wɔ Masabi ki sunjo-ri konaŋ ki tɛ kalinfu ki ru, ŋununfurubi niŋ fa ŋununsɔɔbi wu, nwɔma kí i ji ǹʼtɛ.

Mabikiri 4:13

Kitikwurutoŋ ki Pyɛɛri fa Yuhana ja-i wulu ki bi-a ŋununfurubi fa ɲakili sɔɔbi wu, niŋ i bo kí tɔnŋ sun, sabu kí ǹʼja wuru tu koŋ kalimaan ni wuru-i kì. Kí tu-i niŋ ɲaan ki tɛ fɔ kí ɲakili i na bo ǹʼtɛ tu kí fa Yesu wuru arìmaŋ fan.

Mabikiri 4:20

Nwɔ̀ i yibɛɛ, yibɛɛ nwɔ̀ ja-i, yi i nwɔ̀ rama, yibɛɛ ra so tu-i niŋ bibali kì. »

Mabikiri 4:31

Kí Kirinŋ nafɛ kɔ-i waarinŋ wɔ̀ ru, kí rakɔli wuru mani wɔ̀ ru, niŋ i sɛrɛsɛri. Kí bataa i faa Ɲiniwɔlinŋ ki ra, kí i Kirinŋ wɔ wulu ki bi-ri tɔnnafurubi wu.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Ɔrɔmutɔnŋ kiri 1:1

Míŋ Pooli wɔ̀ i Yesu Kirisa tɛ baara matɔnŋ i, Kirinŋ i ji míŋ dɔri ji cindaŋ i, tu ŋí awɔ Wulujii ki sunjo, mínki i ka sɛbɛ ka wɔri ta-a ábɛɛ tɛ.

Korɛntitɔnŋ kiri (2) 3:12

Yibɛɛ gbɛbilimaŋ ki i niŋ bi kiri, niŋ ki ra, yibɛɛ ɲakili sɔɔmaan yɛ waarinŋ bataa ru.

Kɔlɔsitɔnŋ kiri 2:1

Míŋ i kari wɔ̀ tan-a, míŋ i ǹʼtan-a ábɛɛ fa Lawodisetɔnŋ kiri fa konaŋ kiri bataa bira, nwɔ̀ri ɲaniŋ tu míŋ na sun kì. Míŋ i ǹʼtɛ ábɛɛ i niŋ kari ki juuka ki tɔ.

Tesalonikitɔnŋ kiri (1) 1:5

Yibɛɛ Kirinŋ wɔ Wulujii wɔ̀ bi-i ábɛɛ tɛ, niŋ ji tɔnŋ na wulu bantenŋ i kì, Ɲiniwɔlinŋ ki wɔ sotinbi ki wuru ǹʼnu, ninwɔ̀ wuru ǹʼji-a tu sii ǹʼna ǹʼnu kì. Yibɛɛ tiri-i ábɛɛ kanfɛ ɲaan wɔ̀ tɛ, nwɔma ábɔɔ i shɔ, ábɛɛ yɛrima kiri niŋ ja-i.

Timote (2) 1:12

Niŋ ki ra, hali míŋ ji ka cɔɔri ka bataa kila-a, niŋ ɲaankwunŋ míŋ pa-a kì, sabu míŋ ńʼgbɛ bili-i konwɔtiŋ sun, míŋ ntiŋ tɔ-i, ŋí i ji bili ǹʼna, ńʼtu ntiŋ cinŋ wɔ̀ biye míŋ gbɛsun, ńʼtu so ntiŋ gbɛ, ntiŋ i niŋ gbɛrinpa, fɔ ŋì i ta so kiti ki kwuru shikaŋ ki sun.

Yodasi 1:3

Ńʼwɔ wɔshuru byii ri, míŋ tɔnnabi wuru-i, ŋí i sɛbɛ wɔri ta ábɛɛ tɛ, míŋ fa ábɛɛ mwu bi ki bi sun. Míŋ ǹʼja-i tu míŋ kakan, ŋí i ǹʼsɛbɛ wɔri ta ábɛɛ tɛ dɔnsaŋ, ŋí i á racin, tu á á cɛrukɔli nwɔma á i bilinabi ki ŋununu kari tan. Kirinŋ ninwɔ̀ wɔri-i kaan tenŋ, awɔ konanbi wɔlinŋ ki tɛ, niŋ bishi tɔri ra ma kili kì.