Ruoman 9:5 - Di Jamiekan Nyuu Testiment

⁵ Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

Ruoman 9:5 ပူးပေါင်းရင်းမြစ်များ

Ruoman 1:25

Dem ton dem bak pan di chuut bout Gad an go biliiv wan lai. Dem worship an sorv di sitn dem we Gad mek insted-a worship Gad we mek evriting. A Gad fi get di priez fi eva an eva. Iemen!

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Jan 10:30

Mi an di Faada a wan an di siem.”

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Ruoman 1:3

Da Gud Nyuuz ya a bout im Bwai Pikni we kom fram Dievid fambili.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

Ruoman 11:28

Kaaz di Juu dem did ton dem bak pan di Gud Nyuuz, dem a Gad enimi, an dat wok out gud fi unu we a no Juu. Bot dem a di piipl we Gad did pik an so im stil lov dem kaaz a dat im did pramis fi dem faada faada go bak se im wuda du.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Revilieshan 22:20

Jiizas, di wan we tel wi dem sitn ya, im se, “Ye, mi suun kom.” Iemen! Kom Laad Jiizas!

2 Timoti 2:8

Memba uu Krais Jiizas bi. Jiizas a di wan we Gad bring bak fram di ded an we kom fram di siem fambili we Dievid kom fram. Dat a di mesij we mi tiich.

1 Timoti 6:15

Gad we di piipl priez an uu a di onggl chuu ruula, di Laad an King uova evribadi, wi sen bak Jiizas wen im redi.

1 Korintiyan 14:16

Kaaz ef yu spirit a prie an sumadi we no taak iina tongz a lisn, ou dem fi se ‘Iemen’ wen dem no nuo we yu a se?

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Revilieshan 5:14

Di fuo sitn dem se, “Iemen,” an di elda dem fling dong demself a im fut an gi im ana an priez.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Iibruu 7:24

Bot Kaaz Jiizas naa no ded a ded, im a-go tan priis fi eva an nobadi naa tek uova fram im.

Luuk 20:44

Dievid kaal im ‘Laad.’ So ou im fi bi Dievid pikni?”