Ruoman 9:7 - Di Jamiekan Nyuu Testiment

⁷ Siem laik ou a no evribadi we kom fram Iebriyam fambili a riili Gad piipl. Gad did tel Iebriyam se, “Mi onggl a kount Aizak pikni dem an fi dem pikni pikni go dong, a dem a-go bi fi mi piipl.”

Ruoman 9:7 ပူးပေါင်းရင်းမြစ်များ

Iibruu 11:18

Gad did se tu im se, “A Aizak a-go mek yu av pikni pikni gu dong.”

Gyalieshan 4:23

Di bwai we mada a sliev baan jos laik ou eni ada biebi baan an im mada get im siem laik ou ada mada get biebi. Notn neva speshal bout im. Bot di bwai we mada did frii im did speshal. Im baan kaaz Gad did pramis Iebriyam se im an Siera wuda av wan pikni.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Luuk 3:8

Du di sitn dem we shuo se unu riili tap sin. An no bada staat tingk tu unuself se unu sief, an se, ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Jan 8:33

Dem ansa im an se, “Wi a Iebriyam pikni an wi neehn a nobadi sliev bifuo. So, ou kom yu fi a se, ‘Di chuut gweehn frii unu’?”

Luuk 16:30

“ ‘Nuo, faada Iebriyam,’ im se, ‘bot ef sumadi we ded go taak tu dem, dem wi sari fi di rang we dem du an ton tu Gad.’

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Gyalieshan 4:28

So Breda an sista, siem laik ou Aizak baan kaaz a dat Gad did pramis Iebriyam, a siem so wi a Gad pikni kaaz a dat Gad did pramis.