Tesalonikitɔnŋ kiri (1) 2:1 - Jɔ Biibili ki

¹ Ńʼtindaŋ ni, ábɛɛ yɛrima kiri ǹʼtɔ-i tu yibɛɛ tamaan ki ji ǹʼgbansanŋ i ábɛɛ tɛ kì.

Tesalonikitɔnŋ kiri (1) 2:1 ပူးပေါင်းရင်းမြစ်များ

Korɛntitɔnŋ kiri (1) 15:10

Míŋ i nwɔ̀ jiŋ, míŋ i niŋ i, Kirinŋ wɔ shɔɔrinŋ ki baraka ra. Kirinŋ shɔɔrinŋ wɔ̀ ma-i míŋ tɛ, niŋ ji bi tawɔ ɔ kì, sabu míŋ baara ma-i ŋí i fwuu cindaŋ pyɛ kiri bataa sun. Nka míŋ yɛrima ki niŋ ma ńʼyɛri ki faan wu kì dɛ! Kirinŋ shɔɔrinŋ wɔ̀ ki ma-i míŋ tɛ, niŋ faan ki ǹʼma-i.

Korɛntitɔnŋ kiri (1) 15:2

Ábɛɛ i á mwu-a ninki baraka ra, a ǹʼta fa ábɛɛ ǹʼpa miŋ tu míŋ ǹʼbi-i ábɛɛ tɛ ɲaan wɔ̀ tɛ. A niŋ ma kì, ábɔɔ bilinabi ki ra ji ǹʼgbansanŋ i.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 2:2

Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì.

Galasitɔnŋ kiri 4:11

Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Tesalonikitɔnŋ kiri (1) 3:5

Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Tesalonikitɔnŋ kiri (2) 1:10

A Ŋuntiŋ ki na niŋ shikaŋ, nwɔma awɔ konanbi ki fa a ra bilinatɔnŋ kiri i a gbɛ, ábɛɛ yɛrima kiri ra na ji nini bɛɛ ri i, sabu yibɛɛ wulu wɔ̀ sunjo-i ábɛɛ tɛ, ábɛɛ bili-i niŋ na.

Tesalonikitɔnŋ kiri (2) 3:1

Niŋ bataa kɔɔtɛ, ńʼtindaŋ ni, á Kirinŋ nafɛ-ri yibɛɛ yɛrima kiri tɛ, nwɔma Ŋuntiŋ ki wɔ wulu ki i so jeɲe ta-i jɛŋ, niŋ fa konaŋ kiri i ǹʼpa baraka ra, miŋ tu ǹʼma-i ábɛɛ kanfɛ ɲaan wɔ̀ tɛ.