Ruoman 8:7 - Di Jamiekan Nyuu Testiment

⁷ So ef sumadi onggl a tingk bout di sitn dem we dem badi waahn, dem ton Gad enimi. Dem ton im enimi kaaz dem naa fala im Laa, an dem naa go kyan fala it niida.

Ruoman 8:7 ပူးပေါင်းရင်းမြစ်များ

Matyu 12:34

Unu likl siniek pikni unu! Ou unu kyan se notn we gud, wen unu wikid an tan bad? Kaaz wa kom outa yu mout, a wa de iina yu aat.

Matyu 5:19

So ier mi nou, enibadi we brok dong tu di liklis Laa, an go tiich piipl se di Laa no mata an mek dem brok it tu, outa aal di piipl dem we Gad ruul uova, da sumadi de naa go mata so moch iina Gad yai. Bot enibadi we lisn di Laa an du wa it se, an tiich piipl fi du dat tu, dem a-go get tap-a-tap pozishan iina Gad kindom.

Jan 7:7

Di piipl dem iina di worl kyaahn iet unu, bot dem iet mi kaa mi tel dem se wa dem du wikid an bad.

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Ruoman 1:30

Dem lai an dem lov fi big op demself — dem ful-a demself so til. Nobadi kyaahn taak tu dem an dem no shuo nobadi no rispek. Dem no fala notn we dem mada an faada se. Dem no lov Gad an dem eva a plan op plan op aal kain-a wikid sitn.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Ruoman 7:22

Iina mi aat, mi api bout di Laa we kom fram Gad.

Ruoman 8:4

Gad du dat, so dat aal a wi we a liv ou im Spirit se wi fi liv an uu naa du di sitn dem we wi badi waahn fi du, aal a wi wuda a du di sitn dem we di Laa se it rait fi wi du.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

1 Korintiyan 9:21

Wen mi de mongks piipl we no fala di laa, mi du wa dem du — mi no miin se mi brok Gad laa yu no, nuo, mi fala Krais Jiizas laa. Bot mi liv laik dem so dat mi kyan win dem uova an elp dem fi biliiv iina Jiizas tu.

Koloshan 1:21

Wan taim unu did faar fram Gad. A bier wikidnis unu yuus tu tingk bout an du, an dat did mek unu an Gad ton enimi.

Koloshan 2:18

No fala nobadi we waahn mek unu fiil bad kaaz dem se unu no worship Gad ou unu fi worship im. Dem gwaan an gwaan bout ou unu fi ombl unuself, an bout ou unu fi worship ienjel. No lisn dem. Dem dis a chat a galang bout wa dem kliem se dem si iina vijan. Bot dem a buos an dem no av notn fi buos bout siek-a dem worliyan main.

2 Timoti 3:4

Dem a-go ton chrieta an dem a-go du bie kielis sitn. Piipl iina di laas die dem a-go gwaan laik dem beta dan evribadi els. Insted-a lov Gad dem a-go lov fi du di sitn dem we dem tingk a fon, iivn ef Gad se dem no fi du dem.

Iibruu 8:10

Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

2 Piita 2:14

Evritaim dem luk pan wan man, ar dem luk pan wan uman aal dem kyan tingk bout a fi go bed wid im ar fi go bed wid ar. Dem eva a luk fi di chaans fi sliip wid sumadi. Dem eva a sin a galang so, laik se dem kyaahn satisfai. An dem pul iin di wiik wan dem iina dem chrap. Dem set iina dem aat fi bi griidi. Bot fi aal a dem sitn ya we dem du — Gad gweehn ponish dem!