Tesalonikitɔnŋ kiri (1) 2:11 - Jɔ Biibili ki

¹¹ Yibɛɛ ábɛɛ bataa tenŋ tenŋ pa-i, miŋ tu tiŋ i a daŋ pa-a ɲaan wɔ̀ tɛ.

Tesalonikitɔnŋ kiri (1) 2:11 ပူးပေါင်းရင်းမြစ်များ

Luki 16:28

sabu míŋ tindaŋ koŋ taanŋ i nmaŋ, wú i ta kí racin, nwɔma kí fa na ka ɲaniŋ ka ru sɛbɛ kì. ›

Mabikiri 20:2

Pooli fwuuderama ki niŋ mani kiri ru, ntiŋ i ta bilinatɔnŋ kiri siratu fan wulu li wu, fɔ ntiŋ i ta so Girɛki kɛniŋ ki ru.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Tesalonikitɔnŋ kiri (1) 2:7

Yibɛɛ wuru-ra so faan bo-i ábɛɛ sun, sabu tu yibɛɛ Kirisa wɔ cindaŋ ni, nka yibɛɛ niŋ ma kì. Yibɛɛ ábɛɛ pa-i sunjɛribi wu, miŋ tu daŋ ɲiŋ a ɲakili tu-a a daŋ ni na ɲaan wɔ̀ tɛ.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 4:6

Koŋ fa a kaashi bilinatɔnŋ daali niŋ bi bishi ki ru kì, sabu miŋ tu yibɛɛ dali-i yi i ǹʼbi furu ábɛɛ tɛ ɲaan wɔ̀ tɛ, Ŋuntiŋ ki a ǹʼtɔri kɔni salibali tu kì.

Tesalonikitɔnŋ kiri (1) 5:11

Niŋ ki ra, á ámaŋ cunadi, á i ǹʼbɛɛ bo ámaŋ baraka ki sun, miŋ tu ábɛɛ juu ǹʼma-a ámaŋ tɛ ɲaan wɔ̀ tɛ kɔ.

Tesalonikitɔnŋ kiri (1) 5:14

Yi tindaŋ ni, yibɛɛ i ǹʼceeli-la ábɛɛ gbɛ, tu koŋ wɔ̀ri tirika shɔ-a ŋì i kɛɲɛ Kirinŋ wɔ saa ki wu kì, tu á nini nacin, á i kí bo saa shɔɔrinŋ sun. Daŋ kɔ-i nwɔ̀ri sun, á i nini siratu, á i ye baraka bali kiri tɛ, á i á tɔnsunfili koŋ bataa tɛ.

Tesalonikitɔnŋ kiri (2) 2:5

Waarinŋ wɔ̀ ru míŋ wuru ábɛɛ fan, míŋ wuru mìŋ ka wulu bi-a ábɛɛ tɛ kì wa? Ábɛɛ ɲakililafɔni-i ǹʼtɛ wa?

Tesalonikitɔnŋ kiri (2) 3:12

Yibɛɛ ra nwɔ̀ bi furu nini tɛ, niŋ i kaa : « á ǹʼma Ŋuntiŋ Yesu Kirisa tɔ ki bira, á yɛri kiri i baara ma ɲaanfɛfili lu, á i á nu ku ki kila-ri. »

Timote (1) 5:21

Míŋ i ǹʼceeli-la miŋ gbɛ, ŋí i ǹʼfuru, Kirinŋ fa Yesu Kirisa fa Mɛlɛkɛn wɔlinŋ kiri ɲaniŋ i yibɛɛ ra, ńʼtu a cinŋ bimaan kari bataa po arì saa tɛ telibi wu, fa koŋ san koŋ nu kì.

Timote (1) 5:7

Miŋ kakan-i ŋi i kí ɲakilila bo niŋ bi kiri tɛ, nwɔma pɔlimaŋ fa kila kí tɔri ra kì.

Timote (1) 6:13

Kirinŋ wɔ̀ i ɲaninkulutɔnbi ki wɔri-ra finŋ bataa tɛ, niŋ fa Yesu Kirisa wɔ̀ sɛli ki bi-i Pɔnsi Pilati ɲaanna, nini ɲaniŋ i yibɛɛ ra,

Timote (1) 6:17

Ǹʼbi furu ka juniɲa ka ru nafulutiŋ kiri tɛ, tu kí fa arì yɛri ragbɛ kì. Tu kí fa arì gbɛ bili nafulu kɔ wɔ ki sun kì. Nka tu kí arì gbɛ bili Kirinŋ sun, ninwɔ̀ i finŋ bataa wɔri-ra yibɛɛ tɛ, ŋì i fwuu yi ɲakilila wɔ ki sun, nwɔma yi i ǹʼjiisan.

Timote (1) 6:2

A kí ŋununtiŋ kiri ji bilinatiiri i, kí fa ǹʼbi tu arìbɛɛ fa kí ji tindaŋ tenŋ ni i, kí i arì kaan kí gbɛ kì. Nka kí baara ki ma kí tɛ, ŋì i fwuu a jɔnɔ ki sun. Sabu tindaŋ kiri bɛɛ ri i tɔnɔ kila-a kɔ́ɔ́ baara ki ru. Miŋ kakan-i ŋi i konaŋ kiri kali-li ka bi kari ra, ŋi i ǹʼfɔɔ.

Tite 2:15

Miŋ kakan-i ŋi i konaŋ ki kali-li ka ɲaan ka tɛ, ŋi i kí racin, ŋi i kí siratu, ŋi i kí fɔnimaŋ kiri bi kí tɛ, ŋununtinbi wu, koŋ tɔri tenŋ fa miŋ nufyɛ kì.

Tite 2:6

Ɲɔrɔkɔ kiri racin, tu kí ji ɲakilitiŋ ni i, bi bataa ru sɛbɛ.

Tite 2:9

Ǹʼbi joŋ kiri tɛ, tu kí arì kulu arì ŋununtiŋ kiri tɛ bi bataa ra, kí i kí dintɛ bi ri ma-ni, kí fa kí sɔsɔ-ri kì.

Iburu kiri 13:22

Ńʼtindaŋ ni, míŋ i ábɛɛ rafɛ-a, ńʼtu míŋ cunadi wulu pyaanŋ wɔ̀ri bi-i ábɛɛ tɛ, ńʼtu á á tɔnsunfili, á i yìrì kwun á ru.

Yuhana (3) 1:4

A míŋ ǹʼnama tu míŋ daŋ kiri tiri kɛɲɛ-a Kirinŋ wɔ sɛli ki wu, niŋ i míŋ ciirudi-a, ŋì i fwuu finŋ bataa sun.