Tesalonikitɔnŋ kiri (1) 2:16 - Jɔ Biibili ki

¹⁶ Kí i ǹʼtɛ arì i yibɛɛ suu Kirinŋ wɔ mwubi ki wulu ki sunjo ki sun shiya tɔri kiri tɛ. Niŋ ɲaan ki tɛ, kí i ǹʼbɛɛ bo ta-ri arɔɔ bijɛ kiri sun waarinŋ bataa ru. Nka, Kirinŋ wɔ tɔnkwulu ki rakɔɔra a fɛɛn kí sun.

Tesalonikitɔnŋ kiri (1) 2:16 ပူးပေါင်းရင်းမြစ်များ

Matiyu 12:45

A niŋ ma, ŋì i ta-a ɲinijɛ jɔnpɔni tɔri ri dɔri bo a sun, nwɔ̀ri juu ǹʼyɛri ki wu. Yìrì i na-a de nintiŋ nu, yìrì i sɔɔ nmaŋ. Niŋ ɲaan ki tɛ, nintiŋ wɔ bi ɲaan kiri i kɛɛ-ra, ŋì i fwuu arì jɔnɔ ki sun. Jiintɔnŋ juumaan kiri wɔ ki a na ji mìŋ ɲaan tenŋ ki tɛ. »

Matiyu 23:32

Niŋ na, ábɛɛ tiŋ cɛɛnni kiri bi wɔ̀ cɛtu-i, á niŋ nakɔ sa!

Matiyu 24:14

Ka Wulujii ka a na sunjo kirinpɔlila Masabi ki bi sun juniɲa mani ki bataa ru, nwɔma konaŋ ki bataa i ǹʼnama. Niŋ kɔɔtɛ, juniɲa ki a kila ŋì i kɔ. »

Matiyu 24:6

Ábɛɛ ra na kari tan shinwulu kiri fa kari wulu kiri rama-ni. Á fa na á ɲakili ki ɲaanmi kì, sabu niŋ bi kiri kakan-i yìrì i ma, nka niŋ a na ji juniɲa ki kɔ ki i sun kì.

Matiyu 3:12

Ntiŋ wɔ finŋ numyɛɛn kɛrinŋ ki i ntiŋ gbɛɛra, ntiŋ a na bilanaŋ ki fa ǹʼkɛnŋ ki po san arìmaŋ nu awɔ kiniŋ ki ra. Ntiŋ a na bilanaŋ ki bo awɔ cinŋ ki ru, ntiŋ i ǹʼkɛnŋ ki bo tuu ru, tuu wɔ̀ byi-a kì. »

Maraka 16:16

A konwɔtiŋ bili ǹʼna, ntiŋ i wu, nintiŋ a a mwu, nka koŋ woo koŋ bili ǹʼna kì, nintiŋ a a mwu kì.

Mabikiri 13:45

Yawutu kiri niŋ konaŋ kiri ja-i waarinŋ wɔ̀ ru, tɛnbi i de kí ru, kí i Pooli sɔsɔ-ri, kí i ntiŋ nufyɛ-ri.

Mabikiri 13:50

Mari tɔtiŋ wɔ̀ri fa shuru tɔtiŋ wɔ̀ri de wuru Yawutu kiri wɔ dinɛ ki ru, Yawutu kiri i ta nini nuye, kí i Pooli fa Barinabasi cɔɔri, kí i kí kalikali po san arɔɔ sɔɔta ki ru.

Mabikiri 14:19

Kí tu-i niŋ na, Yawutu kiri bɛɛ ri i yiri Antiyɔsi fa Ikoniyɔmu. Nini i na kili ki ru tɔnŋ kiri sunnɛɛn kila, fɔ kí i kí po bo Pooli jɛri sun kwɔ ra, fɔ ntiŋ i fɛɛn. Niŋ kɔɔtɛ, kí i ntiŋ cɛɛn po ta kili ki kɔɔtɛ, kí wuru ǹʼbi-a tu ntiŋ beeni kɔ.

Mabikiri 14:2

Nka, Yawutu wɔ̀ri bilinabi ki ma-ni kì, nini i ta bilinatɔnŋ kiri tɔ jɛ bi-ri shiya tɔri kiri ru koŋ tɔri ri tɛ, kí i kí ruye bo bilinatɔnŋ kiri sun.

Mabikiri 14:5

Yawutu kiri fa shiya tɔri kiri fa arì ŋununtiŋ kiri i bi jɛ mamaŋ ceeli-li Pooli fa Barinabasi wu. Kí wuru ǹʼtɛ arì i kí jɛri kwɔ ra, arì i kí kilɛn.

Mabikiri 17:13

Tesaloniki Yawutu kiri i ǹʼnama tu Pooli Kirinŋ wɔ wulu ki sunjo-a Bere kili ki ru sɛbɛ. Kí i na Beretɔnŋ kiri ruye bo Pooli fa Silasi sun sɛbɛ.

Mabikiri 19:9

Nka koŋ mwɔɔnna wuru nmaŋ, nwɔ̀ri wuru ǹʼtɛ arì i bili Yesu bi ki ra kì. Niŋ koŋ kiri wuru Ŋuntiŋ ki wɔ saa kiri fyiisan-a konaŋ ki ru. Niŋ ɲaan ki tɛ, Pooli i kí tu nmaŋ, ntiŋ i tiri bilinatɔnŋ kiri wu arì cinancinŋ, ntiŋ i ta kí kali-li jibi woo jibi Tiranusi wɔ koŋ kalimaŋ ki ru.

Mabikiri 21:21

Ǹʼna-i bi kí tɛ kwumaŋ, tu Yawutu wɔ̀ri sɔɔ shiya tɔri kiri kanfɛ, tu miŋ ǹʼbi nini tɛ tu, kí fa Musa wɔ sariya kiri rasɔɔ kili kì, tu kí fa arì daŋ kiri sɔɔpeefɛ kì, tu kí fa Yawutu kiri wɔ ladaŋ kiri rasɔɔ kì.

Mabikiri 23:12

Niŋ sisarifuluntɔnŋ ki siira ki ru, Yawutu kiri bɛɛ ri i lude, kí i arì kɔni fɔ kí i arì yɛri danka tu arìbɛɛ ra nufinŋ walima ju mwunu Pooli kilɛnbali kì.

Mabikiri 24:9

Yawutu wɔ̀ri wuru nmaŋ, nini bataa i tu Tɛritulusi cɛru, tu niŋ nwɔ̀ bi, tu sɛli i.

Mabikiri 25:2

Niŋ mani nu, Kirinŋ tɛ sarakawɔrɔtɔnŋ kiri bɛɛ ri fa Yawutu kiri wɔ koŋ sinaŋ kiri bɛɛ ri i ta arì fa Pooli faninmwuŋ wulu ki ɲaanbi ntiŋ tɛ.

Mabikiri 25:7

Kí na-i Pooli wu waarinŋ wɔ̀ ru, Yawutu wɔ̀ri po wuru Yerusalɛmu, nini i tu, kí i ntiŋ nakwunu, kí i puru sinaŋ sinaŋ mwɔɔnna ye ntiŋ wu, nka kí so ǹʼtɔri tenŋ sɛli maŋ ji-i kì.

Mabikiri 4:12

Pyɛɛri tu sɛbɛ : « Koŋ tɔri so-a koŋ mwu-i Yesu kɔɔtɛ kì. Sɛli ki ra, juniɲa bataa ciiru, Kirinŋ koŋ tɔri tenŋ po nwɔ̀ a so koŋ mwu-i Yesu ciniŋ kì. »

Mabikiri 9:23

Waaci bɛɛ na-i so, Yawutu kiri i fu ǹʼsun tu arì Sɔɔli kilɛnka ɲaan ceeli.

Korɛntitɔnŋ kiri (1) 10:33

Míŋ yɛri ki i ǹʼma-a mìŋ ɲaan ki tɛ, ŋí i koŋ bataa dintɛ bi ki ma-ni, ŋí a ńʼtenŋ wɔ nafan ki ceeli-li kì, nka míŋ i koŋ mwɔɔnna nafan ki ceeli-la, nwɔma kí i so arì mwu-i.

Galasitɔnŋ kiri 5:11

Ńʼtindaŋ ni, a míŋ ji wuru sɔɔpeefɛmaanna ki wulu ki sunjo-a, ŋí i ǹʼbi-ri tu ninki kakan ŋì i ma, koŋ wuru-ra ji míŋ cɔɔri-ra jiŋ kì. Niŋ fa Kirisa kpinkpisuu ki bi ki wuru-ra ji kwulu-la koŋ na kili kì.

Efɛsitɔnŋ kiri 3:13

Niŋ ki ra, ńʼtindaŋ ni, cɔɔri wɔ̀ i míŋ kila-a ábɛɛ bira, niŋ fa á firi kilɛn kì, ninki i ábɛɛ ŋununfɛshi ŋuŋ ki i.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Tesalonikitɔnŋ kiri (1) 1:10

Niŋ fa tu ábɛɛ Kirinŋ Danshuru Yesu na ki sunsuu-ra, ŋì i po kirinpɔli ki ra, Kirinŋ ninwɔ̀ ŋmɛni po san-i konkwuu kiri kanfɛ, ŋì i yibɛɛ mwu-ni Kirinŋ wɔ tɔnkwulu naanna ki wu.

Tesalonikitɔnŋ kiri (2) 2:10

Ŋì i a na bi kulinŋ kwuru ki bataa ma, nwɔma nwɔ̀ri wuru fɔni saa ki sun, a i nini fɔni. Niŋ konaŋ kiri ra na haliki, sabu sɛli wɔ̀ wuru-ra kí mwu, kí ji niŋ tɛ kì, kí ǹʼbidi arì tɛ kì.

Timote (1) 2:4

Mìŋ i ǹʼtɛ tu konaŋ ki bataa i a mwu, kí i so sɛli ki tɔ-i.

Iburu kiri 6:8

Nka a finŋ tɔri ji shɔ-a niŋ pwɔkulinŋ ki sun cii fa ɲiŋ jɛ ri kɔɔtɛ kì, shɔ kulu ji-a niŋ pwɔkulinŋ ki ra kì, ǹʼfa danka ki ta nari kì. Kí rakɔɔra a tuu bo ǹʼnu.

Jafinŋ ki 22:11

Konwɔtiŋ teli kì, nintiŋ tu niŋ telibalibi ki wu. Konwɔtiŋ i a yɛri nɔɔ-ra, nintiŋ a yɛri nɔɔ-ri. Nka, konwɔtiŋ teli-i, nintiŋ tu telibi saa ki sun. Nwɔ̀tiŋ i wɔlinŋ i, nintiŋ ǹʼbɛɛ bo awɔ wɔlɔnbi ki sun. »