Korɛntitɔnŋ kiri (1) 2:3 - Jɔ Biibili ki

³ Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 2:3 ပူးပေါင်းရင်းမြစ်များ

Mabikiri 17:1

Pooli fa Silasi fwuude-i Anfipolisi fa Apoloni kili kiri ra, kí i ta so Tesaloniki kili ki ru. Yawutu kiri wɔ kalinfu ki bɛɛ wuru niŋ kili ki ra.

Mabikiri 18:1

Niŋ kɔɔtɛ, Pooli i po Atɛni, ntiŋ i ta Korɛnti.

Mabikiri 18:12

Galiyɔnŋ wuru Akayi kɛniŋ ki ŋununtiŋ ki i waarinŋ wɔ̀ ru, Yawutu kiri i daa Pooli sun, kí i ta ntiŋ wu niŋ ɲaanfɛ, nwɔma niŋ i kiti ki kwuru ntiŋ sun.

Mabikiri 18:6

Nka Yawutu kiri arì tu Pooli gbɛ kì, kí i wulu kulinŋ ni bi-ri ntiŋ tɛ. Niŋ ki ciiru, ntiŋ i awɔ juulinŋ kiri nuyuuyuu bo kí sun, ntiŋ i ǹʼbi tu : « Ábɛɛ cunŋ ki yɛkɛ ki fɛɛn á yɛrima kiri sun nmaŋ, mɔ́ɔ́n finŋ tɔri ǹʼnu kili kì. Kabi dɔɔ, míŋ a tiri shiya tɔri ru konaŋ kiri kɛlintɛ. »

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 10:10

Sabu kí i nwɔ̀ bi-a mɔ́ɔ́n sɛbɛ kiri sun, niŋ i kaa tu : « Faan fa baraka i Pooli wɔ sɛbɛ kiri ru wulu kiri ru, nka a ntiŋ ji yibɛɛ kanfɛ, ntiŋ so-a niŋ bishi wulu li bi-i kì, yìrì ji-a wulu ɲaansun ni i kì. »

Korɛntitɔnŋ kiri (2) 13:4

Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Korɛntitɔnŋ kiri (2) 13:9

Hali yibɛɛ baraka ki ji kuru, a ábɛɛ baraka ki ja ji gbɛ bilinabi ki ru, niŋ i yibɛɛ ciirudi-a. Yibɔɔ Kirinŋ nafɛ ki i kaa tu ábɛɛ ji koŋ nafaamaan ni i.

Korɛntitɔnŋ kiri (2) 4:1

Kirinŋ yibɛɛ sunmakwulupa-i ka ɲaan ka tɛ, ŋì i ka baara ka biye yibɛɛ gbɛsun, niŋ ki ra, yibɛɛ yi firi kilɛn-a kì.

Korɛntitɔnŋ kiri (2) 4:16

Niŋ ki ra, yibɛɛ yi firi kilɛn-a fɛsɛfɛsɛ kì. Hali yibɛɛ firi ki baraka ji kɔ ta-a, jibi woo jibi, Kirinŋ i baraka ŋunaŋ wɔri-ra yibɛɛ ɲini ki tɛ.

Korɛntitɔnŋ kiri (2) 6:4

Niŋ ki ra, yibɛɛ i ǹʼma-a ɲaan ki fɔn bataa tɛ, yi i ǹʼji tu yibɛɛ Kirinŋ tɛ baara matɔnŋ sɛlɛsɛli li i. Yibɛɛ i cɔɔri kiri fa tɔnfɔɔbi kiri fa yɛlinŋ sinaŋ kiri bataa kwun-a yi ru.

Korɛntitɔnŋ kiri (2) 7:15

Dɔnsaŋ, ábɛɛ bi ki gbɛ-i Tite gbɛ haali! Ábɛɛ bataa ntiŋ ŋununafuka shɔ-i, á i ntiŋ gbɛ, kɛmi fa gbɛbi wu ɲaan wɔ̀ tɛ, niŋ po san ntiŋ ciiru kì dɛ!

Korɛntitɔnŋ kiri (2) 7:5

Sɛli ki ra, kabi yibɛɛ so-i kwumaŋ Maseduwanɛ kɛniŋ ki ru, yibɛɛ so-ri hali ɲaanfɛfili pyaanŋ kila-i sun kì. Ɲaanfɛkwulu bi ri so-i yibɛɛ sun yi kɛlinŋ ki fɔn tɛ. Kari ki wuru yibɛɛ fa konaŋ ki faninmwuŋ, kɛmi i ji yi ciiru.

Efɛsitɔnŋ kiri 6:5

Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ.