Tesalonikitɔnŋ kiri (1) 1:1 - Jɔ Biibili ki

¹ Míŋ Pooli fa Silinfɛnŋ, niŋ fa Timote i ka sɛbɛ ka wɔri ta-a ábɛɛ Tesaloniki bilinatɔnŋ kwuru ki tɛ, ábɛɛ wɔ̀ri ǹʼpa-i yibɛɛ Tiŋ Kirinŋ, niŋ fa yibɛɛ Ŋuntiŋ Yesu Kirisa cɛfan. Kirinŋ shɔɔrinŋ fa ɲaanfɛfili wɔri á tɛ.

Tesalonikitɔnŋ kiri (1) 1:1 ပူးပေါင်းရင်းမြစ်များ

Mabikiri 15:22

Yakuba kɔ-i awɔ wulu ki ra waarinŋ wɔ̀ ru, niŋ i di cindaŋ kiri fa jɛntɔnŋ kiri fa bilinatɔnŋ pyɛ kiri tɛ. Kí i fu ǹʼsun tu arì kpeeri ɲaannashi arì ru, arì i nini bo ta Antiyɔsi kili ki ra Pooli fa Barinabasi fan. Kí i Yodasi ɲaannashi, ninwɔ̀ wuru dɔri-ra sɛbɛ tu Barisabasi, ŋì i bo Silasi sun. Niŋ koŋ fuuli ki fɔn wuru bilinatɔnŋ kiri ru koŋ sinaŋ ni i.

Mabikiri 15:27

Yibɛɛ i Yodasi fa Silasi bo ta-a ábɛɛ tɛ. Yibɛɛ wulu wɔ̀ri sɛbɛ-i, kí a ta nini bi ábɛɛ tɛ arì tɔnŋ na.

Mabikiri 15:40

Pooli i Silasi ɲaannashi bo a sun, bilinatɔnŋ kiri i kí biye Ŋuntiŋ ki gbɛsun, nwɔma ŋì i ta shɔɔrinŋ ma kí tɛ. Niŋ kɔɔtɛ, kí i tiri.

Mabikiri 16:19

Jonmari ki ŋununtiŋ kiri ǹʼja-i waarinŋ wɔ̀ ru tu arìbɔɔ wari kila saa ki rala, kí i Pooli fa Silasi pa cɛɛn ta kili ki ru kitikwurutɔnŋ kiri tɛ.

Mabikiri 16:25

Wɔkila ki ru, Pooli fa Silasi i Kirinŋ nafɛ-ri, kí i Kirinŋ gbɛ shu ri pɔri-ri. Nkasudaŋ pyɛ kiri i arì tɔɔnye-ri kí tɛ.

Mabikiri 16:29

Niŋ na, nkasufu ki ɲaannasuutɔnŋ ki tu, kí na tuusarinŋ wɔri a tɛ, ntiŋ i a rukwulu tiri sɛrɛsɛri fan fu ki jɛntɛ, ntiŋ i ta a fɛɛn Pooli fa Silasi fɛ.

Mabikiri 17:11

Bere Yawutu kiri ciiru ki shɔ wuru Tesalonikitɔnŋ kiri wɔ kiri wu. Kirinŋ wɔ wulu ki ramamaan ki di wuru nini tɛ haali. Pooli fa Silasi wuru wulu finŋ woo finŋ bi-a nini tɛ, si woo si, nini wuru niŋ wulu kiri rufɔɔ-ra, kí i ǹʼshɛɛli-li, a yìrì fa Kirinŋ wɔ Sɛbɛ ki wulu kiri ji fu-a.

Mabikiri 18:5

Kabi Silasi fa Timote po-i Maseduwanɛ kɛniŋ ki ru, kí i na, Pooli cinŋ tɔri ma Kirinŋ wɔ Wulujii ki sunjo ki fan kili kì. Ntiŋ wuru ǹʼbi fɔɔ-ra Yawutu kiri tɛ, tu Yesu Kirinŋ Ɲaannakonshimaan ki i.

Mabikiri 19:22

Niŋ ki ra, ntiŋ i a yentɛtɔnŋ fuuli ki, Timote fa Erasitusi cin ta Maseduwanɛ kɛniŋ ki ru sun, ntiŋ yɛri ki i tu kí kɔɔtɛ pyaanniŋ Asi sɔɔta ki ru.

Mabikiri 20:4

Koŋ wɔ̀ri fa ntiŋ wuru tiri ki sun, nini tɔ kiri wuru kari i : Pirusi wɔ̀ i po-a Bere kili ki ru, niŋ danshuru Sopatɛri wuru nmaŋ, niŋ fa Tesalonikitɔnŋ bɛɛ ri, nwɔ̀ri tɔ ri wuru tu Arisitariki fa Sekundusi, ŋì i bo Gayusi sun, ninwɔ̀ wuru po-a Dɛribi kili ki ru, ŋì i ta so Timote sun. Asi sɔɔta ki ru koŋ bɛɛ ri i ji wuru nmaŋ, nwɔ̀ri tɔ i tu Tisike fa Torofime.

Ɔrɔmutɔnŋ kiri 1:7

Ńʼtindaŋ byii ri, Kirinŋ ábɛɛ wɔ̀ri dɔri-i, á i ji ǹʼwɔ konanbi Ɔrɔmu kili ki ru, míŋ i ka sɛbɛ ka wɔri ta-a ábɛɛ bataa tɛ. Yi Tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Korɛntitɔnŋ kiri (1) 1:2

yibɛɛ i sɛbɛ ka bo ta-a Korɛnti kili ki ru bilinatɔnŋ kiri tɛ, Kirinŋ nini wɔ̀ri wɔ bijɛ kiri tu-i kí tɛ Yesu Kirisa baraka ra, ŋì i kí ji awɔ konanbi i, niŋ fa yi i ǹʼbo ta-ri koŋ bataa tɛ mani bataa ru, finŋ woo finŋ i yibɛɛ Ŋuntiŋ Yesu Kirisa tɔ ki dɔri-ra. Mìntiŋ ki i yibɛɛ fa kíbɛɛ bataa Ŋuntiŋ ki i.

Korɛntitɔnŋ kiri (2) 1:1

Míŋ, Pooli wɔ̀ i Yesu Kirisa wɔ cindaŋ i Kirinŋ baraka ra, míŋ fa yi tindaŋ Timote i ka sɛbɛ ka wɔri ta-a Korɛnti Kirinŋ wɔ konanbi ki tɛ, yi i ǹʼwɔri ta-ri Kirinŋ wɔ wɔlinŋ kiri bataa tɛ, nini wɔ̀ri i Akayi sɔɔta ki ru.

Korɛntitɔnŋ kiri (2) 1:19

Sabu míŋ fa Silasi fa Timote, Yesu Kirisa, Kirinŋ danshuru wɔ̀ bi sunjo-i ábɛɛ tɛ, niŋ « aawe » bi-a bi ru, ŋì i pwulu, ŋì i « aawoo » bi mìŋ bi tenŋ ki ru kì. Niŋ wɔ ki i « aawe » e waarinŋ bataa ru.

Galasitɔnŋ kiri 1:2

Tindaŋ wɔ̀ri i míŋ fan kwumaŋ, míŋ fa nini bataa i ka sɛbɛ ka bo ta-a ábɛɛ Galasi sɔɔta ki ru bilinatɔnŋ kiri tɛ.

Galasitɔnŋ kiri 1:22

Bilinatɔnŋ kwuru wɔ̀ri wuru Yude sɔɔta ki ru, nini wuru míŋ tɔ-a sun kì.

Efɛsitɔnŋ kiri 1:2

Yibɛɛ tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Kɔlɔsitɔnŋ kiri 1:1

Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ Kirinŋ dintɛ bi ki wu, míŋ fa yi tindaŋ Timote i ábɛɛ co-a,

Tesalonikitɔnŋ kiri (2) 1:1

Míŋ Pooli fa Silinfɛnŋ fa Timote wɔ coolinŋ i ábɛɛ Tesaloniki bilinatɔnŋ kwuru kiri tɛ, ábɛɛ wɔ̀ri i yibɛɛ Tiŋ Kirinŋ fa yi Ŋuntiŋ Yesu Kirisa wɔ kiri.

Timote (1) 1:2

míŋ i ka sɛbɛ ka wɔri tiri-ra miŋ Timote tɛ, minwɔ̀ i míŋ daŋ sɛlɛsɛli i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa shɔɔrinŋ ma nʼtɛ, ŋì i nʼsunmakwulupa, ŋì i ɲaanfɛfili wɔri nʼtɛ.

Timote (2) 1:2

Míŋ i ka sɛbɛ ka wɔri ta-a miŋ Timote tɛ, minwɔ̀ i míŋ danshuru byii i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa nʼsunmakwulupa, ŋì i ɲaanfɛfili wɔri nʼtɛ, ŋì i shɔɔrinŋ ma nʼtɛ.

Iburu kiri 13:23

Á ǹʼtɔ tu yi tindaŋ Timote po san nkasu ki ru. A ntiŋ so míŋ tɛ jona kwumaŋ, míŋ fa ntiŋ a ta po ábɛɛ tɛ nmaŋ.

Pyɛɛri (1) 5:12

Míŋ i ka wuludaŋ damaaŋ kari sɛbɛ wɔri ta-a ábɛɛ tɛ Silinfɛnŋ gbɛ, ninwɔ̀ i tindaŋ sɔbɛ ɛ bilinabi ki ru. Míŋ i sɛbɛ ka wɔri ta-a ábɛɛ tɛ, ŋí i á cunadi, ŋí i ǹʼji á wu, tu ábɛɛ á kɔli-i shɔɔrinŋ wɔ̀ ra kaa, ńʼtu niŋ Kirinŋ wɔ shɔɔrinŋ sɛlɛsɛli ki i. Á á kɔli tu ǹʼna.

Yuhana (1) 1:3

Niŋ ki ra, yibɛɛ nwɔ̀ ja-i, yi i nwɔ̀ rama, yibɛɛ i ninki sunjo-a ábɛɛ yɛrima kiri tɛ, nwɔma yibɛɛ fa ábɛɛ i ji tenŋ i. Yibɛɛ fa nwɔ̀ i yimaŋ fan, niŋ i Tiŋ Kirinŋ i, niŋ fa Danshuru wɔ̀ po-i Kirinŋ nu, Yesu Kirisa.

Yodasi 1:1

Míŋ Yakuba pwaŋ, Yodasi, mínwɔ̀ i Yesu Kirisa tɛ baara matɔnŋ i, míŋ i ka sɛbɛ ka wɔri tiri-ra Kirinŋ wɔ koŋ dɔrimaan kiri tɛ, ábɛɛ wɔ̀ri bidi-i Tiŋ Kirinŋ tɛ, á i ji bo ǹʼwɔ bo ru.