Ruoman 8:26 - Di Jamiekan Nyuu Testiment

²⁶ An siem taim dat a gwaan, Gad Spirit a elp wi kaaz wi wiik. Wen wi no nuo ou wi fi prie, di Spirit prie tu Gad fi wi. Di Spirit muon an gruon an se tingz we wi no nuo ou fi se.

Ruoman 8:26 ပူးပေါင်းရင်းမြစ်များ

Matyu 10:20

Wa unu se naa go bi fu'unu uona wod yu no, bot a di Uoli Spirit we unu Faada sen a-go put di wod dem iina unu mout.

Matyu 20:22

So Jiizas se tu ar se, “Yu no nuo wa yu a aks mi se! Unu kyan jringk wa mi bout fi jringk? A sofa mi a-go sofa yu no.” Di bwai dem se, “Ye, wi kyan du dat!”

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

Ruoman 7:24

Mi sari iihn, mi a wan sari kies fi chuu! Uu a-go siev mi fram da badi ya we a kil mi?

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

2 Korintiyan 5:2

Wail wi dong ya pan ort, a wiet wi jos a wiet, kaaz wi wel waahn fi put aan wi nyuu badi.

2 Korintiyan 5:4

Nou wen mi se a jos wiet wi a wiet fi put aan di nyuu badi, mi no miin se a ded wi jos waahn fi ded so dat wi kyan dash we da badi ya. Wa mi a se a dat wi wel waahn fi put aan di nyuu badi kaaz da badi de a-go laas fi eva. It no komiin laik da badi ya we kyan mash op an ded.

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Ifiijan 2:18

Siek-a Krais Jiizas, di Uoli Spirit mek aal a wi kyan go tu Faada Gad.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Iibruu 5:2

Kaaz di liida fi di priis dem a piipl tu, im wi nuo ou fi tek taim wid piipl we no nuo beta an a du rang, sins im wiik an wi du rang tu.

Jiemz 4:3

Iivn wen unu aks Gad, unu stil no get wa unu aks fa, kaaz unu a aks fi di rang riizn. Unu jos waahn dem sitn de fi big op unu ches an fi mek unu fiil impuotant.