Ruoman 8:34 - Di Jamiekan Nyuu Testiment

³⁴ So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Ruoman 8:34 ပူးပေါင်းရင်းမြစ်များ

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Ruoman 8:27

An Gad we kyan luk iina wi aat an nuo wa wi riili waahn, im andastan we di Spirit a se. Kaaz di Spirit prie fi Gad piipl an wen im prie im prie jos laik ou Gad waahn im fi prie.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Koloshan 3:1

Sins Gad mek unu liv agen wen Krais Jiizas did kom bak alaiv, unu fi kip unu main an aat pan di sitn dem we de iina evn. A dem sitn de unu fi waahn. A de-so Krais Jiizas de. An im a sidong pan Gad rait an said.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Ruoman 14:9

A dat mek Krais Jiizas did ded an den kom bak alaiv; im du dat so dat im wuda bi Laad uova evribadi — Laad fi di piipl we ded an Laad fi di piipl we alaiv.

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Ruoman 14:13

So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Jan 16:23

Da taim de, unu naa go aks mi notn agen. Mi a tel unu fi chuu chuu se mi Faada gweehn gi unu eniting unu aks fa kaa unu a mi falara.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Aks 2:24

Bot Gad mek im kom bak alaiv an frii im fram det powa kaaz det kudn kip im dong fi eva.