Ruoman 8:19 - Di Jamiekan Nyuu Testiment

¹⁹ Az a matarafak, evriting we Gad mek, a did fi Gad shuo dem a uu im pikni dem bi.

Ruoman 8:19 ပူးပေါင်းရင်းမြစ်များ

Matyu 5:9

Gad bles aal a uu elp piipl fi liv iina piis, kaaz a piipl laik dem de Gad a-go kaal fi im pikni dem.

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

Ruoman 8:14

Kaaz a onggl di piipl dem we mek Gad Spirit liid dem, a Gad pikni.

Ruoman 8:16

Gad Spirit an fi wi Spirit jain op tugeda an se dat wi a Gad pikni.

Ruoman 8:18

Aal di sofa wi a sofa nou, mi shuor se notn wi go chuu kyan mach op tu aal a wa Gad a-go gi wi lieta.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 9:26

An siem plies wich paat Gad se tu dem se, ‘Unu a no fi mi pikni’ a da siem plies de Gad, Gad we alaiv, a-go kaal dem im pikni.”

1 Korintiyan 1:7

So wail unu a wiet fi wi Laad Jiizas Krais fi kom bak notn no de we unu kuda waahn ar niid. Gad Spirit don gi unu evriting.

1 Korintiyan 1:8

Jiizas wi elp unu fi gwaan tan op chrang iina wa unu biliiv til di die im kom bak fi joj di worl. So pan da die de wen unu tan op infronta im, nobadi naa go kyan se unu did a liv rang.

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

Koloshan 3:4

A Krais Jiizas mek unu riili liv. Wen im kom bak piipl a-go si an nuo ou big an powaful im bi. Dem a-go si an nuo uu unu bi tu, kaa unu a-go de de wid im.

Iibruu 12:27

Nou wen im se, ‘wan muo taim,’ dat shuo se di sitn dem we get shiek op im a-go tek dem we, an dem sitn de a di tingz we im did mek. Im a-go du dat so wa kyaahn shiek op, kyan tan.

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

1 Piita 1:7

Dem ya chraiyal ya, a fi tes umoch unu chos iina Gad, fi mek shuor se unu riili chos iina im, jos laik ou dem tes guol iina faiya fi mek shuor se di guol riil fi chuu. An di chos we unu chos iina Gad — dat wot muo dan guol, kaa guol kyan mash op. So iivn duo unu a go chuu faiya kaa unu chos iina Gad, unu wi gwaan chos iina im siem wie an paas di tes, so Gad wi priez unu an ana unu wen Jiizas Krais kom bak.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

Revilieshan 21:7

Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.