Taitos 2:12 - Di Jamiekan Nyuu Testiment

¹² Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

Taitos 2:12 ပူးပေါင်းရင်းမြစ်များ

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Ruoman 6:19

(Mi a yuuz sopm outa unu laif, dis uol ting bout sliev an maasta, fi elp unu andastan wa mi a se. Mi no tingk unu wi andastan ef mi no du dat.) Wan taim unu did tek unuself ton sliev tu aal kain-a naasinis an wikidnis — unu gi op evri paat a unu badi fi tek paat iina aal kain-a sin. A siem so nou unu fi tek unuself ton Gad sliev — unu mos gi op evri paat a unu fi du wa rait. Da wie de unu wi riili bi Gad piipl.

2 Piita 2:9

So ef a so it go den, dat miin se di Laad nuo ou fi siev piipl we gud iina im yai fram di chraiyal an kraasiz dem we dem fies. An a siem so im nuo fi kip di wikid piipl dem we no bizniz wid im til jojment die kom an gwaan ponish dem.

1 Jan 2:6

Ef sumadi se Gad liv iina dem, dem fi liv di wie Krais Jiizas liv.

2 Timoti 3:12

Az a matarafak, enibadi we se dem a Gad piipl an a fala Gad, afi go chogl chuu nof sitn tu.

Revilieshan 14:12

So Gad piipl we du we im se afi tan op chrang an gwaan chos Jiizas.”

Luuk 1:75

So wi kyan liv wan gud an kliin laif til wi ded.

1 Tesaluoniyan 4:7

Kaaz Gad neehn kaal wi fi wi dabl iina seks sin, bot fi liv kliin.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

1 Tesaluoniyan 4:9

Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Ruoman 6:12

So unu mosn mek sin ruul uova unu badi no muor. No mek it ruul uova unu, so dat unu wudn du di sitn dem wa unu badi waahn unu fi du.

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

2 Piita 3:11

Sins evriting a-go mash op so, a wa kain-a piipl unu fi bi, iihn? Unu fi liv unu laif fi Gad. Unu fi liv kliin kliin laif

Iibruu 8:11

Nobadi naa go afi tiich dem nieba agen, ar dem breda ar sista dem se dem fi, ‘nuo di Laad.’ Kaaz evribadi a-go nuo mi aredi, fram di liklis wan tu di tap-a-tap.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Koloshan 1:22

Bot nou Gad mek unu im fren siek-a wa apm tu im Bwai Pikni. Im mek im Bwai Pikni ded so unu kuda get gud an kliin, widout no maak ar no sin, an unu no afi fiil gilti, an im naa go bliem unu fi notn wen unu kom infronta im.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

Ruoman 8:13

(Ef yu liv ou yu badi wuda waahn yu fi liv, yu mos ded.) Bot ef yu mek di Spirit elp yu, yu kyan tap du di sitn dem we yu badi waahn yu fi du, an den yu wi liv.

Aks 24:25

Wail Paal did a taak bout wa it miin fi sumadi du we rait, kanchuol demself, an di die wen Gad a-go joj evribadi fi aal we dem du, weda gud ar bad, Fiiliks kech im fried an se tu Paal se, “Dat inof fi nou. Yu kyan lef. Wen mi fain taim mi wi sen fi yu agen.”

Aks 24:16

A dat mek mi aalwiez du mi bes fi liv rait so dat nobadi kyaahn paint no fingga pan mi an mi kyan tan op infronta Gad an mi kanchens no bada mi.

1 Jan 5:19

Wi nuo se wi bilang tu Gad an dat di devl kanchuol di uol worl.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Jan 14:30

Mi naa go taak tu unu fi moch langga, kaa di ruula fi da worl ya de pan im wie a kom. Im no av no powa uova mi.

Jan 6:25

Wen dem fain im pan di ada said a di liek, dem se tu im se, “Tiicha, a wen yu riich uova ya-so?”

Luuk 1:6

Gad si se di tuu a dem a did gud sumadi. Kaaz dem liv ou im waahn dem fi liv, dem du aal a wa im tel dem fi du an nobadi kudn paint no fingga pan dem.

Juud 1:18

Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Matyu 12:32

Enibadi we chat bad gens di Man we Gad Pik, Gad wi paadn dem. Bot enibadi we chat bad gens di Uoli Spirit, dem naa go get paadn. Dem naa get paadn iina da laif ya ar di laif we a-go kom.

1 Timoti 6:9

Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.