Taitos 1:11 - Di Jamiekan Nyuu Testiment

¹¹ Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

Taitos 1:11 ပူးပေါင်းရင်းမြစ်များ

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Luuk 20:40

Fram dat dem fried fi aks Jiizas no muo kwestiyan.

Jan 10:12

Di sumadi we a get pie fi luk aafa dem a no di shepad. Dem no uon di shiip dem. So wen taim da sumadi de si wulf a kom, im ron go we lef di shiip dem. Den di wulf kom op pan di shiip dem an mek dem skyata.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

2 Korintiyan 11:10

An nobadi iina Akaiya kyan tap mi fram buos bout dat. Siem laik ou unu nuo fi shuor se wa mi tiich bout Gad a chuu, a siem so unu kyan shuor bout dat.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

1 Timoti 5:4

Bot ef wan uman we ozban ded av pikni ar granpikni, a dem sopuoz fi tek kier a ar. Dem fi tek kier a ar jos laik ou shi di tek kier a dem. Dem fi tek kier a ar kaaz a dat Gad waahn dem fi du.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Timoti 2:18

Dem a tiich sopm we faar fram di chuut. Dem a se ou Gad piipl ded an kom bak aredi, an a kaaz som piipl fi tap biliiv iina Jiizas Krais.

2 Timoti 3:6

Dem de piipl de wi wok dem wie iina piipl fambili an fuul op di uman dem we iizi fi chrik an we a liv iina aal kain-a sin an kyaahn kanchuol demself.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Taitos 1:9

Di elda mos uol aan chrang pan di riil mesij bout Jiizas, we wi tiich. Im afi du dis so im kyan tiich piipl di rait sitn an karek di wan dem we a tiich di rang sitn.

Taitos 3:10

Ef sumadi iina di choch a kos-kos, gi chobl an a mek ada piipl kwaril an ton gens dem wan aneda, waan im fi tap. Ef im no lisn, waan im agen. Bot ef im no lisn da taim de, no av notn fi du wid im.