Taitos 2:8 - Di Jamiekan Nyuu Testiment

⁸ Mek shuor se wa yu a tiich a riili Gad wod we nobadi kyaahn taak gens. Da wie de di piipl dem we go gens yu wi shiem kaaz dem kyaahn se notn bad bout wi.

Taitos 2:8 ပူးပေါင်းရင်းမြစ်များ

Maak 12:17

Den Jiizas se tu dem se, “Gi Siiza wa a fi'im, an gi Gad wa a fi'im.” An dem did shak fi ier ou im ansa dem.

Maak 12:28

Wan Laa tiicha kom an ier Jiizas an di Sadyusii dem a aagyu. Wen im si se Jiizas gi dem wan gud ansa, im aks Jiizas se, “Outa aal a di Laa dem we Gad se wi fi fala, wich wan a di muos impuotant wan?”

Maak 12:32

Di Laa tiicha se tu im se, “A chuu ting dat, tiicha. Yu rait fi se a onggl wan Gad de, an dat no ada gad no de bout, onggl im.

Maak 12:34

Wen Jiizas si se di man gi wan ansa we mek sens, im se tu im se, “Yu no de faar fram Gad kindom.” Afta dat nobadi els neva iivn tingk fi aks im no muo kwestiyan.

Luuk 13:17

Wen Jiizas se dis, aal a dem we gens im shiem, bot di res a piipl dem did api bout di gud gud sitn dem we im did a du.

2 Tesaluoniyan 3:14

An ef sumadi no fala wa wi se iina da leta ya maak dem fies, an no diil wid dem so dem fiil shiem.

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.

1 Timoti 6:3

Ef enibadi tiich notn we no ad op wid we wi Laad Jiizas tiich wi an ou Gad se wi fi liv, ar wos, a tiich se Gad wod a no chuu,

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 2:15

Wa Gad waahn a fi unu du wa rait, an da wie de aal a uu no nuo beta an a chat fuulinish wi tap dem naiz.

1 Piita 3:16

An wen unu a ansa dem no bada disrispek dem ar fuos dem fi biliiv wa unu a se. An unu fi diil wid dem gud tu, so unu no en op fiil gilti. Da wie de, aal a uu se aal kain-a rang sitn bout unu gud bievya kaaz unu a Krais Jiizas falara, dem wi en op fiil shiem bout wa dem did se.