Ruoman 8:38 - Di Jamiekan Nyuu Testiment

³⁸ Kaaz mi nuo fi shuor se notn at aal kyan mek Krais Jiizas tap lov wi. It no mata ef wi ded ar wi alaiv, im naa tap lov wi. No ienjel, ruula ar powa iina evn kyan tap im fram lov wi. Notn we a apm nou an notn we a-go apm, wi mek im tap lov wi.

Ruoman 8:38 ပူးပေါင်းရင်းမြစ်များ

Jan 10:28

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Ruoman 14:8

Kaaz ef wi liv, wi a liv fi di Laad; an ef wi ded, wi ded fi di Laad. So den, weda wi liv ar wi ded, wi bilang tu di Laad.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

Koloshan 1:16

Kaaz Gad yuuz Jiizas fi mek evriting we de a evn an we de pan di ort: evriting — aal we piipl kyan si an we dem kyaahn si. Evriting — a im mek di powaful spirit dem we a liid, ar a ruul. Evri singgl ting a im mek dem an a im dem mek fa.

Koloshan 2:15

An so, im tek we di powa fram aal a di spirit dem we did a ruul an we did av powa, an shiem dem infronta evribadi. A biit im biit dem wen im ded pan di kraas.

Ifiijan 1:21

Fram im ai pozishan wich paat im sidong iina evn, Krais Jiizas ruul uova evri spirit we av powa fi ruul iina dem taim ya an iina di worl we a kom.

2 Korintiyan 4:13

Iina Gad wod sumadi rait se, “Mi chos iina Gad so mi priich im mesij.” An siem laik ou im chos iina Gad, wi chos iina Gad tu, so wi wi gwaan priich tu.

Ruoman 4:21

Iebriyam biliiv wid aal a im aat, im did shuor se Gad kuda du evriting we im pramis fi du.

2 Korintiyan 11:14

An mi no sopraiz se dem chrai fi du dat kaaz iivn sietan imself chrai fi chrik piipl an jres op imself laik wan a Gad ienjel wid wan brait lait roun im.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Ruoman 14:7

Non a wi a liv fi wiself wan an non a wi naa ded fi wiself wan.

1 Korintiyan 15:24

An di worl a-go don wen Jiizas gi Faada Gad im kindom. Bot Jiizas naa go gi Gad di kindom til im tek kanchuol uova aal a di wikid spirit dem an tek we dem powa so dat dem kyaahn du notn agen.