Ruoman 9:16 - Di Jamiekan Nyuu Testiment

¹⁶ So den Gad no pik piipl bies pan wa dem waahn ar pan we dem du; Gad pik piipl bies pan uu im waahn fi gud an kain tu.

Ruoman 9:16 ပူးပေါင်းရင်းမြစ်များ

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

Jan 3:8

Briiz bluo go wich paat it waahn fi go. Yu onggl ier di soun we it mek, bot yu kyaahn si a we it de kom fram an yu kyaahn si wich paat it de go. Nou, a siem so it go wid evribadi we di Spirit mek baan.”

Ruoman 9:11

Bifuo Aizak bwai pikni dem did baan, bifuo eni a dem kuda du notn gud ar bad, Gad pik wan fi ruul uova di ada wan. Gad pik im bifuo im baan fi shuo se a no notn we im did du mek Gad pik im — Gad pik uu im waahn fi pik fi du we im waahn im fi du.

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.