Ruoman 9:24 - Di Jamiekan Nyuu Testiment

²⁴ Wi a dem piipl de. Gad kaal wi, an a no jos piipl we a Juu im kaal, im kaal piipl we a no Juu tu.

Ruoman 9:24 ပူးပေါင်းရင်းမြစ်များ

Aks 15:14

Simiyan jos tel wi ou Gad shuo se im kier fi di piipl we a no Juu wen im tek som a dem fi bi im uona piipl.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”