Tesalonikitɔnŋ kiri (1) 1:3 - Jɔ Biibili ki

³ Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (1) 1:3 ပူးပေါင်းရင်းမြစ်များ

Yuhana 14:15

Yesu tu : « A míŋ ji bidi ábɛɛ tɛ, ábɛɛ ra mɔ́ɔ́n cinŋ bimaan kiri ma.

Yuhana 15:10

A ábɛɛ ji mɔ́ɔ́n cinŋ bimaan kiri ma-a, ábɛɛ ra tu mɔ́ɔ́n bidintɛbi ki ru, miŋ tu míŋ ńʼTiŋ ki wɔ cinŋ bimaan kiri ma-i, ŋí i tu kɔ́ɔ́ bidintɛbi ki ru.

Mabikiri 10:31

Ntiŋ i ǹʼbi míŋ tɛ, tu míŋ nafɛ wɔ̀ri tan, tu Kirinŋ nini nama, niŋ fa tu míŋ ye gbɛwɔ kiri tɛ ɲaan wɔ̀ tɛ, tu ŋì i niŋ bataa ja.

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Ɔrɔmutɔnŋ kiri 12:12

Gbɛbilimaŋ wɔ̀ i yibɛɛ gbɛ, yi ciirudimaan i tu niŋ nu, yi i ɲaanfɛkwulu ki kwun yi ru, yi i yi cɛrukɔli Kirinŋ nafɛ ki ra.

Ɔrɔmutɔnŋ kiri 15:13

Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.

Ɔrɔmutɔnŋ kiri 15:4

Finŋ woo finŋ sɛbɛ-i Kirinŋ wɔ wulu sɛbɛ ki ru kabi fɔlɔfɔlɔ, yìrì sɛbɛ ŋuŋ ki ji-i tu yìrì yibɛɛ kali. Niŋ ɲaan ki tɛ, Kirinŋ wɔ wulu ki i tɔnsunfili wɔ̀ fa cunadibi wɔ̀ wɔri-ra, yibɛɛ i gbɛbilimaŋ kila niŋ nu.

Ɔrɔmutɔnŋ kiri 16:26

Nka, dɔnsaŋ cintɔnŋ kiri wɔ sɛbɛ kiri ǹʼpo-i taanna, ŋì i kɛɲɛ waarinŋ bataa ru Kirinŋ wɔ cinŋ bimaan ki wu, wulu i bi shiya kiri bataa tɛ niŋ gonto ki bi sun, nwɔma kí bataa i bili ǹʼna, kí i ǹʼwulu pa.

Ɔrɔmutɔnŋ kiri 16:6

Á i ńʼwɔ coolinŋ wɔri Mariyamu tɛ, ninwɔ̀ baara mwɔɔnna ma-i ábɛɛ tɛ.

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Korɛntitɔnŋ kiri (1) 13:13

Ka bataa ciiru, finŋ wɔ̀ri kɔ-a kì, nini i bilinabi ki fa gbɛbilimaŋ ki, niŋ fa bidintɛbi ki i. Nka finŋ byaŋ kari ru, yìrì ru sinaŋ ki i bidintɛbi ki i.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Galasitɔnŋ kiri 1:4

Kirisa a yɛri ki wɔri-i yibɔɔ bijɛ kiri ŋunfɛ, nwɔma a i yibɛɛ po san ka juniɲa ka ru bijɛ kiri bataa ru, ŋì i kɛɲɛ Tiŋ Kirinŋ dintɛ bi ki wu,

Galasitɔnŋ kiri 5:13

Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i.

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Galasitɔnŋ kiri 6:9

Yi fa yi firi kilɛn yi i shɔɔrinŋ ma ki tɔnbo kì. Sabu a yibɛɛ yi firi kilɛn yi i shɔɔrinŋ ki tɔnbo kì, yibɛɛ ra ǹʼtɔnɔ ki kila a kila waaci ru.

Tesalonikitɔnŋ kiri (1) 3:6

Nka dɔnsaŋ, Timote yiri-i ábɛɛ tɛ, ntiŋ i so yibɛɛ tɛ kwumaŋ. Ntiŋ na-i ábɔɔ bilinabi ki niŋ fa áwɔ bidintɛbi ki ru wulu shɔɔrinŋ bi yibɛɛ tɛ. Ntiŋ tu ábɛɛ ɲakili yibɛɛ ra kusɛbɛ, niŋ fa tu yibɛɛ fyii ábɛɛ ru, miŋ tu ábɛɛ fyii ki i yibɛɛ ru ɲaan wɔ̀ tɛ.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Tesalonikitɔnŋ kiri (2) 1:3

Ńʼtindaŋ ni, yibɛɛ i coolinŋ wɔri-ra Kirinŋ tɛ waarinŋ bataa ru ábɛɛ bira. Sɛli ki ra, niŋ fa ma kakan-i, sabu ábɔɔ bilinabi ki i ta-a jɛŋ, niŋ fa ǹʼbɛɛ i bo-ri á faninmwuŋ bidintɛbi ki sun jibi woo jibi.

Timote (1) 1:14

Yibɛɛ Ŋuntiŋ ki shɔɔrinŋ sinaŋ ma-i míŋ tɛ, ŋì i bilinabi fa bidintɛbi de míŋ nu, nini wɔ̀ri i kila-a Yesu Kirisa wɔ tenbi ki ru.

Timote (1) 2:3

Niŋ ki shɔ-i, ŋì i ji di yibɛɛ Mwutɔnŋ Kirinŋ tɛ sɛbɛ.

Iburu kiri 10:36

Hali jiŋ, ábɛɛ kakan-i á i cɔɔri ki pa á ra, nwɔma ábɛɛ na Kirinŋ dintɛ bi ki ma kɔ waarinŋ wɔ̀ ru, ŋì a tɔnŋ wɔri-i nwɔ̀ ra, á i niŋ kila.

Iburu kiri 11:17

Bilinabi ki ncin-i, Aburahamu i Ishaka wɔri saraka, waarinŋ wɔ̀ ru Kirinŋ ntiŋ sunsunu-i. Ntiŋ wuru-ra a danshuru tenŋ pe ki wɔri saraka, Kirinŋ a tɔnŋ wɔri wuru mìntiŋ wɔ̀ tɛ,

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Iburu kiri 4:11

Niŋ ki ra, yi bataa yi banba, yi i de niŋ nufaanmaŋ ki ru, nwɔma koŋ tɔri tenŋ fa na ji Kirinŋ wulu pabali, ntiŋ i fɛɛn miŋ tu yibɛɛ tiŋ cɛɛnni kiri kì.

Iburu kiri 6:15

Niŋ ɲaan ki tɛ, Aburahamu i a tɔnsunfili, ntiŋ i Kirinŋ sunsuu, fɔ Kirinŋ a tɔnŋ wɔri wuru bi wɔ̀ ra, ntiŋ i na niŋ kila.

Pyɛɛri (1) 3:4

nka á á ciiru tɔnŋ kiri sunye sunyefinŋ nadumaan ni wu, ninwɔ̀ i tɔnsunfili i, niŋ fa ɲaanfɛfili bi i, nwɔ̀ri kɔ-a kì, tumaŋ sinaŋ i ji yìrì ra Kirinŋ ɲaanfɛ.

Yuhana (1) 3:18

Míŋ daŋ ni, yɔɔ bidintɛbi ki fa tu nɛninɛŋ sun wulu shɔɔrinŋ bantenŋ sun kì, nka ŋì ja mabi kiri ru, ŋì i kɛɲɛ sɛli ki wu.

Yuhana (1) 3:21

Míŋ tindaŋ byii ri, a yibɛɛ ciiru tɔnŋ ki ji kiti ki fɛɛn-na yibɛɛ sun kì, yibɛɛ ɲakili sɔɔmaan yɛ Kirinŋ ɲaanfɛ.

Yuhana (1) 3:3

Niŋ gbɛbilimaŋ ki i koŋ woo koŋ gbɛ, nintiŋ i a yɛri wu fɔɔ-ra, miŋ tu Kirisa fɔɔ ɲaan wɔ̀ tɛ.

Yuhana (1) 5:3

A yibɛɛ ǹʼbi tu Kirinŋ bidi yibɛɛ tɛ, yibɛɛ kakan-i yi i ǹʼwɔ cinŋ bimaan kiri ma-ni. Ǹʼwɔ cinŋ bimaan kiri furu kì.

Jafinŋ ki 2:19

Míŋ i miŋ mabi kiri tɔ-a. Míŋ i mɔɔn bidintɛbi ki, fa nʼwɔ bilinabi ki, fa nʼwɔ baara shɔɔrinŋ ki, fa nʼwɔ cunadibi ki tɔ-a. Miŋ i baara shɔɔrinŋ wɔ̀ ma-a dɔnsaŋ, ŋí i ǹʼtɔ-ri, ńʼtu niŋ fwuu ǹʼjɔnɔ ki sun.

Jafinŋ ki 3:10

Miŋ mɔ́ɔ́n wulu ki pa-i cunadibi wu ɲaan wɔ̀ tɛ, míŋ yɛrima ki a miŋ mwu cɔɔri wu, ninwɔ̀ ra so juniɲa nu konaŋ ki bataa sun, ŋì i pwɔkulinŋ sun konaŋ ki bataa kɔrɔbɔ.