Ruoman 8:16 - Di Jamiekan Nyuu Testiment

¹⁶ Gad Spirit an fi wi Spirit jain op tugeda an se dat wi a Gad pikni.

Ruoman 8:16 ပူးပေါင်းရင်းမြစ်များ

Matyu 5:9

Gad bles aal a uu elp piipl fi liv iina piis, kaaz a piipl laik dem de Gad a-go kaal fi im pikni dem.

Luuk 20:36

An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Aks 5:32

Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Ruoman 8:14

Kaaz a onggl di piipl dem we mek Gad Spirit liid dem, a Gad pikni.

Ruoman 8:19

Az a matarafak, evriting we Gad mek, a did fi Gad shuo dem a uu im pikni dem bi.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 8:26

An siem taim dat a gwaan, Gad Spirit a elp wi kaaz wi wiik. Wen wi no nuo ou wi fi prie, di Spirit prie tu Gad fi wi. Di Spirit muon an gruon an se tingz we wi no nuo ou fi se.

Ruoman 9:26

An siem plies wich paat Gad se tu dem se, ‘Unu a no fi mi pikni’ a da siem plies de Gad, Gad we alaiv, a-go kaal dem im pikni.”

Ruoman 9:8

Dat miin se a no evribadi we baan iina Iebriyam fambili Gad tek fi im pikni. Gad did pramis Iebriyam se im wuda av wan pikni. Da pikni de a Aizak, so a onggl di piipl we kom fram Aizak fambili Gad tek fi fi im piipl.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Korintiyan 1:22

Im maak wi fi shuo se wi bilang tu im an gi wi di Spirit iina wi aat so wi wuda nuo se im a-go gi wi aal we im pramis fi gi wi.

2 Korintiyan 5:5

Gad a di wan we mek wi redi fi da nyuu badi de an im sen im Spirit gi wi so dat wi wuda nuo fi shuor se wi a-go get dem.

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

1 Jan 4:13

Gad gi wi im Spirit. Dis shuo se wi liv iina im an im liv iina wi.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.

Revilieshan 21:7

Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.