Ruoman 8:9 - Di Jamiekan Nyuu Testiment

⁹ Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

Ruoman 8:9 ပူးပေါင်းရင်းမြစ်များ

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Jan 14:17

Da sumadi de a di Spirit we shuo piipl di chuu sitn dem bout Gad. Di worliyan dem kyaahn tek im iin an mek im kanchuol dem laif, kaa dem no si im an dem no nuo im. Bot unu nuo im, kaaz im liv wid unu an a-go de insaida unu.

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Jan 3:6

Wen biebi baan, a piipl a av piipl, bot Gad, im mek piipl baan iina di Spirit.

Aks 16:7

Wen dem riich a Misiya, dem chrai fi go iina Bitiniya, bot di Uoli Spirit neva lou dem.

Ruoman 7:5

Wan taim wi did a liv ou wi waahn fi liv — wi did a mek wi badi kanchuol wi. Di sitn dem we wi badi did wel waahn fi du, did a kaaz wi fi sin. An chuu wi did nuo Gad Laa, wi staat fi sin muor an muor. Wid aal a di rang sitn dem we wi did a du a onggl ded wi did a go ded.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

1 Korintiyan 15:23

Bot evribadi naa go kom bak alaiv siem taim, evribadi av dem uona taim. Gad mek Jiizas Krais kom bak alaiv fos, an wen Jiizas Krais kom bak agen, di piipl we biliiv iina im an we ded, dem a-go kom bak alaiv tu.

1 Korintiyan 3:16

Unu no nuo se unu badi a Gad ous an dat im Spirit a liv iina unu?

1 Korintiyan 6:17

Bot enibadi we a luk fi mek dem an di Laad wan, dem a-go bi wan wid im Spirit tu.

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

2 Korintiyan 10:7

Unu onggl luk pan wa de pan di outsaid. Ef enibadi fiil shuor se dem bilang tu Krais Jiizas, mek dem tingk bout dis, siem laik ou unu bilang tu Jiizas, a siem so wi bilang tu im tu.

2 Korintiyan 6:16

Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 2:22

So, unu piipl we a no Juu, kaaz unu chos iina Jiizas, Gad a bil op unu an di Juu dem we chos iina Jiizas. Im a bil unu op tugeda fi faam wan ous we Gad Spirit liv iina.

Ifiijan 3:17

Chuu unu chos iina Krais Jiizas, mi prie se im wi liv iina unu aat. Unu tan chrang iina Gad lov jos laik ou chrii tan op chrang wen dem ruut gaan dong diip iina di grong. Siek-a dat,

Filipiyan 1:19

Kaaz Jiizas Krais Spirit a elp mi, an kaaz unu a prie fi mi, mi nuo se aal a di sitn dem we apm tu mi a-go wok out so dat mi get frii.

2 Timoti 1:14

Gyaad di sitn dem we Gad gi yu fi tiich. Gyaad dem wid di elp a di Uoli Spirit we liv iina yu.

1 Piita 1:11

Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.

1 Jan 4:13

Gad gi wi im Spirit. Dis shuo se wi liv iina im an im liv iina wi.

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.