Ruoman 9:4 - Di Jamiekan Nyuu Testiment

⁴ di Izrel piipl, a dem Gad did pik fi bi im pikni. Gad shuo dem ou big, brait an powaful im bi an a dem Gad mek nof diil wid — im pramis fi gi dem nof sitn ef dem du wa im se. Gad mek nof pramis tu dem, an im gi dem di Laa. Gad aal shuo dem ou fi riili worship im.

Ruoman 9:4 ပူးပေါင်းရင်းမြစ်များ

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 1:47

Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”

Aks 2:39

Wa Gad pramis a fi unu an unu pikni dem an fi aal uu liv faar faar fram ya-so — a fi evribadi we Gad a-go kaal fi bi im pikni.”

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

Ruoman 9:6

Mi naa se Gad brok im pramis dem — Gad du evriting we im pramis fi du, bot a no evribadi we baan iina Izrel a riili Gad piipl.

2 Korintiyan 11:22

Dem a Iibruu? Mi a Iibruu tu. Dem a Izrelait? Mi a Izrelait tu. Dem a Iebriyam fambili? Mi a Iebriyam fambili tu.

Gyalieshan 3:16

Nou di pramis we Gad mek tu Iebriyam, a did fi Iebriyam an im pikni. Gad wod neva se a nof piipl — it neva se “an tu im pikni dem.” Wa rait dong iina Gad wod a “tu im pikni.” A wan sumadi it a taak bout, an da sumadi de a Krais Jiizas.

Ifiijan 2:12

se wan taim, unu neva nou Krais Jiizas, unu a neva paat a Gad piipl, Izrel, an unu kudn kip kompni wid dem niida. Di diil we Gad mek wid im piipl neehn av notn fi du wid unu. Unu did iina di worl, unu neva did a liv fi notn an unu neva nuo Gad.

Iibruu 9:1

Nou di fos plan we Gad did mek did av ruul bout ou piipl fi worship im, an bout di tent we piipl fi worship — we piipl mek.

Iibruu 9:10

Dem sitn de did onggl a diil wid wa piipl fi nyam an jringk an di difrant difrant wie dem kyan kliin op demself. Aal a dem ruul de, we onggl a tel wi bout ou piipl fi du tingz, an we naa tel wi notn bout piipl aat, dem onggl a-go laas til di taim kom fi set tingz rait. Dat a wen di nyuu plan kom iin an chienj tingz roun.

Iibruu 9:3

An baka di sekan kortn yu did av di tent we dem kaal di Uoliyis Plies.

Iibruu 9:5

Uova di guol baks yu did av di sitn dem we dem kaal ‘cherobim’ we komiin laik pikni wid wing. Dem sitn de did shuo se Gad de de-so. An dem wing chrech uova di plies we Gad paadn sin. Bot wi kyaahn taak bout aal a di niti-griti ya-so.

Iibruu 9:6

So, wen di ting set op so nou, di priis dem wuda kom iina di fos paat a di tent aal di wail kom du dem priis wok.