Ruoman 8:8 - Di Jamiekan Nyuu Testiment

⁸ Di piipl dem we a liv ou dem badi waahn dem fi liv, dem kyaahn mek Gad api.

Ruoman 8:8 ပူးပေါင်းရင်းမြစ်များ

Ruoman 7:5

Wan taim wi did a liv ou wi waahn fi liv — wi did a mek wi badi kanchuol wi. Di sitn dem we wi badi did wel waahn fi du, did a kaaz wi fi sin. An chuu wi did nuo Gad Laa, wi staat fi sin muor an muor. Wid aal a di rang sitn dem we wi did a du a onggl ded wi did a go ded.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.

Jan 8:29

Di wan we sen mi tan wid mi. Im neehn mek mi tan pan mi uon, kaa mi eva a du wa mek im api.”

1 Korintiyan 7:32

Mi no waahn unu fi afi wori bout notn. Di man we no marid onggl bizniz wid Gad wok an wa im waahn im fi du. Im onggl waahn Gad fi api wid im.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Koloshan 3:20

Pikni, unu fi ier wa unu mada an faada se unu fi du, kaaz a dat di Laad lov.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Ruoman 1:21

An iivn duo dem nuo se im a Gad, dem no chriit im laik se im a Gad. Dem no priez im an dem no gi im tangks fi aal we im du fi dem. Siek-a dat dem staat tingk bier fuulinish, notn we dem tingk no rait an dem kyaahn andastan notn bout Gad.