Taitos 1:10 - Di Jamiekan Nyuu Testiment

¹⁰ Kaaz nof piipl de bout we naa no rispek fi dem we iina powa. Dem de piipl de lov taak fuulinish an chrai fi mek piipl biliiv wa dem se, an a di Juu dem gwaan so di muos.

Taitos 1:10 ပူးပေါင်းရင်းမြစ်များ

Aks 11:2

So wen Piita go baka Jeruusilem, di biliiva dem we sorkomsaiz did tingk im rang an staat aagyu wid im.

Aks 15:1

Den som man kom fram Judiya kom a Antiyak. Dem staat fi tiich di piipl we biliiv iina Jiizas se, “Ef unu no get sorkomsaiz azkaadn tu we Muoziz Laa se, unu kyaahn get siev.”

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 1:6

Di faalz tiicha dem ton dem bak pan dem sitn ya. Dem ton tu di sitn dem we no mata an staat taak som sitn we no mek no sens.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

2 Timoti 4:4

An dem a-go ton dem bak pan di chuut an staat lisn tu di tuori dem we a no chuu.

Taitos 1:6

Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

1 Jan 2:4

Bot ef sumadi se dem nuo Gad an no du we im se dem fi du, dem a laiyad an di chuut no iina dem aat.

1 Jan 4:1

Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.

Revilieshan 2:14

Bot mi stil av sopm gens unu. Unu av som piipl iina unu choch we a fala wa Bielam tiich. Bielam did tiich Bielak ou fi chrik di Izrelait dem fi mek dem sin. Im chrik dem mek dem nyam fuud we did bon pan alta gi faalz gad, an mek dem sliip wid ada piipl ozban an waif.

Revilieshan 2:6

Bot unu av wan gud sitn bout unu: siem laik ou mi iet di sitn dem we di Nikolieshan piipl dem a du, a siem wie unu iet dem tu.