Tesalonikitɔnŋ kiri (1) 1:5 - Jɔ Biibili ki

⁵ Yibɛɛ Kirinŋ wɔ Wulujii wɔ̀ bi-i ábɛɛ tɛ, niŋ ji tɔnŋ na wulu bantenŋ i kì, Ɲiniwɔlinŋ ki wɔ sotinbi ki wuru ǹʼnu, ninwɔ̀ wuru ǹʼji-a tu sii ǹʼna ǹʼnu kì. Yibɛɛ tiri-i ábɛɛ kanfɛ ɲaan wɔ̀ tɛ, nwɔma ábɔɔ i shɔ, ábɛɛ yɛrima kiri niŋ ja-i.

Tesalonikitɔnŋ kiri (1) 1:5 ပူးပေါင်းရင်းမြစ်များ

Maraka 16:20

Kalindaŋ kiri i ta Kirinŋ wɔ wulu ki sunjo mani kiri bataa ru. Ŋuntiŋ Yesu wuru ye-a kí tɛ niŋ baara ki ra. Ntiŋ i so wɔri kí tɛ, kí i so kabakobi ri ma-i arɔɔ Kirinŋ wulu ki sunjomaŋ ki ru, nwɔ̀ri i ǹʼji-a tu niŋ wulu ki sɛli i.]

Luki 1:1

Jɛntɔnŋ Tewofili, bi wɔ̀ri ma-i yibɛɛ tɛ kwumaŋ, míŋ i nini sɛbɛ wɔri ta-a miŋ tɛ. Koŋ mwɔɔnna niŋ bi kiri sɛbɛ-i kɔ. Nwɔ̀ri Yesu ja-i arì ɲaninaŋ na kabi bi kiri cɛtu waari ki ru, Kirinŋ wɔ wulu ki birama ki cinŋ ki i wɔri kí tɛ, nini bi kiri rakali-i yibɛɛ tɛ ɲaan wɔ̀ tɛ, yìrì sɛbɛtɔnŋ kiri yìrì sɛbɛ-i, ŋì i kɛɲɛ nini wɔ bimaan ki wu. Niŋ ki ra, míŋ yɛri ki nanɔri tan-i niŋ bi kiri sun, kabi yìrì cɛtu waari ki ru, ŋí i yìrì rufɔɔ, ŋí i ǹʼja tu míŋ yɛri ki yìrì sɛbɛ gban arìmaŋ na, ŋí i yìrì wɔri ta miŋ tɛ, ńʼtu niŋ a ji bi shɔɔrinŋ i,

Mabikiri 11:21

Ŋuntiŋ ki i ye kí tɛ awɔ sotinbi ki wu, ŋì i ncusun koŋ mwɔɔnna i bili a ra, kí i ji awɔ ri.

Mabikiri 16:14

Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra.

Mabikiri 2:33

Ntiŋ tunpa-i waarinŋ wɔ̀ ru, ntiŋ i ta sɔɔ Kirinŋ pantɛ, ntiŋ a tɔnŋ wɔri wuru yibɛɛ tɛ Ɲiniwɔlinŋ wɔ̀ bira, ntiŋ Tiŋ Kirinŋ ki niŋ wɔri-i ntiŋ tɛ, ntiŋ niŋ Ɲiniwɔlinŋ ki jɛri-i yibɛɛ sun. Ábɛɛ i ninki ja-a, niŋ fa á i ninki rama-ni kaa dɔnsaŋ.

Ɔrɔmutɔnŋ kiri 1:16

Míŋ ɲaankwun-a Wulujii ki wu kì, sabu Kirinŋ wɔ sotinbi ki yɛ. Nwɔ̀ri bili-i ǹʼna, ŋì i nini mwu-a niŋ sotinbi ki baraka ra, ŋì i tɔnpa Yawutu kiri sun, nini kɔɔtɛ, ŋì i so shiya pyɛ kiri sun.

Ɔrɔmutɔnŋ kiri 15:13

Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.

Ɔrɔmutɔnŋ kiri 2:16

Ŋì i kɛɲɛ mɔ́ɔ́n Wulujii sunjomaan ki wu ábɛɛ tɛ, niŋ bataa ra na ja jibi bɛɛ. Niŋ shikaŋ, Kirinŋ a na kiti ki kwuru Yesu Kirisa gbɛɛra, ŋì i ǹʼkɛɲɛ konaŋ kiri ciiru bi radumaan kiri wu.

Korɛntitɔnŋ kiri (1) 1:24

Nka Kirinŋ nwɔ̀ri dɔri-i, Yawutu bili shiya tɔri sun, yibɛɛ i Kirisa wulu wɔ̀ sunjo-a, niŋ i Kirinŋ wɔ sotinbi ki fa ǹʼwɔ bitɔbi ki ji-a.

Korɛntitɔnŋ kiri (1) 10:33

Míŋ yɛri ki i ǹʼma-a mìŋ ɲaan ki tɛ, ŋí i koŋ bataa dintɛ bi ki ma-ni, ŋí a ńʼtenŋ wɔ nafan ki ceeli-li kì, nka míŋ i koŋ mwɔɔnna nafan ki ceeli-la, nwɔma kí i so arì mwu-i.

Korɛntitɔnŋ kiri (1) 3:16

Ábɛɛ ǹʼtɔ tu ábɛɛ Kirinfusinaŋ ki i, niŋ fa tu Kirinŋ Ɲini ki sɔɔ ábɛɛ ciiru kì wa?

Korɛntitɔnŋ kiri (1) 3:6

Míŋ finŋ ki firi-i, Apolɔsi i ǹʼju ki bo, nka Kirinŋ i ǹʼfali.

Korɛntitɔnŋ kiri (1) 4:20

Sabu Kirinŋ wɔ Masabi ki tɔnŋ na wulu bantenŋ i kì, ǹʼkakan-i ǹʼwɔ sotinbi ki i ja tirika ɲaan ki ra.

Korɛntitɔnŋ kiri (1) 9:14

Mìŋ ɲaan ki tɛ, Ŋuntiŋ ki tu nwɔ̀ri Wulujii ki sunjo baara ki ra, tu nini arì tɔnnafɛ ǹʼnu.

Korɛntitɔnŋ kiri (2) 3:6

Sabu mìnki baraka wɔri-i yibɛɛ tɛ, yi i ji tɔnwɔri ŋunaŋ ki ru baara matiiri i, niŋ tɔnwɔri ki cɛ sɔɔ sariya sɛbɛmaan sun kì, nka ǹʼcɛ ki sɔɔ Ɲiniwɔlinŋ ki sun, sabu sariya sɛbɛmaan ki i na-a beŋ wu, nka Ɲiniwɔlinŋ ki i ɲaninkulutɔnbi ki wɔri-ra koŋ tɛ.

Galasitɔnŋ kiri 2:2

Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì.

Galasitɔnŋ kiri 5:5

Nwɔ̀ i yibɛɛ, yibɛɛ bili-i ǹʼna tu yibɛɛ ra ji koŋ telimaan ni i Kirinŋ ɲaanfɛ bilinabi ki baraka ra. Yibɛɛ i ninki sunsuu-ra Ɲiniwɔlinŋ ki wɔ sotinbi ki baraka ra.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 3:20

Yibɛɛ i finŋ woo finŋ nafɛ-a, walima yi ɲakili i ji finŋ woo finŋ bi sun, Kirinŋ i so-a niŋ bi kiri bataa ma-i yibɛɛ tɛ, fɔ ŋì i ǹʼfwuu niŋ bataa sun awɔ sotinbi ki baraka ra, niŋ sotinbi ki wɔ̀ i baara ki ma-a yibɛɛ ciiru.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Filipitɔnŋ kiri 4:9

Míŋ ábɛɛ kini-i bi wɔ̀ri ra, niŋ fa ábɛɛ mabi wɔ̀ri kila-i míŋ gbɛ, niŋ fa ábɛɛ bi wɔ̀ri rama-i míŋ tɔnŋ na, á i ńʼja nwɔ̀ri ma-a, á nini ma-ni. A ábɛɛ niŋ ma, Ɲaanfɛfilitiŋ Kirinŋ ki a ji ábɛɛ fan.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Tesalonikitɔnŋ kiri (2) 2:14

Yibɛɛ Wulujii wɔ̀ sunjo-i ábɛɛ tɛ, Kirinŋ ábɛɛ dɔri-i, nwɔma a i á mwu ninki baraka ra. Ŋì i ábɛɛ dɔri-i, nwɔma ábɛɛ yibɛɛ Ŋuntiŋ Yesu Kirisa nɔɔri ki kila.

Timote (2) 2:10

Niŋ ki ra, míŋ i bi bataa pa-ri ńʼna Kirinŋ wɔ koŋ ɲaannashimaan kiri bira, nwɔma nini yɛrima kiri i so arì mwu-i Yesu Kirisa baraka ra, niŋ fa kí i gbɛbi kɔbali ki kila.

Timote (2) 2:8

Nʼɲakili tu Yesu Kirisa ra, Dawuda nupo ki, nwɔ̀ ŋmɛni po san-i konkwuu kiri kanfɛ, miŋ tu míŋ i ǹʼsunjo-a ɲaan wɔ̀ tɛ, ŋì i kɛɲɛ Kirinŋ wɔ Wulujii ki wu.

Iburu kiri 10:22

Niŋ na, yi yi kpari Kirinŋ tɛ ciirufɔɔbi fa ɲakili sɔɔbi wu bilinabi ki baraka ra, bijɛ kwuru ki bataa po sanmaan wu yi tɔnŋ kiri ra, niŋ fa yi firi kiri wumaan ju shɔɔrinŋ na.

Iburu kiri 6:11

Nka yibɛɛ i ǹʼtɛ, tu ábɛɛ fɔn tenŋ tenŋ i á banba tu ka ɲaan ka tɛ, á i so fɔ ǹʼdaŋ ki ra, nwɔma ábɛɛ gbɛbilimaŋ ki i nwɔ̀, á i niŋ nafaamaan kila.

Pyɛɛri (1) 1:12

Kirinŋ ǹʼji wuru kí wu, tu afinŋ bi wɔ̀ri sunjorama ki biye kíbɛɛ gbɛsun, tu kíbɔɔ wuru-i kì, nka tu ábɔɔ wuru-i. Kirinŋ wɔ Wulujii ki sunjotɔnŋ kiri niŋ bi kiri bi-i ábɛɛ tɛ dɔnsaŋ, Ɲiniwɔlinŋ ki baraka ra, Kirinŋ ninwɔ̀ cin po-i kirinpɔli ki ra. Mɛlɛkɛn kiri fɔn i ǹʼtɛ, arì i niŋ bi kiri ɲaantɔ.

Pyɛɛri (1) 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa Tiŋ ki i. Kirinŋ yibɛɛ sunmakwulupa-i ǹʼmwɔɔnna, ŋì i yi ji koŋ ŋunaŋ ni i, ŋì i Yesu Kirisa ŋmɛni po san konkwuu kiri ru, ŋì i ɲaninkulutɔnbi ki wɔri yibɛɛ tɛ niŋ sababu ra, nwɔma yi i ɲaninkulutɔnbi gbɛbilimaŋ ki kila.

Pyɛɛri (1) 5:3

Kirinŋ koŋ wɔ̀ri biye-i ábɛɛ gbɛsun, á fa áwɔ faan bo nini sun kì, nka á ji ɲaanjitiiri i nini wu.

Pyɛɛri (2) 1:10

Niŋ ki ra, ńʼtindaŋ ni, á á cɛrukɔli, nwɔma á i ǹʼji tu Kirinŋ ábɛɛ dɔri, ŋì i á ɲaannashi. A ábɛɛ ji niŋ ma-a, ábɛɛ ra fɛɛn fɛsɛfɛsɛ kì.

Pyɛɛri (2) 1:19

Niŋ ki ra, Kirinŋ wɔ cintɔnŋ kiri wulu wɔ̀ri bi-i, yibɛɛ bili-i yìrì ra. Á á ɲakili tu nini na, sabu kɔ́ɔ́ wulu kiri i miŋ tu lanpaŋ, nwɔ̀ i sarinŋ po-a mancinŋ nu, fɔ ŋì i ta so sisarimantɔnŋ ki sun, sisɔli sun sɔriniŋ ki i na sarinŋ po ábɛɛ ciiru.