Tesalonikitɔnŋ kiri (1) 2:12 - Jɔ Biibili ki

¹² Yibɛɛ ábɛɛ racin-i, yi i á siratu, yi i ǹʼbi furu á tɛ, tu á tiri kɛɲɛ Kirinŋ dintɛ bi ki wu. Mìnki ábɛɛ dɔri-i, nwɔma á i de awɔ̀ masabi ki ru, niŋ fa a nɔɔri ki ru.

Tesalonikitɔnŋ kiri (1) 2:12 ပူးပေါင်းရင်းမြစ်များ

Ɔrɔmutɔnŋ kiri 8:28

Yibɛɛ ǹʼtɔ-i tu Kirinŋ i bi kiri bataa rapwulu-la, nwɔma a bidintɛtɔnŋ kiri maku i shɔ, ŋì nini wɔ̀ri dɔri-i, ŋì i kɛɲɛ a yɛrima ki wɔ bi gbɛbilimaan ki wu.

Ɔrɔmutɔnŋ kiri 8:30

Kirinŋ nwɔ̀ri ɲaannashi-i kabi juniɲa cɛtu ki jɛŋ, ŋì nini dɔri-i sɛbɛ, ŋì i nwɔ̀ri dɔri-i, ŋì nini ji-i koŋ telimaan ni i sɛbɛ, ŋì nwɔ̀ri ji-i koŋ telimaan ni i, ŋì a nɔɔri ki wɔri-i nini tɛ sɛbɛ.

Korɛntitɔnŋ kiri (1) 1:9

Kirinŋ i dariwulutiŋ i, ŋì ábɛɛ dɔri-i, ŋì i á fa a Danshuru, yi Ŋuntiŋ Yesu Kirisa ji bimashi ri i.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Galasitɔnŋ kiri 5:16

Míŋ a nwɔ̀ bi ábɛɛ tɛ, niŋ i kaa : á tiri, á i kɛɲɛ Ɲiniwɔlinŋ ki dintɛ bi ki wu. A niŋ ma, ábɛɛ ra tiri kɛɲɛ firi ki dintɛ bi jɛ kiri wu kili kì.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 5:2

Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 2:6

Ábɛɛ ji-i Ŋuntiŋ Yesu Kirisa tɛ ɲaan wɔ̀ tɛ, á tiri kɛɲɛ niŋ wu.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 4:12

Niŋ ɲaan ki tɛ, koŋ wɔ̀ri bilinabi ki ma kì, nini a na ábɛɛ tirika ki gbɛ, ábɛɛ ra ji koŋ tɔri sun shii i kì.

Tesalonikitɔnŋ kiri (1) 5:24

Kirinŋ wɔ̀ ki ábɛɛ dɔri-i, niŋ i dariwulutiŋ i, ninki a niŋ bi kiri bataa po arì saa tɛ sɛbɛ.

Tesalonikitɔnŋ kiri (2) 1:10

A Ŋuntiŋ ki na niŋ shikaŋ, nwɔma awɔ konanbi ki fa a ra bilinatɔnŋ kiri i a gbɛ, ábɛɛ yɛrima kiri ra na ji nini bɛɛ ri i, sabu yibɛɛ wulu wɔ̀ sunjo-i ábɛɛ tɛ, ábɛɛ bili-i niŋ na.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (1) 3:9

Á fa bijɛ ki shɛsan bijɛ wu kì, á dumiŋ fa koŋ wɔ kiilinŋ pwulu ntiŋ sun kì, nka á ǹʼnupwulu juba wu, sabu ábɛɛ dɔri ŋuŋ ki i tu á juba ki kila kani i.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Pyɛɛri (2) 1:3

Finŋ wɔ̀ri ra ye yibɛɛ tɛ, yi i yɔɔ ɲaninkulutɔnbi ki ma Kirinŋ jɛŋ kɛmi ki wu, ǹʼwɔ sotinbi ki niŋ bataa wɔri-i yibɛɛ tɛ. Ŋì yibɛɛ dɔri-i a nɔɔri ki fa awɔ shɔɔrinŋ ki baraka ra, nwɔma yibɛɛ i a tɔka shɔ.

Yuhana (1) 2:6

A konwɔtiŋ ǹʼbi tu afinŋ fa Kirisa arìmaŋ fan, ntiŋ kakan-i ntiŋ i tiri kɛɲɛ Kirisa tirika ɲaan ki wu sɛbɛ.

Yuhana (3) 1:6

Kí na-i mɔɔn bidintɛbi ki shɔka ki rakali bilinatɔnŋ kwuru kiri tɛ kwumaŋ. Dɔnsaŋ, ǹʼbɛɛ bo niŋ sun, ŋi i ye kí tɛ, ŋì i kɛɲɛ Kirinŋ dintɛ bi ki wu, kí i so arɔɔ saa ki tiri-i.