Ruoman 8:15 - Di Jamiekan Nyuu Testiment

¹⁵ Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

Ruoman 8:15 ပူးပေါင်းရင်းမြစ်များ

Matyu 25:25

siek-a dat mi did fried, so mi aid yu guol iina di grong. Si de, yu get wa a fi yu uon.’

Maak 14:36

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Luuk 11:2

Jiizas tel dem se, “Wen unu prie, unu fi se: “ ‘Faada, mek piipl av nof rispek fi yu an yu niem, Mek di taim kom wen yu ruul iina evri wie.

Luuk 22:42

“Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”

Luuk 8:28

Wen di man spat Jiizas, im baal out an jrap imself infronta Jiizas. Im shout out pan tap a im vais, “Lef wi no Jiizas, di Muos Ai Gad Pikni! Du mi a beg yu, no mek mi sofa!”

Luuk 8:37

Den aal a di Girasiinz piipl dem an evribadi we liv nier dem did wel fried so dem aks Jiizas fi lef dem ieriya. Jiizas go iina di buot an go we.

Jan 16:8

Wen im kom, im gweehn mek di piipl dem iina di worl nuo se dem rang bout sin, dat dem rang bout ou sumadi kyan get rait iina Gad yai an rang bout ou Gad joj piipl.

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Aks 16:29

So di waadn kaal tu sumadi fi gi im wan lamp. Im buolt iina di prizn, fling dong imself a Paal an Sailas fut a chrimbl.

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

Ruoman 8:16

Gad Spirit an fi wi Spirit jain op tugeda an se dat wi a Gad pikni.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 8:26

An siem taim dat a gwaan, Gad Spirit a elp wi kaaz wi wiik. Wen wi no nuo ou wi fi prie, di Spirit prie tu Gad fi wi. Di Spirit muon an gruon an se tingz we wi no nuo ou fi se.

Ruoman 9:4

di Izrel piipl, a dem Gad did pik fi bi im pikni. Gad shuo dem ou big, brait an powaful im bi an a dem Gad mek nof diil wid — im pramis fi gi dem nof sitn ef dem du wa im se. Gad mek nof pramis tu dem, an im gi dem di Laa. Gad aal shuo dem ou fi riili worship im.

1 Korintiyan 2:12

Di spirit we wi av neva kom fram di worl. Di spirit we wi av kom fram Gad, an a chuu wi av im Spirit mek wi kyan andastan an nuo aal a di sitn dem we Gad kwik fi du fi wi.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

Ifiijan 1:5

im mek op im main fram wie bak wen se im wuda tek wi fi im pikni dem, siek-a wa Jiizas Krais wuda du. A dat im did waahn an it mek im api.

2 Timoti 1:7

Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

Iibruu 2:15

An siek-a dat, im frii di piipl dem we komiin laik sliev fi aal a dem laif jos kaaz dem fried fi ded.

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.

1 Jan 4:18

Riil lov no fried a notn. Piipl we fried se Gad a-go ponish dem no av Gad lov iina dem aat, a dat mek dem fried kaaz dem no riili nuo Gad.