Ruoman 8:23 - Di Jamiekan Nyuu Testiment

²³ An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 8:23 ပူးပေါင်းရင်းမြစ်များ

Luuk 20:36

An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Luuk 21:28

Wen dem sitn de staat fi apm, tan op chriet an uol op unu ed kaaz di taim fi frii unu suun kom.”

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Ruoman 7:24

Mi sari iihn, mi a wan sari kies fi chuu! Uu a-go siev mi fram da badi ya we a kil mi?

Ruoman 8:19

Az a matarafak, evriting we Gad mek, a did fi Gad shuo dem a uu im pikni dem bi.

1 Korintiyan 1:7

So wail unu a wiet fi wi Laad Jiizas Krais fi kom bak notn no de we unu kuda waahn ar niid. Gad Spirit don gi unu evriting.

2 Korintiyan 1:22

Im maak wi fi shuo se wi bilang tu im an gi wi di Spirit iina wi aat so wi wuda nuo se im a-go gi wi aal we im pramis fi gi wi.

2 Korintiyan 7:5

Wen wi did jos riich a Masiduoniya, wi did taiyad, wi neva get no taim fi res. Evriwe wi ton chobl lik wi. Di piipl dem we neva biliiv iina Gad did a chrai fi fait wi out an iina wi aat wi did fried.

Gyalieshan 5:5

Bot yu si wi, di wan dem we a chos iina Jiizas Krais, di Uoli Spirit mek wi nuo fi shuor se wi a-go get aal a wa Gad pramis fi gi wi. So wi kyan wiet an luk fi aal we Gad pramis fi gi wi kaaz Gad mek tingz rait bitwiin wi an im aredi.

Ifiijan 1:14

Di Uoli Spirit a onggl paat a aal a wa Gad pramis fi gi wi. Wi wi get di ada sitn dem wen im don frii aal a im piipl dem. Im du it da wie de so dat piipl wuda priez im wen dem si ou im big an powaful iina evri wie.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

1 Piita 1:7

Dem ya chraiyal ya, a fi tes umoch unu chos iina Gad, fi mek shuor se unu riili chos iina im, jos laik ou dem tes guol iina faiya fi mek shuor se di guol riil fi chuu. An di chos we unu chos iina Gad — dat wot muo dan guol, kaa guol kyan mash op. So iivn duo unu a go chuu faiya kaa unu chos iina Gad, unu wi gwaan chos iina im siem wie an paas di tes, so Gad wi priez unu an ana unu wen Jiizas Krais kom bak.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.