Ruoman 9:20 - Di Jamiekan Nyuu Testiment

²⁰ So wiet, a uu unu tingk unu bi? Unu we a jos man, wa mek unu tingk se unu kyan chat bak tu Gad? “Di klie pat kyan ton roun an aks di sumadi we mek it, ‘Wa mek yu mek mi so?’ ”

Ruoman 9:20 ပူးပေါင်းရင်းမြစ်များ

Matyu 20:15

Mi kyaahn du we mi waahn du wid fi mi uona moni? Iihn? Ar a red yai unu red yai kaa mi kain?’

Luuk 12:14

Jiizas ansa se, “Man, uu gi mi di rait fi sekl aagiment an shier ded-lef bitwiin di tuu a unu?”

Ruoman 14:4

Uu unu tingk unu bi, fi a joj sumadi els sorvant? A onggl di sorvant maasta kyan tel im ef im a du we im fi du ar ef im naa du we im fi du — onggl dem maasta kyan se ef dem a tan op ar dem a faal dong. An dem wi tan op kaaz di Laad kyan mek dem tan op.

Ruoman 2:1

Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Ruoman 2:3

Bot aal a unu we a joj ada piipl, di sitn dem we unu a joj ada piipl fa an we unu a du, unu no tingk se Gad a-go joj unu fi dem tu? Unu riili tingk im a-go jos mek unu get we so?

Ruoman 9:21

Di sumadi we a mek di pat, im no av di rait fi tek piis a klie an mek wan speshal pat we im yuuz sortn an sortn taim, an den tek wan neda piis a klie an mek wan pat fi yuuz evridie?

Ruoman 9:22

Gad did waahn fi shuo piipl se im beks, im did waahn dem fi nuo umoch powa im av. Bot im tek taim wid dem an put op wid di siem piipl we did a beks im; di piipl we im did redi fi waip out.

1 Korintiyan 1:20

So den, wa unu tingk a-go apm tu di piipl dem we tingk se dem waiz? Wa unu tingk dat miin fi di Laa tiicha dem? Wa unu tingk dat a se bout di piipl dem we lov aagyu bout evriting? Gad no don shuo se aal a di sitn dem we dem piipl de tingk se dem nuo a fuulinish?

1 Korintiyan 7:16

Aal a unu we a waif an av ozban we no biliiv, ou unu nuo se unu naa go siev unu ozban? An aal a unu we a ozban an we av wan waif we no biliiv, ou unu nuo se unu naa go siev unu waif?

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Timoti 2:20

Iina wan griet ous yu av nof difrant kain-a boul. Yu av guol boul an silva boul, boul we mek outa wud, boul we mek outa klie, boul we yu yuuz fi speshal taim an boul we yu yuuz evridie.

Taitos 2:9

Tiich di sliev dem fi lisn an fala wa dem maasta se aal di taim. Dem fi du dem bes fi mek dem maasta api iina aal we dem du. Tel di sliev dem no fi bak ansa dem maasta niida,

Jiemz 2:20

Ou unu so fuul-fuul! Unu waahn mi shuo unu se, ef sumadi se dem biliiv sopm bot no av no wok fi bak op wa im se im biliiv, it no wot notn?